مزنه في وگر الشيذمان

...26...

#مزنه_في_وگر_الشيذمان
بـقـلـم/شهد الحسناوي
البارت السادس والعشرون

انه بحاله تناقض وانقسامات
وصراع وفوضويه ومو جد وجد ..
بحيث انشطر شخصيتين وياك
اكرهك واليحبك يمي يكعد ..
احط موعد لنسيانك واجي ردود
احط موعد البي ننسر موعد..

مزن

تفاجئت من كلامها
- ممعقوله ولج هذا ابنها شلون تعوفه واليوم هي سوت عمليه والمفروض هسه تظل ببيتها شجابها لهنا

- والله ما ادري يا مزن شني هالنفسيات علمود السفر تبيع حتى ابنها حجيتلج گبل وكتلج اسراء موش راحه اكبر مصلحجيه

- اي بلا فهمناها بس مو توصل لدرجة تعوف ابنها الله اكبر ناس تتمنى الطفل وهاي تعوفه و ذو الفقار جبير مو طفل وما يفتهم بالعكس هو بلثالث ابتدائي راح يصير رابع وذكي كلش شنو احساسه وشعوره من امه تعوفه علمود سفر

نداريت على رقه جانت دمعتها نازله وصافنه حجت بخفون
- هو متعلق بيها ويحبها هواي من مرات اخذه وياي لبيتي يلعب ويه ملوكه شكد يحجي بيها ما يكف عن طاريها چا شلون اذا سافرت

- يتعود يتعود

- موش سهله رنس هاي امه لج امه

- عوفج منها خيه رجلج شلونها

- نفسها والله سكنت شوي ع المسكن وهسه رجعت

حجتها وهي تغمزلي
- سكنت على المسكن لو على فيصل

ضحكت وكتلها
- اويلي عليج جيبيلي مسكن بس كون زين

- هسه اروح اجيبلج من مرت عمو رسول خوش عدها علاج لـ الام يسكنها بس يخليج تدوخين وتنامين

- عادي

راحت جابته واجتي اخذت منه و كاعده بس احس رجلي ثكيله واني اخاف احركها مابيه حيل الالم قوي وما اتحمله

ظلن هنه يحجن واني بديت ادوخ لحد ما غفيت و رحت بغير عالم
صحيت على صوت يگعد بيه
فتحت عيوني بثگل فيصل گال
- شمالج شني شاربه ساعه راح تصير بـ 9 بليل وانتِ على نومتج

- شنو اخذت مسكن الام وبعدها دخت ونمت

- كومي كومي اخذج للمستشفى نفسها رجلج ما تحسنت ابد

صوت حبوبه حجت
- ولك يمه موش كتلك انه رجلها مفصوخه تجي ام حميد هي تعرف وتمرغها الها تطيب

- يا مفصوخه حبوبه هو موش عظم الكاحل وينفصخ عايني وين اكو فصخ يصير بهالمچان

- عمو رسول وينه

- اجه من الشغل كبل شوي هو وسعد دره بيج تفكدج ظل كاعد يمج نوب راح نام

سكتت و رنس كالت
- كتله خل اصحيها الك ما رضه وكلي دير بالج عليها بنيت عمج نوب صعد يرتاح وينام لان كلش تعبان وكال اذا صار شي كعدوني