مزنه في وگر الشيذمان

...2...

#مزنه_في_وگر_الشيذمان
بـقـلـم / شهد الحسناوي
البارت الثاني

للتوضيح ** أگيد استغربتو من الأسم اسم غريب ونكدر نكول ما مطروق * مزنه في وكرالشيذمان *

المَـزن : الها معاني 2 المطر أو العاصفه هنا احنه راح ناخذ من معناها ونخصه بلاسم العاصفه
الوگـر : البيت أو المسگن
الشيذمان : الذئب

( العاصفه في بيت او مسگن الذئب )

هذا بالنسبه للاسم
اما نرجع لـ اللهجه اللي بمحافظة ميسان اتمنى ما اتعرض لنقد منكم من هاي الناحيه
ميسان محافظه كبيره واكيد كل منطقه الها لهجه او مفردات خاصه بيها
فـ اتمنى منكم ما تعارضوني وتجون تكلولي احنه ما نحجي هيج وكذا
لهجة الابطال راح انقلها الكم بحذافيرها
وكل كلمه يحجوها راح تنزل الكم

هاي بعض الكلمات من اللهجه والباقي يمر ذكره بلقصه
چـا - نفس معنى لعد او عچل
انه - انا او اني
عاين - باوع او انظر
شمالك - شبيك
موش - مو
طكه - ضربه
طاح - وكع
اهيس - احس
شني - نفس معنى شنو
صويحبي - صديقي او صاحبي
بعض الكلمات يبدل حرف الـ ك بحـرف ال چ،ج
چلمه - كلمه
اچتله - اكتله
رفيچي - رفيقي
وكل المفردات الباقيه راح يمر ذكرها بلبارتات القادمه

دائمًا ، عند المآسي الكبرى
أتحول لحجرٍ بارد و مجوّف
لكتلة ثلجية صارمة و ثابتة
لغيمة دخانية نصف شفافة
يمكنك و في هذه اللحظة بالذات
ان تخترق كل اسواري
و حتى ان تعبر للجانب الاخر
دون ان يعيقك شيء
و دون ان ان يوقفك اي موقف
رغم انني سأشهد كل شيء
و بعينين مفتوحتين على وسعيهما
لكن سيبدو و كأنك تخترق جسدًا آخر
و قلبًا لا يمتّ بصلة لقلبي ،
انك تعبر روحًا
لم تسكن يومًا هذا الجسد
دائمًا ، عند المآسي
أتحول لجثة ثقيلة متفرجة
و انفصل لنصفين
يركضان بعيدًا جدًا عن بعضهما
لم أتوقف يومًا عن كوني
تمثال ثلجي ذائب
كل مأساة ، هي المأساة الاولى
و كل مرة افقد نفسي
كأنني افقدها للمرةِ الاولى .

مزن

اجه يتمشى صارت عينه عليه ابتسم استغفرت ربي ونداريت هذا شلون تاليتها ويا يا الله ما ناوي يحل عني
مشينه وامي جرتني وياها تسحل بيه تدريني مراضيه ومغصوبه على هالروحه المشؤمه

كملو اجراءات وطلعنه من المطار هم صعدنه سياره وهم طريق والدوخه بدت تسيطر عليه ما تحملت بعد ونمت
حسيت على امي تكعد بيه

فتحت عيوني بثقل الدنيا بدت تظلم وهما دينزلون من السياره
نزلت اخذت صفنه كأنو جنت فاقده الوعي من انام واكعد احس روحي فاقده الذاكره واخذ وقت يلا استعيد كلشي مدري ليش هيج يصير بيه