قمر خاتون

البارت الاول

العراق .. بغداد ..سنة 1942 ساعه تقريبا 10 مساءا الجو ممطر جدا والرعد والبرق يشق السما والشوارع فارغة من الناس
جان اكو شاب بعمر ٣٣ طويل اسمر صاحب ملامح حادة واكف على شباك غرفته يتفرج على المطر وعيونه على السما شارده غمض عيونه وهو يسمع الرعد وصوته المرعب فتح عيونه ولمح شي غريب بالشارع ركز زين لكى سيارة واكفه و وبيها رجل كبير بالعمر و وياه بنت واستنتج انو سيارتهم عطلت بنص هذا الجو والوضع
ضل يتابع تحركاتهم لدقائق بعدها تحرك و اتجه طلع بره غرفته

سمع صوت امه فتحيه
فتحيه _ شريف ؟

شريف_ نعم ماما

فتحيه_ تريد شي ابني ؟

شريف_ لا امي ما اريد بس اكو سياره واكفه بالشارع واعتقد محتاجين مساعده طالع اشوف شكو واذا يحتاجون مساعده

عاف امه واتجه للباب البره
وكف بالباب و صاح على الرجال الجبير

شريف_ السلام عليكم عمو محتاج شي

ركض عليه الرجل الجبير والمطر ترس ملابسه
الرجل الجبير_ اي والله عمو سيارتنه وكفت ماعرف شبيها و لازم نرجع للبيت حالا لان حصير الي مشكله وويايه امانه لازم اوصلها

شريف_ انطيني مجال خلي اشوف السياره شبيها

تقدم على السياره و ضل يحاول يلكى العطل وين وهو يدور بالسياره ويحجي ويه الرجال الجبير لمح بنيه كاعده لابسه فستان ازرق و قبعه راس بيضه القبعه جبيره ماكدر يميز ملامح البنت زين
بعد عدة محاولات اشتغلت السياره
شكر الرجل الجبير شريف وركب السياره و مشو

شريف ضل يتابع السياره الى ما اختفت عن الانظار
ورجع للبيت بدل ملابسه و كعد يم الصوبه يدفه

.....
تعريف عن شريف وعائلته

شريف من عائله مثقفه و وواصلة بالدولة العراقيه ابو شريف عبدالرحمن عنده معمل تمور و اراضي وعنده نفوذ قوية بالدولة بحكم مكانته الاقتصاديه

اما ام شريف فهي من عائله نبيله ومعروفه من البصرة تزوجت عبد الرحمن و انتقلت ويا للعيش ببغداد

الابن الاكبر الهم نزار ويشتغل ويه ابو بالتجاره متزوج وعنده طفل

شريف الابن الثاني وهو مدرس لغة عربيه و يكتب مقتالات لجريده معروفه انذاك

والبنت الصغرى كوثر تدرس طب بشري

عائله هادئه و منسجمه بينهم ومتفتحين الى حد ما

لكن شريف شويه عصبي و ما يعجبه اي شي شريف مر بتجربه زواج من قبل و زوجته اتوفت بحادث حريق

..
يتبع ❤