مر يومين وقمر عازله نفسها و متكدر تحجي بالتلفون ولا تطلع لان تحت عيون مراقبة ساره وشريف يوميه يفوت من يم بيتهم عسى ولعل يلمح طيفها او يسمع شي ويطمن گلبه الفاير نار عليها بعد ما جان يتمشى بدربونه قمر وجع للبيت مترجل فات للبيت
شريف_ يمه ؟؟ يمه.... يمه ؟؟
فتحيه_ ها ابني شبيك ؟
شريف_ ابويه وين ؟
فتحيه_ توه رجع من اجتماع جان عنده بخصوص مشروع معمل تمر جديد ورجع تعبان كاعد بغرفته يرتاح
شريف_ ماشي صاعدله اني
فتحيه_ يمه خير شكو ؟ اكو شي ؟
شريف_ هسه تعرفين كل شي
صعد شريف وراه صعدت فتحيه
دك الباب وفات لكى عبد الرحمن كاعد على كرسي لابس نظارات ودا يكلب بأوراق
شريف_ يابه اريد احجي وياك بشي مهم
غمض عيونه عبد الرحمن و نزع نطاراته و فتح عيونه وباوعله بتذمر
عبد الرحمن_ كول ؟
شريف_ اريد اتزوج !!
عبد الرحمن _ تتزوج ؟؟
فتحيه بحماس و فرحه_ ساعة البيضه و الف بيضه واخيرا كلللللييييششششش ازفك و اشوفك عريس ياربي انطيني عمر واشوف هذا اليوم يمه شريف فدوه وحتلك والله فرحتي متنوصف
عبدالرحمن_ اسكتي خلي نفتهم من الافندي شعجب هسه و منو يتزوج وليش ؟
شريف اخذ تنهيده جبيره _ بنت اسحاق بنيامين قمر !
فز من مكانه عبد الرحمن وفتح عيونه بعصبيه وصدمه ولزمت حلكها فتحيه من صدمة الي كاله شريف وخوف من ردة فعل عبد الرحمن
عبد الرحمن_ عيد شكلت ؟ بنت منو ؟
شريف_ قمر بنت اسحاق بنيامين ... اي هيه البنيه اليهوديه
عبدالرحمن_ اظاهر سوالف السياسه لحست دماغك وصرت مخبل
شلون فكرت بله ! شلون رهمتها ؟ منو يوافق ؟ اني ؟ لو ابوها ؟ لو المجتمع ؟ شنريد ابني مني تريد تموتني انت ؟ بهاي سوالفك
شريف_ يابه اني جدي بالموضوع ؟ ورايدها وما اريد غيرها و اخذها اخذها غصبا عن الكل والمجتمع
عبدالرحمن_ غصبا عن الكل لك انت المن دا تتحدى ادبسز تعرف كدام منو تحجي انت هذا الامر مموافق عليه ورافضا رفضا تاما وبعد لاتعيده
شريف_ ليش ؟ ليش ؟ لان من غير ديني ؟ شكو بيها !! احنه كلنا نعبد رب واحد لا شريك له ليش هالعنصريه وبعدين حتى الدين والشرع حلل الزواج من غير دين على يا اساس انتو تجون وتحرمو تعارضون شرع الله بكيفكم صاير الدين وتمشو على مزاجكم بالي يصرفلكم الحلال والحرام والعيب و الي يصير والصح والغلط
أنت تقرأ
قمر خاتون
ChickLitتدور احداث القصة في العراق بغداد سنة 1942 نرجع الى هذه الحقبة الزمنيه لنسلط الضوء على التعايش بين فئات المجتمع ان ذاك في احد مناطق بغداد القديمة التي يسكنها العوائل اليهودية و المسلمة والمسيحيه كيف كان التعامل بينهم و ما هي التحديات والصعوبات التي ت...
