قمر خاتون

البارت الخامس عشر

نزلت كارمن عسريع ووجهه ينطي الوان اصفر احمر اخضر متتفسر لاكتها ساره عالدرج باوعت عليها بنظرات تعجب و قلق

ساره_ شبيج مو على بعضج ؟

كارمن_ شكول ماعرف شكول مصيبه ساره خاتون مصيبه وحلت على روسنا شرح يفضها

ساره_ احجي شصاير شكو قلقتيني ؟

كارمن_ قمر قمر خاتون

ساره _ شبيها ؟

كارمن _ ماكو مو بالبيت لابغرفتها ولا بالحديقه ولا بالصاله ولا بالمكتبه

ساره_ هاي شدتحجين كارمن ؟ وين راحت ؟!!

كارمن_ ساره خاتون اسفه جدا واعتذر اني مني السبب سامحيني اني السبب

ساره_ شنو ؟ احجيلي !!

كارمن_ اني الي كتلها شريف منتظرج بالباب اطلعي شوفي وارجعي عالسريع ماعبالي والعذرا ما مابالي حتروح مترجع شلون ساره شلون شكول لاسحاق بيك و بنيامين شحجي شرح يصير مصيبيه مصيبه جبيره

ساره_ اهدئي كارمن الوكت بعده بأيدنا اي واحد يسألج عليها كولي تعبانه من الحفله ونايمه وخلي نستغل هذا الوقت ونوصل لمكان شريف او اي شي يوصلنه اله بلكت نكدر نرجعها قبل لا يفوت الاوان

كارمن_ وشرح تسوين منين نبدي ؟

ساره_ بدلي وكولي لابويه طالعه للسوك وخلي نروح لبيت عبد الرحمن بلكي يدور ويانه عليه او ينطينه خيط او نلكاهم عدهم يمكن مندري يلا كارمن ماعدنه وقت

......

طلعت فتحيه للباب لكت كارمن و ساره واكفين بوجه عصبي وحزين وقلق وحيران

كارمن_ مرحبا ام نزار احنه اهل قمر خاتون

فتحيه بوجه مستغرب وقلق _ اي اعرفها لساره خاتون بس ... خير صاير شي ؟

ساره_ ام نزار من البارحه لليوم اختفت قمر واخر شي صار طلعت التقت بشريف وبعدها اختفت ؟ ام نزار اذا تعرفون شي عليهم كولونه لان المصيبه جبيره كلش على العائلتين ومناقصين مصايب هيج اترجاج قدري وضعنا وخوفنا على قمر ابويه اذا درى رح يصير شي بي و الخطر مارح تسلم منه قمر لا وشريف لان دانيال اخويه اعرفه مارح يسكت واذا لكاهم رح يخلص عليهم وتخسرون ابنكم ونخسر ابنا وبنتنا

فتحيه_ هاي شدا تحجين يبووووووووو عليه يبووووووو يمه شريف شسويت بروحك يبوووووووو واذا درى عبد الرحمن شلون شحيسوي

كارمن_ اذا متعرفون همه وين انطونه خيط يوصلنه معارف اقارب اصدقاء شريف ولازم الكل تتساعد حتى لا توكع المصيبه فتحيه خاتون

.....

فاتت فتحيه وهيه تبجي وتلطم لاكاها عبد الرحمن وكوثر

عبد الرحمن_ خير شكو هالمره ؟؟