كوثر_ اسمحولي دقايق وارجعلكم الوالده تصيحني
زاد ارتباك قمر بمغادره كوثر وماجانت تعرف تروح لو تبقى بمكانه قطع تفكيرها شريف
شريف_ هذا صدفة عابره لو قدر ؟
قمر_ ها ؟ شنو يعني
شريف_ اعتقد البارحه التقينا بالمكتبه واليوم هاي انتي گبالي شلون صدفة
قمر_ هاي انت گلت مجرد صدفة
شريف_ وشمدريج مو قدر وهاي بداية القصة
انحرجت من كلامة وانصرفت من يميه بسرعه وخفه خجوله هو ابتسم ويتابع بنظراته خطواتها السريعه وخجلها
قمر_ كوثر اني لازم اروح هسه اعذريني
كوثر_ بس بعدنه ماكملنه السهره بعد رح يجي كاتب منزل كتاب جديد ورح يحجي عنه
قمر_ لا مو تأخرت
كوثر_ لا اكعدي شعندج عود نوصلج باليل اني وشريف اخويه
قمر_ ها لا لا ميحتاج السايق يجي ياخذني
كوثر_ اكعدي لخاطري بعد
قمر_ ميخالف شويه واروح بس
ترأس الجموع الحاضره شاب ثلاثيني لازم كتاب بأيده سلم عالجميع وبدا يحجي عن الكتاب ومحتواه ويناقش الموجودين عيون قمر جانت حايره ادور بين الوجوه عن شريف الى ما لمحته وهو يباوع عليها ومبتسم انعجبت بنقد شريف وملاحضاته للكتاب وتفكيره المنفتح و الرزن
خلص الحوار و السهره كذلك وبده الموجودين يرحلون واحد بعد واحد ومن ضمنهم استأذنت قمر ووصل السايق سلمت على عائلة شريف وطلعت نظرت نظره اخيره على شريف وصعدت السياره ومشت ضل شريف يتابع خطوات السياره الى ما اختفت عن النظر ورجع دخل للبيت لكى عائلته مجتمعين يحجون عن السهره وابرز الاحداث الي صارت بيها كوثر جانت تباوع عليه وتضحك وهو محرج كلش من نظراتها استأذن وجانت حجته تعبان وراسه يوجعه يصعد يرتاح ينام اخذ الاذن وصعد لغرفته دخل سبح و لبس ملابسه و المنفشه براسه وواكف كدام المرايه ينشف بشعره اندكت الباب واذن بالدخول دخلت عليه كوثر
كوثر_ شنو رأيك بصديقتي الجديده ؟
شريف_ منو تقصدين ؟
كوثر _ هاي شنو تسيت
باوع بالمرايه وداخله يحجي انسى شلون انسى العيون الحلوه والابتسامة الاخذت روحي اوف اني شدايصير ويايه معقول حبيتها من اول نظره
كوثر_ شررررررررريف وين بالك
شريف_ وياج ... شنو ردتي تحجين ؟
كوثر_ ردت احجيلك عن قمر
شريف_ اي شنو ؟
كوثر_ تدري هوايه تشبهك
أنت تقرأ
قمر خاتون
Chick-Litتدور احداث القصة في العراق بغداد سنة 1942 نرجع الى هذه الحقبة الزمنيه لنسلط الضوء على التعايش بين فئات المجتمع ان ذاك في احد مناطق بغداد القديمة التي يسكنها العوائل اليهودية و المسلمة والمسيحيه كيف كان التعامل بينهم و ما هي التحديات والصعوبات التي ت...
