قمر واكفه باب البيت لابسه فستان بالون السمائي و قبعة صغيره سوده وتنظر الى داخل البيت
قمر_ كارمن يلاااااااااا ورانه هوايه فره
كارمن طلعت تمشي سريع
كارمن_ يلا يلا اجيت شكو مستعجله بعد وكت
قمر_ بعد وكت شلون ورانه نروح لمحل ساره و نروح للمكتبه اجيب شويه قصص و ننزل نتسوك شويه يلا يلا
طلعو من البيت ركبو السياره وياهم السايق
جان الجو مشمس و الناس طالعه بالشارع الي يتسوك والي شايل كتب والي رايح لشغله و قمر تتفرج من شباك السياره بوجه مبتسم التفتت على كارمن
قمر_ تدرين شكد احب هذا البلد
كارمن_ غير وطنج اكو احد ميحب بلده يا قمر
قمر_ لا لا اني طلعت هوايه بلدان بالعالم بس ماشفت هيج بلد بي حياة و نشاط و ناس طيبه مثل وطني اني كلش احب العراق واتمنى اعيش كل حياتي هنا
كارمن_ ماكو احلى من العراق ولا اعز منه ويارب تعيشين عمرين هنا
وكفت السياره بباب محل جبير بيبان زجاج وبيه ملابس فاخره وتصميمات انيقه دخلت قمر وكارمن للمحل واستقبلتهم ساره بأبتسامه عريضه
ساره_ هلا هلا بالحلوه
قمر_ حبيبتي الغالية تسلميلي
ساره_ حضرتلج كم فستان رح ياكل منج قطعه
قمر_ يلا خلي اشوف اتحمست
ساره_ كارمن ساعديني نحضر الفساتين لست قمر
فاتت قمر تقيس الفساتين
بهالاثناء فاتت كوثر و فتحيه للمحل يدورون ملابس استقبلتهم ساره بسلام حار
كوثر_ ساره اريد نفنوف لحفله باجر اريد اطلع كلش حلوه
ساره_ حبيبتي انتي تخبلين انتي الي تححلين النفنوف
كوثر_ تسلمين قلبي اييي شعندج جديد
بهالاثناء طلعت قمر تمشي و ترتب بالفستان الي لابسته فستان اسود بأكمام طويله و خصر و واسع من جوه وعليه ورده من يم الخصر منطيه لمسه اناقه انثويه
ساره_ تعالي قمر حبيبتي اعرفكم قمر اختي الصغيره
قمر_ مرحبا
فتحيه _ مراحب عيوني هاي شنو ساره كلكم هيج حلوين ماشاء الله قمر اسم على مسمى
قمر_ اشكرج خاله انتي الاحلى
ساره_ هههههه شعبالج لعد خاله
كوثر_ اتشرفنا بمعرفتج قمر خاتون
قمر_ الي الشرف وبلا خاتون قمر بس
ساره_ كوثر تعالي ويايه اراويج القطع الي عندي
كوثر_ يلا
كدرت كم قطعه و عجبها نفنوف احمر وحجزته
قمر_ اني حروح اتأخرت على المكتبه
ساره_ انتظري خلي اضبطلج الفستان زين
كوثر_ تحبين تقرين كتب
ساره_ تحب هههه هاي عايشه بين الكتب
كوثر_ حلو اذا تحبين تجين لحفله باجر و اكو ندوه ثقافيه بعددها عن الكتب و تأثير القراءة وثقافة النساء بالمجتمع العراقي
قمر_ اي كلش احب اجي
كوثر_ رح اكتبلج العنوان ورح اكون بأنتظارج ساعه سته العصر ان شاء الله
قمر_ تمام
فتحيه_ والله ذولي سبوني بالكتب والقرايه هيه واخوها شريف متخلص قرايتهم
ساره_ هههههه ماكو احلى من العمل اني بالنسبه الي افضل اشغل وقتي بشي عملي اكثر من انام بكتاب مجرد سرد و نظريات
فتحيه_ الله يهديهم يمه يلا نترخص واتشرفنا بمعرفه قمر الحلوه
قمر_ شكرا خاله فرصة سعيده تعرفت عليكم
كوثر_ انتظرج باجر
قمر هزت براسها _ اكيد اجي
كوثر و فتحيه سلمو وطلعو من المكان
وراها بدت ساره تضبط فستان قمر
وطلعت قمر مستعجله للمكتبه
فاتت للمكتبه وهيه تباوع بشغف على اغلفه الكتب
وسارحه بتفكير اي كتاب تاخذ وباي واحد تبدي
اخذت كتاب من بين الكتب وبدت تتصفح بي
سمعت صوت من وراها يكول_ العفو هذا الكتاب الي
اندارت عليه بأستغراب وباوعت عليه _ نعم ؟!!
اول لقاء صريح بين قمر و شريف قمر اول ما باوعت بوجهه شريف حست بشي غريب مشاعر ماعرفت تفسرها ومن خربطتها شمرت عليه الكتاب وطلعت عالسريع
كارمن_ اشو ما اخذتي كتاب
قمر_ ماكو شي مميز يلا خلي نروح
ضلت تمشي بخطوات بطيئه وتتذكر الموقف ووجه شريف و تبتسم
اما شريف فأخذ الكتاب لكن كان مستغرب لردة فعلها انو ليش ما دافعت وكالت لا اني اخذه ليش بهالشكل شمرت الكتاب وانهزمت مثل الي مسوي مصيبه منو هاي البنيه مشايفها قبل
....
أنت تقرأ
قمر خاتون
Chick-Litتدور احداث القصة في العراق بغداد سنة 1942 نرجع الى هذه الحقبة الزمنيه لنسلط الضوء على التعايش بين فئات المجتمع ان ذاك في احد مناطق بغداد القديمة التي يسكنها العوائل اليهودية و المسلمة والمسيحيه كيف كان التعامل بينهم و ما هي التحديات والصعوبات التي ت...
