وكف دانيال كدام ابوه وقميصه ملطخ بالدم صفعه براشدي كلش قوي
اسحاق_ قاتل ؟! انوب قاتل !!
دانيال وهو يبجي _ لعد شتريد اسوي كلهم لازم يدفعون الثمن هو وشريف وهيه مو هو ساعدهم وهو زوجهم لازم ياخذ عقابه
اسحاق_ جلب معتوه شسويلك هسه شسويلك ؟ انت متبفى اليوم هنا ببغداد هسه تطلع تسافر
دانيال_ قبل لا اخلص حسابي لا لا ما اروح لاي مكان
رجع صفعه براشدي
اسحاق_ لك زمال حقير شتريد تصير سفاح اسمع لك اذا متطلع هسه وتسافر لا انت ابني ولا اعرفك واتبرئ منك للابد
......
نزار_ ماعرف شلون صار وليش ماعرف
عبدالرحمن_ الله يرحمه ويجعل مثواه الجنه
نزار_ الشرطه دا تحقق بمقتله والدنيا مكلوبه والمشكله من مفتشين البيت لاكين رسائل سريه لمنظمه مسويها وعلى ما اعتقد اسم شريف بيها
عبد الرحمن_ اذا اسم شريف بيها هاهيه انحلت بعد ميختاح ادور عليه هو رح يجينه
نزار_ يابه شدكول اكلك تنظيم ضد الحكومه تكلي هيج بيها سحن لو اعدام يابه
عبدالرحمن_ مو اولاد عبد الرحمن الي يصير هيج بيهم انت ماتعرف ابوك لعد تابع وشوف شنو السالفه
......
اندكت الباب طلع اسحاق لكى عسكر بالباب
اسحاق بخوف وقلق _ تفضلو
واحد من العسكر_ بيت اسحاق بنيامين ؟
اسحاق_ اي تفضل
العسكري_ استاذ اسحاق اكو جريمه قتل صارت ومن التحقيقات وصف الشهود ابنك حضرتك اخر واحد شاهدو يخرج من بيت الضحيه
اسحاق_ مستحيل ابني ميكدر يأذي حيوان مو عاد انسان يقتله انتو اكيد متوهمين
العسكري_بعد اكتشفنه بالتحقيقات انو ولكينه نسخه من عقد زواج لبنت حضرتك ويه شريف وكان شاهد ع الزواج استاذ اسحاق وين ابنك ؟
اسحاق _ مادري
العسكري_ احنه نلكى اذا شكرا الك
قفل الباب وراها وكع راسا لحكت عليه ساره وكارمن بحاولون يكومو من مكانه خلته بحضنها ساره وهيه تبجي
ساره_ بابا حاجيني
اسحاق_ طول عمري كضيته بهذا البيت وعشت احلى ايامي ويه وامج بي ووياكم جنت شايل هم شلون رح اودعه واغيره بغير بيت ومكان وارض ساره لا طلعيني من بغداد بقيني هنا
ساره_ شدا تحجي انت بابا كلشي حيمو وحنروح منا ونعيش حياة السلام بين اهلنه هناك وناس من عدنه
اسحاق_ هنا هنا اهلي
جانت هاي اخر كلمه يكولها اسحاق بعدها توفى وفارق الحياة عايف وراه ساره تعيط وتلطم وكارمن تبجي
.......
شكيب _ شريف اكو اخبار مو حلوه من بغداد
شريف_خير خالي ؟
شكيب_ نزار دزلي مكتوب ..... سكت
شريف_ ابويه بي شي ؟ امي ؟ احجي خالي
شكيب_ نعمان صاحبك
شريف_ شبي نعمان ؟!!
شكيب_ البقاء لله انطاك عمره
شريف سمع هالجمله نزلت عليه مثل الرصاص مصدوم من الي سمعه ميريد يصدك باوع عليه بنظره صدمه وكأنه يكول تشاقه لا اني بحلم عيد عيد الي كلته شكيب جان بوجه حزين وميعرف شلون يوصل الاخبار لشريف
شكيب_ لازم جان تعرف كلشي نعمان مات مقتول والي قتله اخ زوجتك دانيال
شريف_ لا هههه لا لا مدا اصدك هاي اكيد مسوين عليه قصة حتى ارجع اكيد اكيد هسه اتصل ببيت نعمان هسه لا اكيد هذا تفكير ابويه
لزمه شكيب من جتفه وجر حسره _ تأكدت البقيه بحياتك شد حيلك
كعد شريف على ركبته والدموع صارت مطر تنزل من عيونه
تنهد شكيب _ مو بس هاي والد قمر انطاك عمره هم بعد ماسمع بخبر ابنه متحمل ومات ودانيال لحد هسه مجهول المقصد محد يعرف وين و اخت ساره صفت الامور ودفنت ابوها بمقبره اليهود ببغداد و سافرت ماعرف شكلك بعالموقف و هالمصاب الجلل شد حيلك وخليك يم زوجتك هيه محتاجتك حاليا محد بقالها بس انت
شريف يسمع الكلام وممستوعب الي دا يحجي خاله صار بعالم ثاني يبجي ويكول كله بسببي اني السبب اني اتحمل ذنب دمك نعمان صديقي ورفيق دربي اني السبب بموتك
نزلت قمر مستغربه وضع شريف راكع عالارض ويبجي جتي عليه تركض بخوف
قمر_ شبيك شريف ؟؟ شكو شنو صار ؟!!
شريف مايرد عليها وبس يبجي وبكول اني كله مني اني سبب موته
قمر_ منو مات ؟ منو ؟ احجي شريف شكو منو مات
شكيب_ شدي حيلج بنتي البقاء لله بأبوج و بصديق شريف نعمان
هنا قمر متحملت الي سمعته ووكعت اغمى عليها
........
صحت قمر وجان بجانبها جنان قمر صار عندها انهيار عصبي كل ما تصحى وتتذكر الي سمعته تعيط وترجع تفقد الوعي شريف جان عازل نفسه بالبستان ومحد يعرف مكانه وين غير ابو جاسم شاعل حطب وكاعد كبال النار ودموعه مانشفت على صديقه وواكف وراه ابو جاسم يحاول يواسي لكن مدا يلكى كلام مناسب لوضع شريف المنهار
...
يتبع
أنت تقرأ
قمر خاتون
Romanzi rosa / ChickLitتدور احداث القصة في العراق بغداد سنة 1942 نرجع الى هذه الحقبة الزمنيه لنسلط الضوء على التعايش بين فئات المجتمع ان ذاك في احد مناطق بغداد القديمة التي يسكنها العوائل اليهودية و المسلمة والمسيحيه كيف كان التعامل بينهم و ما هي التحديات والصعوبات التي ت...
