شكيب _ هلا بالغالي هلا ابن الغالية هاي شنو سمعت متزوج ؟
شريف_ اي والله
شكيب_ ولك هيج تتزوج ومحد ينطيني خبر لو ابوك ماقبل مو كد المقام اي طبعا عبد الرحمن باشا صرنا مو بمستواه
شريف_ لا مو هيج خالو ابدا مو هيج ابويه اصلا ميدري بيه اتزوجت ولا يدري بيه وين اني هسه
شكيب_ شنو السالفه شريف؟ ليش من وره ابوك ؟ وليش مهزوم ؟ وهاي البنيه منين ؟!!
شريف_ كلشي رح تعرف ورح احجيلك القصة من البداية .
كعد شريف ويه خالة يسولف ويا وشكيب يسمع ومستغزب
قمر كاعده ويه جنان بالحديقه يشربون جاي و الجهال يلعبون كدامهم
جنان_ خيه اعتبري البيت بيتج ابد لا تستحين واني هنا اخيتح شتريدين كوليلي عيوني الج
قمر_ اشكرج حبيبتي تسلمين
جنان_ الله يساعدج احنه هنا اهلج وحزام ضهرج ابد لا تحيرين وتخافين من شي وشريف ابن اوادم وزلمه حوك الله يسعدكم ويرزقكم الذريه الصالحه
قمر_ امين
جنان_ رح تستقرون هنا اكيد ؟ بالبصره ؟
قمر_ والله ماعرف بعد مامقرر شريف
جنان_ انه اشوف احسن شي هنا تستقرون هنا ديرتنه امان وكلنا اهل
قمر_ اني حبيت المكان هنا بس يبقى القرار الاخير لشريف
جنان ابتسمت وتباوع بنظرات لقمر بيها حجي قمر باوعت عليها بأستغراب
جنان_ اكيد انتي كلش تحبي مو ؟
قمر_ هو الحياة بالنسبه الي والا ماعوف كلشي ورايه واجي ويا مغمضه ومطمئنه لو كتلج احبه يمكن اكذب لان مايوصف المشاعر الي جوايه اله
جنان_ حلو الحب ؟
قمر_ انتي ماتحبين الشيخ شكيب ؟
جنان بتردد ولحظه تفكير _ ماعرف انه اول مافتحت عيني لكيته رجلي ما افتهمت شي احبه لو لا هو هذا القدر المكتوبلي ما ممفكره اذا جنت احبه او لا انه اهلي زوجوني شكيب وانه عمري 12 سنه وهالشوفين هسه عمري 35 سنه عشت وياه كل الظروف و المواقف و خلفت منه يعني بالقصد ماعشت هيج قصة احب وانحب و اضحي ماعرف
قمر_ يعني ماضجتي من اتزوج عليج ؟
جنان_ كل مره تضوج من تشاركها مره لخ برجلها وبيتها بعدين هو الي اختار وانه ماتغير علي شي كاعده بيتي وعلى جهالي
قمر_ متغارين عليه ؟
جنان_ يووووو اخذتنا السوالف خلي اكوم اسوي العشا للشيخ
....
شكيب_ اطمئن شريف انت وياها بأمان هنا وبحماية الشيخ شكيب الي يرشك بمي ارشه بدم كائن من يكن
أنت تقرأ
قمر خاتون
ChickLitتدور احداث القصة في العراق بغداد سنة 1942 نرجع الى هذه الحقبة الزمنيه لنسلط الضوء على التعايش بين فئات المجتمع ان ذاك في احد مناطق بغداد القديمة التي يسكنها العوائل اليهودية و المسلمة والمسيحيه كيف كان التعامل بينهم و ما هي التحديات والصعوبات التي ت...
