شريف_ ماكو شي مستحيل قمر صح الموضوع مو سهل بس مو حرام واني اريدج واريد تكونين شركيتي بالحياة وشريكه افكاري ومبادئي واحلامي
قمر_ مممم احلام ؟ شنو احلامك ؟
شريف_ انتي اول احلامي واحلاهن ياقمري الجميل وحلمي الوردي الي ما اريد اصحى منه الى ما اموت
قمر_ لا تجيب سيرة الموت ارجوك ما احب هذا الطاري
شويف_ صار تأمر يا شكر لمه
ضحكت قمر و على ضحكتها ضحك شريف وباوع عليها بتركيز
شريف_ يالله سبحان الله الخلقج شكد حلوه انتي
قمر بنبره خجل _ شرررريف ههههه
شريف_ روح شريف .. عمر شريف .. قمر وشمس شريف .. عيونه
قمر_ اذا تبقى تحجي هيج مارح اعرف احجي تره
شريف_ شسوي مو بيدي احبج والله ومحمد احبج و النبي موسى احبج اقسم بالقران والتوراة احبج
قمر_ صدك تحبني خاف تطلع كلاوجي ؟
شريف_ ولج شحلفلج بعد بدينج وبديني وبالله الواحد الي نعبده والايام رح تثبتلج قمر اني شكد احبج
قمر_ ياريت نكدر ياريت
شريف_ خايفه ؟
قمر_ اي خايفه !!
شريف_ لانخافين واني وياج و يضل ابالج شي اني الج وانتي الي لو مها صار مستعد اقدم طلب لولي العهد حتى يتوسط و يوافق على الزواج شتودين بعد حجيبلج الولي و الامير
قمر_ ههههههههههههه والله عندك سوالف على اساس همه بحالنه صدك شريف انتظر شويه يلا اتفاتح اهلك اني مجاهزه حاليا
شريف_ ليش ؟
قمر_ اوووف عدنه مشاكل بالبيت اخواني يردون يهاجرون ومقسومين نصين بين الرافض وبين الموافق وماعرف وين رح ترسى بينه ؟!
شريف بنظرات خوف وتساؤول _ وانتي قمر ؟ انتي شنو موقفج ؟ تريد تروحين ؟ واني ؟
قمر_ هاي شبيك كتلك حروح ليش تستعجل الكلام لا اني رافضه الموضوع وابويه هم رافض بس خايفه لا ملحة اخوتي تأثر على بابا ويستسلم
شريف_ وانتي ؟ شنو حيكون قرارج ؟
قمر بتنهيده _ اني شكد سافرت بلدان بعمري ماحسيت بالاطمئنان والحياة غير هنا اني كلش احب بغداد كلش ما بعمري اتصور اعيش بغير مكان بغير مدينه بغير محلتنه بغير بيتنا وذكرياتنا ماريد ما اتحمل
باوعت بعيون شريف بأبتسامه خجوله وكملت كلامها _ انوب صار شي ثاني يربطني ببغداد وبالعراق شلون تتخيل اترك كل هذا وامشي
شريف_ حاولي تستعجلين بموضوع مفاتحه اهلج ما اضمن شنو الوضع وماريد تضيعين من ايدي ما اتحمل
أنت تقرأ
قمر خاتون
Literatura Femininaتدور احداث القصة في العراق بغداد سنة 1942 نرجع الى هذه الحقبة الزمنيه لنسلط الضوء على التعايش بين فئات المجتمع ان ذاك في احد مناطق بغداد القديمة التي يسكنها العوائل اليهودية و المسلمة والمسيحيه كيف كان التعامل بينهم و ما هي التحديات والصعوبات التي ت...
