نزار_ يابه اكو رجال بالباب يريدك
عبد الرحمن _ منو ؟
نزار_ يكول صاحب الامانه
كام عبد الرحمن بسرعه من مكانه وطلع للباب اندار على نزار
عبد الرحمن_ عوفنه لوحدنه
نزار استغرب بس هز راسه موافق وانسحب وهم ابوه هو دخل لكن رجع طلع للحديقه من الباب الخلفيه يسمع شنو يدور بينهم
عبد الرحمن_ مو كتلك مو هنا تجي شعندك جاي
الرجال_اتصلت عليك وماكو رد وحاولت اوصلك بغير مكان مكدرت ردت اكلك وصلنه لعنوانه بعده مطالع من هنا
عبدالرحمن طلع فلوس من جيبه وانطا بيد الرجال _ التذكره مالتها على المحطه المركزيه رحلتها الساعه 9 باليل اليوم شوف شغلك ويا ووياها
الرجال_ تأمر بيك
سمع نزار كلشي وهو بحالة صدمة ودهشه استنتج من الكلام انو الحجي على قمر ضل يلوب يروح ويجي شيسوي نزل شريف وشاف حالة نزار
شريف_ اكو شي ؟ شبيك متوتر !!
نزار_ لا مابيه شي ليش مبين شي عليه ؟
شريف_ كلش مبين !! احجيلي اذا اكو شي
نزار_ لا شغله صغيره مشكله وتنحل
شريف_ ابويه وين ؟
نزار_ هااا ... بغرفة المكتب مالته
شريف_ والله مادري افوت احجي ويا لو هم نتعارك حيره خلي احجي ويا واروح
نزار_ وين تروح ؟
شريف_ اريد اروح لقمر اكيد هسه گلبها محروك وكلش قلقه
نزار_ ها .. اي اي خطيه
شريف_ متأكد ماكو شي ؟
نزار_ هاي شبيك مو داكلك ماكو شي
تمشى شريف لباب مكتب ابوه و نزار عيونه على شريف وعلى الساعه الساعه صارت تقريبا 6 ونص بعد العصر صاح بصوت
نزار_ شريف
اندار شريف عليه بوجه بي تسأل ؟
نزار_ بعد ما اتحمل ماكدر ماكدر اتحمل هيج ذنب لا
تقرب شريف عليه و هلى وجه تساؤولات من كلامه
شريف_ شكو ؟؟
نزار بقلق و خوف _ روح شوف قمر قمر يمكن حيصير الها شي شفت ابوك واكف يم واحد وكاله على موعد الرحله مالتها
شريف_ رحلة ؟ ليش قمر وين !؟
نزار_ اوف
هنا حجاله السالفه كلها لشريف من اخذو لحد ماشاف ابوه والرجال سوه
عبد الرحمن كاعد على مكتبه بيده اوراق فز على فتحته الباب القويه ودخول شريف الهجومي عصبي نار ومنهار ويرجف
أنت تقرأ
قمر خاتون
Genç Kız Edebiyatıتدور احداث القصة في العراق بغداد سنة 1942 نرجع الى هذه الحقبة الزمنيه لنسلط الضوء على التعايش بين فئات المجتمع ان ذاك في احد مناطق بغداد القديمة التي يسكنها العوائل اليهودية و المسلمة والمسيحيه كيف كان التعامل بينهم و ما هي التحديات والصعوبات التي ت...
