قمر خاتون

البارت الواحد والعشرون

فتحيه كاعده منهاره من البجي ونزار كاعد يواسيها

نزار_ يمه مو زين هيج اهدئي كلشي واله حل

فتحيه_ ياحل هذا ياحل ابني بالسجن مدري بردان مدري جوعان مدري دايعذبون بي يمه شريف عمت عيني ولا اشوف هاليوم

نزار_ اوف اوف لو بس اعرف شنو الي ناوي عليه ابويه

الباب اندكت طلع نزار يفتح الباب دخل هو وشكيب

شكيب_ ام نزار ميصير هيج تسوين بروحج ان شاء الله ماكو شي ويطلع
سلامات

فتحيه_ شلون اهدئ شلون ابني صارلي شكد ماسامعه شي عنه وبيوم الاسمع خبر عنه اسمع مسجون ولكم كلبي ناااار نااااار

اخذ شكيب نزار على صفحه و همس بأذنه

شكيب_ شنو الاخبار ؟

نزار_ والله ياخالي مادري لحد هسه ابويه طلع ومارجع ليهسه

تنهد شكيب_ وهاي البنيه زوجته شنو وضعها هسه ؟

نزار_ ماعرف خلي يجي الوالد وهو يصرف

شكيب_ خطيه منا فقدت ابوها ومنا اهلها سافرو ومنا شريف ماعرف

نزار_ الله يكون بعونها

شكيب_ بس متشوف الشغله غريبه انو اول ما اجيت هنا وحجيتلكم وعوفتو مكانه بس سواد الليل فصل على اعتقاله ؟ !!

نزار_ معقوله خالو هيج تفكير ؟ ابويه هيج لهدرجه ماعنده رحمه وضمير وويه منو ويه ابنه

شكيب_ ماعرف احس بالذنب ماعرف ليش !

دخل عبد الرحمن عليهم

عبد الرحمن_ السلام عليكم

شكيب ونزار _ وعليكم السلام

نزار_ ها يابه بشر شسويت شفته ؟

عبد الرحمن_ ششوف منه بعده بالتحقيق

شكيب_ والحل ؟ شنسوي حنضل ساكتين ؟

فتحيه فزت من مكانها وصاحت_ ابني عبد الرحمن اريده منك ابني ماعرف سوي اي شي انت معارفك ونفوذك وفلوسك كلهن استخدمهن اريد ابني ابو نزار

عبد الرحمن_ اهدي بابا اهدي الشغله مو بهاي السهوله اهدئي اني تعبان حصعد ارتاح شويه

شكيب_ انه لازم ارجع للبصره الوضع هناك محتاج وجودي ماعرف شسوي انه شرح اكول لمرته شكللها

........

امل كاعده بغرفتها وحاضنه مخدتها وتبجي فاتت عليها جنان باوعت عليها ووكفت متخصره

جنان_ اكيد دتبحين على فراك الشيخ ؟  وين رايح قابل راجع اطمني

باوعت عليها امل بحقد وبغل ومسحت دموعها

امل_ طلعي برا

جنان_ هههههه عبالج ماعرف شنو السالفه ؟ انه لهدرجه غبيه لا انه اعرف هاي دموعج شنو سببها واعرف وين رحتي بهذيج الليله بس يا امل اذا ماترجعين عن الي دسوي رح اقتلج خلاص واخلص انه منج ومن عارج