صوت السيارات ممزوج بصوت خطوات الناس السريعه منها والبطيئه
ويه حركه الاشجار و صوت باعه الشوارع المتجولين كل هذه الاشياء كاعد يتأملها شريف عسى ان يلكى ضالته من بين كل هذه الاشياء الساعه قاربت توصل لل6 مساءا والدقايق تمشي ثگيله عليه وبكل دقيقه تمشي وياها تنهده و قلق و غموض لكن كان مظهره ثابت بارد مايبين شي عليه وجه نظره لنهر دجله وهو يتأمل
فز على صوت ينادي اسمه بخجل
شريف ؟
شريف ابتسم وغمض عيونه وكال : واخيرا تره ايست تجين
قمر بخجل _ ترددت اجي وماكدرت اصلا اطلع اسفه خليتك تنتظر
شريف_ بس اجيتي والحمدلله من اجيتي
قمر_ شنو تريد تحجي شريف ؟
شريف _تدرين ضاع الحجي مني من شفت عيونج بيج شي غريب وملفت من اول ماشفتج ما نسيت ملامحج حركاتج كلشي بيج مميز وطبع بتفكيري
قمر تسمع الكلام بخجل و ارتباك وهيه تعصر الجفيه الشايلتها من الخجل
شريف_ احس انو رح تكونين شخص مميز بحياتي مارح انساج للموت
ابتسمت بخجل ودنكت راسها
ساد الصمت ثواني بعدها رفعت راسها وباوعت بعيونه
وهيه تحجي ويه نفسها قمر هاي شنو ليش هالارتباك وليش هيج عيونه حلوه ليش احس بشي غريب فرحانه مرتبكه خجلانه خايفه كل هذا يعيش بيه حاليا اني شدايصير بيه !
شريف _ ليش ساكته ؟
قمر_ ماعرف شكول !
شريف_ يعني ماعندج اي شعور اتجاهي ؟ ولا حتى لفت انتباه ؟
قمر _ ها لا ... اي ... لا .... اي اي يعني اي انت بتفكيري
ابتسم ابتسامه راحه ورضا واخذ نفس قوي بتنهيده حب
شريف_ اوعدج ما رح اخذلج بيوم قمر
قمر _ اني تأخرت لازم اروح
مشت بسرعه قبل لاتسمع اي رد منه وهيه الكاع ما تشيلها فجأة حبت الناس والشوارع و الهوى و كلشي صار بيها ينفض حب و سعاده
شريف بقى يراقب خطوات قمر وهيه تبتعد وتركض وهو مبتسم
ومشى بعدها بتمشى بخطوات مجهولة الى وين
....
قمر بغرفتها دا تمشط شعرها و سارحه بأحلامها والخيال
معقول گلبي دك معقول اني احبه هو هذا الحب لو شنو
شريف ليش هيج حسيت وياك غير كل الناس
كل هاي التساؤولات والحجي جان ابالها وتحجي ويه نفسها
وتبتسم لنفسها بالمرايه
دخلت عليها كارمن وشافتها تحاجي نفسها وتبتسم للمرايه
كارمن_ يا الله شبيج اتخبلتي قمر ؟
قمر _ ههههههههه لا بس فرحانه ومرتاحه كلش كارمن كلش احبج اني
كارمن _ ممممممم السالفه مو خاليه تعالي تعالي اكعدي هنا وفهميني من طلعتي ورجعتي وانتي حالج انكلب احجيلي وين رحتي والمن شفتي
أنت تقرأ
قمر خاتون
ChickLitتدور احداث القصة في العراق بغداد سنة 1942 نرجع الى هذه الحقبة الزمنيه لنسلط الضوء على التعايش بين فئات المجتمع ان ذاك في احد مناطق بغداد القديمة التي يسكنها العوائل اليهودية و المسلمة والمسيحيه كيف كان التعامل بينهم و ما هي التحديات والصعوبات التي ت...
