عبد الرحمن بصوت عالي وبغضب _ يعني ميتين من القهر على حضرت جنابك ومخلينا مكان ما دكينه بابه وحضرتك دايح بالمظاهرات لا وشنو مترأس المسيره شنو حاسب نفسك بطل زمانك؟ شعندك اطالب بي ماعندك بيت ؟ ماعندك عمل ؟ فلوس ؟ شنوووو ؟ لو بس هاوي تشلع گلبي وكلب امك المسكينه
شريف_ يابه اسمعني القضيه مو قضيه شخصيه
عبد الرحمن_ ما اسمع منك حرف صاير بطل ثوري حضرتك مووو
شريف_ السالفه مو بطل ولا شي بس اني رافض وضع هذا البلد ليش ماكو مساواة وانصاف ليش هاي الطبقيه الي دانعيشها ليش العالم ميته جوع وماعدها سكف يؤويها
عبد الرحمن _ الله خلق الناس مقامات شنو تريد تصير ضد اراده الله
عوف هذا الحجي الزايد و لاتخليني ازعل عليك
شريف_ لا الله خلقنا كلنا سواسيه يابه ...
قاطعة عبد الرحمن _ عندي اشغال هوايه روح كمل محاضرتك يم امك واختك ما فاضي لهالكلام التافه
شريف_ كلام تافه ؟ من رخصتك يابه
مشى شريف وطلع من غرفه الاستقبال وصعد الغرفته بدل ملابسه و كعد يقرى بكتاب اندكت الباب و فاتت كوثر مبتسمه عليه
كوثر_ ممممم اكو شخص جان كلش قلق عليك
شريف_ منو ؟
كوثر_ مممم يعني خمن منو ؟!
شريف_ احجي كوثر تره اعصابي تعبت من بعد مهاتراتي ويه ابوج
كوثر_ قمر قمرر قمرررر خاتون
وكف شريف من سمع اسم قمر و بهت وصفن بوجهه كوثر
شريف_ قمر ؟!
كوثر_ اي يابه قمر اجتي اطمنت علينا ومن عرفت انت غايب كلش بين عليها القلق والارتباك مممم اعتقد البنيه تحبك
شريف_ معقول ؟ متوقعت ابدا
كوثر_ ليش متوقعت ؟ انت الف وحده تحبك وتتمناك
شريف_ دنزلي وسدي الباب وراج اريد ارتاح شويه
كوثر _ يعني مارح تخابرها اطمنها عليك ؟
شريف_ انزلي
كوثر_ ماشي يابه ماشي
بعد ماطلعت كوثر نزل بسرعه وبلهفه عالتلفون اتصل ورن تلفون بيت قمر
رن رنه طويله لحد ماسمع كلمة الو .... الوووو .... الوووو
سد الخط
هذا مو صوتها اكيد وحده من خواتها اتصل بغير وقت بيها
سدت التلفون سميره جانت كاعده يم قمر و كارمن
قمر_ منو ؟
سميره_ ماعرف ماحجو
كارمن_ يجوز غلطان بالرقم
سميره_ ويجوز رد عليه الشخص الغلط
أنت تقرأ
قمر خاتون
Literatura Femininaتدور احداث القصة في العراق بغداد سنة 1942 نرجع الى هذه الحقبة الزمنيه لنسلط الضوء على التعايش بين فئات المجتمع ان ذاك في احد مناطق بغداد القديمة التي يسكنها العوائل اليهودية و المسلمة والمسيحيه كيف كان التعامل بينهم و ما هي التحديات والصعوبات التي ت...
