نعمان_ لشوكت حتضل هيج كاعد ومكتأب تره هذا وضعك مارح يقدمك لاي خطوه كوم اسبح و خلي نطلع نكعد بالكهوه شويه نغير جو كافي قافل على نفسك وكاعد مكابل احزانك و تلطم
شريف_ هاي جاي عود داتواسيني لو شنو ؟
نعمان_ شريف انت صديقي المقرب واعتبرك اخ الي وسبق وان حجينا بهذا الموضوع وكتلك كل الاحتمالات خليها ابالك وهاي شفت بعينك ياعيني ياخوية فكر بالموضوع اكثر وادرسه زين وراها قرر
شريف_ مفكر و اعرف شريد
نعمان_ انت تعرف شتريد !! بس متعرف شنو الي حيصير من وره رادتك هايه فكرت بأمك ! ابوك! زين فكرت بالبنيه ؟ وموقف اهلها وشلون حيعاملوها بعد ميعرفون موقفها وياك وتريدك ؟ شريف فكر زين ابوس راسك اخوي
تنهد شريف و خله ايديه على راسه وغمض عيونه
شريف_ ليشششش ؟ ليششش هيج صعبه ليش والله مارايد شي ولا طمعان بشي احبها ياربي احبها شنو ذنب روحي وگلبي يحتركون وشنو ذنبها هيه ينكسر گلبها
نعمان_ دصلي عالنبي وكوم كوم خلي نروح نكعد بالكهوه ونطلع شويه من هالفندق الكأيب متكولي وين لكيته
..........
قمر كاعده بغرفتها على الكرسي وتتصفح بكتاب بدون اي تركيز فزززت على صوت اسحاق يصير بصوت عالي
اسحاق_ قمرررررررر .... قمررررررررررر !
عافت الكتاب بسرعه ونزلت عالسريع الكل نزل واجتمع داير مداير اسحاق الي جان مثل البركان وعيونه تجدح نار وشرار اول مشاف قمر كباله جرها من ايدها عليه وقربها منه وصاح بصوت عالي وبعصبيه
اسحاق_ شنو البينج وبين وهذا الولد ؟
قمر بخوف ورجفه _ ي ي يا ولد بابا ياولد
اسحاق_ لج احجي الصدك لانجذبين عليه عندج علاقة بشريف عبد الرحمن ؟ احجيييييييييي !!
قمر سكتت وبس تبجي وهو يعصر بزندها حيل ويعيد الكلام عليها يريدها تحجي وتعرف بس هيه كلشي مكدرت تحجي ولا تسوي غير البجي والدموع الي غركت وجهها
دانيال_ صدك هذا الحجي بابا ؟ وانوب ويه مسلم
جر دانيال ايدها الخ وسحبها من اسحاق و رفع وجهها عليه وهو لازم وجهه بقوه وعنف
دانيال_ احجي ؟ خايفه ؟ لو مستحيه من العار ؟
وفع ايده عليه وضربها راشدي كلش قوي وكعها بالكاع اسحاق ضل ساكت وعافهم وطلع بره البيت دنك دانيال عليها و رفع راسها من شعرها حيل
دانيال_ اظاهر متربيتي واني حربيج
اتقربت ساره حاولت تجره دفعها حيل وعيط عليها
دانيال_ اي واحد يدخل حياكل مقل نصيبها من العقاب ويتربى وياها
ساره_ دانيال اعقل هاي اختك وهيه ممسويه شي غلطت ورجعت عن غلطها
دانيال_ رجعت عن غلطها ؟ يعني جان عندج علم بعلاقتها ؟؟! عموما بعدين حسابي وياج خلي اربي عالحيوانه هاي
وهو لازم شعر قمر بقوه كومها حيل و دار وجهها عليه وهيه تبجي حيل ورجع ضربها راشدي رادت توكع بس لزمها و رجع ضربها راشدي الخ وراها سحبها من شعرها وصعدها الدرج و فوتها بغرفة الغراض القديمه المغلقه وسد الباب عليها ونزل
أنت تقرأ
قمر خاتون
ChickLitتدور احداث القصة في العراق بغداد سنة 1942 نرجع الى هذه الحقبة الزمنيه لنسلط الضوء على التعايش بين فئات المجتمع ان ذاك في احد مناطق بغداد القديمة التي يسكنها العوائل اليهودية و المسلمة والمسيحيه كيف كان التعامل بينهم و ما هي التحديات والصعوبات التي ت...
