نزار_ ها كلشي تمام
عبد الرحمن_ هههههههه كلشي حسب ممخطط بالمضبوط راحو الشرطه اخذو و زلمنه سوولهم كمين وهربو وهسه محجوز يمي و انتظر كم ساعه ورح تجي اكيد المزيونه تريد مساعدتنه ههههه وراها اني اعرف شصرف هه عبالهم يمشون بكيفهم اولهم وتاليهم يرجعون لجناحي اني عبد الرحمن محد يطلع عن طوعي والي يجرب يطلع ويتحرك على كيفه اعرف شلون اربي وادمره كائن من يكن
نزار_ شدكول يابه رح تنتهي على خير هالسالفه ؟
عبد الرحمن_ اطمن ابني اطمن
.......
شكيب وكف بباب الغرافه يباوع على امل
شكيب_ شبيج ؟ مو على بعضج
امل وكفت بكل ثقه
امل_ طلكني
شكيب_ شنو ؟ ليش ؟ شصاير ؟ منو وياج
امل_ ماريد اعيش وياك طلكني
شكيب_ اهدئي
تقرب عليها وراد يلزم ايدها هيه جرت ايدها وبعدت نفسها
امل_ ماريدك ماريدك
جرها حيل من ايدها و حجه بعصبيه وعيونه مفتوحه وبان بيها الغضب
شكيب_ اسمعي لج هذا الحجي رح اعتبره مسمعته انتي الي افتهمتي الي
امل_ ماحبك .. ماريدك افتهم
ضربها راشدي قوي لزمت وجهها وباوعتله بغضب
امل_ هه عبالك اخاف ؟ .. من اليوم اني ماعندي شي اخاف منه وعليه
شكيب بصوت عالي_ امل لا تخبليني
اجت على صوت صياحهم جنان
جنان_ شكو شكو شصاير
باوعت على حالهم افتهمت اكو خلاف بينهم
باوع عليهم شكيب وعافهم وطلع
اتقربت جنان دخلت للغرفه وسدت الباب
جنان_ شكو امل ؟
امل_ ماكو شي جان اكو غلط ودا اصلحه لا اكثر انتي مو متريديني هنا رح اعوفلج كلشي شبعي بي
جنان_ شنو هالحجي امل ؟؟ عيب صح انه ماردت هالزواج واضوج من وجودج يم الشيخ بس ما اكرهج الله شاهد
امل_ كليله خلي يطلكني
جنان_ هاي شنو خيتي شيطلك ووين ترحين ؟ منو الج ؟ تخبلتي امل اذا منتظره شي من المقصود تره ايسي ولا تخربين حياتج وحياته ارضي بالمقسوم وعيشي
كعدت امل تبجي منهاره
امل_ لا لا والله ماريد اذي هو حبيبي اموت اذا يصير عليه شي بس اني تعبت من التمثيل هنا امثل عليج و على شكيب وعلى الكل كافي اريد اعيش حياة اني اريدها مو مفروضه عليه
تقدمت جنان اكثر عليها وخلت ايدها على جتف امل
جنان_ يعني انتي ما حبيتي للشيخ ؟
أنت تقرأ
قمر خاتون
Chick-Litتدور احداث القصة في العراق بغداد سنة 1942 نرجع الى هذه الحقبة الزمنيه لنسلط الضوء على التعايش بين فئات المجتمع ان ذاك في احد مناطق بغداد القديمة التي يسكنها العوائل اليهودية و المسلمة والمسيحيه كيف كان التعامل بينهم و ما هي التحديات والصعوبات التي ت...
