سميره_ شلون تنخطب قمر واني بعدني ما تزوجت انتظرو على الاقل اخلص زواجي وراها زوجوها حتى عيب من الناس شيكولون علينا
اسحاق_ خلص لعد نهاية هذا الاسبوع حضرو نفسكم للزفه و بلغي بنهاز واهله ما انتظر بعد
سميره_ نهاية هذا الاسبوع ؟؟ يعني بعد 4 ايام شسوي بله وبعدني ممكمله اموري
ساره_ اذا عالبدله و باقي الملابس اخلصها الج بيوم
دانيال_ وباقي الشغلات نخلصها يلا نريد نفضها ونخلص
اسحاق_ هاهيه
دانيال_ وبعد زواج سميره بيوم نخلي الولد يجي رسميا يخطب قمر
ونفضها سريع سريع
ساره_ صدك على موضوع قمر بابا لازم تنزل قمر و تبين طبيعيه بين الناس والمعازيم بعرس سميره و تتحضر لخطوبتها هم
اسحاق هز براسه بمعنى موافق
ابتسمت ساره ابتسامة رضا وكارمن واحت وكفت كبال دانيال ومدت ايديها
كارمن_ المفتاح ؟!
دانيال باوع على اسحاق و الاخير هز راسه وغمض عيونه مد ايده بجيبه ببطئ وتردد و غضب مكتوم وطلع المفاتح وخلاه بيد كارمن ابتسمت كارمن و صعدت عالسريع تفتح الباب
فتحت الباب ولكت قمر نايمه بالكاع و توها مخلصه بجي وتعبانه و لونها باهت لا اكل ولا شرب راحت بسرعه حضنتها شافتها قمر وزادت دموعها وبجيها همست كارمن بأذنها
كارمن_ هسسسسس تعالي ننزل عالسريع واحجيليج
قمر_ شتحجين بعد الي صار بيه ؟
كارمن_ شفت شريف وحجيت ويا
قمر_ شنو ؟ عرف ؟! شكال ؟ ووينه هوه تخجي وتبجي
كارمن_ اذا اضلين بهذا حالتج مارح احجيليج كلشي يلا خلي ننزل اسبحي وبدلي ملابسج و اني حنزل اسويلج لكمه تاكلين ونحجي بالي صار
هزت راسها قمر ومسحت دموعها وهمت بالكومه طلعو وجان الكل يسمع خواتها من تنزل نزلت وحاضنتها كارمن من ظهرها مساندتها تساعدها بالمشي وهيه مدنكه راسها
دانيال راد يحجي و صاح بي اسحاق اسكت كافي الموضوع انحل ماكو داعي
انتبة قمر على كلام ابوها وصار الموضوع بي لغز شنو انحل ؟ معقوله شريف اجى خطبني واهلي وافقو عالزواج معقوله يارب سويها صدك الا اصير اسعد مخلوقه على وجه الارض فاتت للحمام صعدت ساره حضرتلها ملابس و نزلتلهيا بيد كارمن
ساره_ شدكولين قمر رح توافق عالزواج ؟
كارمن_ ماعدها خيار ثاني
ساره_ ما جنت اتمنى الموضوع هيج يصير
كارمن_ لو متتمنين هيج يصير ليش فضحتي الموضوع ووصلتيها لابوج ؟
أنت تقرأ
قمر خاتون
Chick-Litتدور احداث القصة في العراق بغداد سنة 1942 نرجع الى هذه الحقبة الزمنيه لنسلط الضوء على التعايش بين فئات المجتمع ان ذاك في احد مناطق بغداد القديمة التي يسكنها العوائل اليهودية و المسلمة والمسيحيه كيف كان التعامل بينهم و ما هي التحديات والصعوبات التي ت...
