صبحت بغداد سنة 1942 الى سيول بكمية لامثيل لها بالتاريخ بغداد سادها الغرق والبيوت انهدمت البسيطه وراحت معظم المحلات و البضاعه وانهار كلشي
اسحاق ركض هو دانيال يلحك الباقي من الذهب بمحلاتهم و يحاولون يسيطرون عالموضوع ساره راحت تركض على محل الازياء لكت كلشي خربان و فايض كعدت بباب المحل ادك وتلطم وتبجي على تعبها وتندب حظها و تلعن هذا البلد الي دمر تجارتها و رجعها للصفر
سميره راحت تطمن على علئله خطيبها الي ابوه ما اتحمل الصدمه و دخل بغيبوبه و بنهاز واهله بالمستشفى وراحت تطمن سميره عليهم
كارمن التهت تنظف البيت وتحاول تسيطر على المي ميدمر الباقي من اثاث البيت ومخبوصه
اما قمر واكفه على الشباك وضل بالها على شريف وشصار وياهم وخطوط التلفون انكطعت دمرها الفيضان وماكو اي تواصل ولا تكدر تطلع لان وضع الشارع بحالة مزريه
بالجهة الثانيه
عبد الرحمن ابو شريف وصلة خبر نص بضاعتهم صابها التلف و كلش مقهور وكعدت كوثر و نزار يهونون عليه وكامو يحاولون يسيطرون عالمي و ينظفون البيت
نزلت فتحيه من فوك تركض بقلق وتصيح _ شريف ... شريف
عبد الرحمن _ شبي ؟
فتحيه _ ماكو مموجود ماكو بغرفته
شلون ابو نزار شريف خاف صار عليه شي بالفيضان
يمه ابني عبد الرحمن اريد ابني نزار شوف اخوك وين
يمه شريف يمه وينك
عبد الرحمن_ اهدئي شنو قابل صغير ابنج شطوله شكده ابني نزار شوف اصدقاء شريف و طمنا بلكت بايت يم احد بيهم
نزار _ امرك يابه هسه رح اشوف
عبد الرحمن _ اهدئي ماكو شي ان شاء الله
فتحيه_ ما اكدر اهدء اذا ماشوف ابني كبال عيني
طلع نزار بسرعه من البيت متوجه يدور على اخوه شريف
وكعدت العائله تدعي وتنتظر خبر
...
في بيت قمر
رجع اسحاق ودانيال بخطوات حزينه و تعبانه
دانيال_ خساره جبيره كلش
اسحاق_ بغداد ادمرت
دانيال_ بابا هاي خوش فرصه خلي نصفي كلشي ونطلع
اسحاق_ انت دا تشوف هذا وضع مناسب انت اشو ماعندك احساس مناسب على شنو على دمار مدينتنا و هجولة الناس الفقره
دانيال_ لا بابا اعتذر مو هيج بس قصدي
قاطعه اسحاق_ لا قصدك ولا مو قصدك اصعد لغرفتك ارتاح وخليني ارتاح اندار وصاح بصوت عالي _ كاااااارمن ؟
اجتي كارمن تمشي بخطوات سريعه عيوني اسحاق باشا ؟
اسحاق_ ساره وين ؟
كارمن_ باشا بغرفتها صارلها اكثر من 3 ساعات رجعت وحالتها صعبه قفلت على نفسها الباب ومتقبل تحجي ويه اي احد
اسحاق_ هلي اصعد اشوفها
دك الباب اسحاق _ ساره بنتي افتحي الباب
انفتحت الباب سريع ولكه ساره غركانه بدموعها
ساره_ عاجبك هيج هاي اني خسرت كلشي
اسحاق_ اهدئي الي صار صار وماله دخل المكان سواء كتتي في بغداد او في ارض الميعاد القدر قدر وصار
ساره_ لا مو قدر هاي الارض ملعونه وماطول عايشين بيها حنضل مصابين بلعنتها انت مارح ترتاح الا تموتنه
اسحاق_ مارح ارد على هذا التطاول لان اعرف بحالتج كلامي وياج بغير وقت
....
مر الليل وعائلة شريف تنتظر و قمر قلقه وماعرفت تنام
اجى الصبح وصارت ساعات الليل كلش طويله نزلت قمر بسرعه جنونيه
لاكتها كارمن
كارمن _ وين قمر ؟
قمر ماردت عليها وكملت وجهتها مشت سريع كأنها تسابق الزمن الى ان وصلت بيت شريف دكت الباب
عبد الرحمن_ منوو ؟
قمر _ اني قمر صديقة كوثر
عبد الرحمن _ اهلا بنتي تفضلي
فاتت قمر سلمت على زوجة نزار وفتحيه و نزلت عليها كوثر سلمت عليها
وكعدو
قمر_ الحمدلله على سلامتكم اجيت اطمن عليكم
كوثر_ الحمدلله والشكر احنه بخير بسسس
وسكتت بغصه الم وحزن
وبأستغراب وتسأؤل من قمر
قمر_ خير كوثر ؟
كوثر_ اخوية شريف من صار الفيضان الى هسه محد يعرف شي عنه ؟
ارتبكت وبين القلق على قمر كلش وماكدرت تسيطر وتضم مشاعرها
انبهت كوثر على ردت فعل قمر وتنهدت بحزن
كوثر_ اي خبر يجيني انطيج خبر لايضل بالج
قمر ماعرفت شنو تجاوب ولا شتصرف
قمر_ وين دورتو ؟ رحتو على اقاربكم اصدقاءة المستشفيات ؟
كوثر_ بعده اخويه نزار دا يدور عليه
قمر_ طمنيني عليه ضروري
كوثر_ ان شاء الله
كامت قمر حضنت كوثر ودعتها وطلعت من البيت
وهيه تمشي بالشارع ودموعها تارسه وجهها وادور بوجوه العالم عسى ولعل تلمحه من بين هالناس
......
مرت يومين وماكو خبر وقمر ماكدرت تطلع من الاوضاع المتوتره بالبيت
سمعت صوت من بره و هوسه نزلت تشوف شكو
لاكتها سميره و كارمن واكفين يتفرجون
كارمن_ الناس طالعه مظاهرات على الي صار من دمار والناس الي تشردت والحكومه لاحس ولا خبر
سميره_ ذوله كل عقلهم يسوون شي هالله يالله !
قمر_ خطيه كلش مقهوره عليهم لو بيدي شي اسوي بس !!
......
يتبع
أنت تقرأ
قمر خاتون
أدب نسائيتدور احداث القصة في العراق بغداد سنة 1942 نرجع الى هذه الحقبة الزمنيه لنسلط الضوء على التعايش بين فئات المجتمع ان ذاك في احد مناطق بغداد القديمة التي يسكنها العوائل اليهودية و المسلمة والمسيحيه كيف كان التعامل بينهم و ما هي التحديات والصعوبات التي ت...
