مرت ايام وشريف غايب عن البيت معزول لوحده مكتئب وحزين شايل ذنب صديقه اما قمر بدت تحسنن شويه لكن بعدها مكسوره وحزينه وتحس هيه سبب كل الي صار جنان ابد مفاركتها كاعده تواسيها و اداريها
فاتت جنان لغرفة قمر جانت قمر نايمه بالفراش
جنان_ يلا كومي سويتلج شوربه حمره على مي لحم يسند افادج ويقوي عطامج
قمر_ ماريد ماريد شي
جنان_ ميصير هيج قمر ميصير الي صار صار وهذا امر الله وقضاءة وقدره لاتحملين نفسج فوك طاقتها
قمر_ شلون اكل واشرب وابويه راح و من الحياة و زعلان مني !!
جنان_ كلمن يموت بيومه محد يموت ناقص عمر حبيبتي واكيد مزعلان منج ماكو اب يزعل من ضناه وتره ها الميت يحس بالي يحبهم واذا يشوفج بهاي حالتج تره يتأذى و انتي ماتردين اذيته كومي ياعيني اكليلج لگمه
كامت قمر رفعت نفسها شويه من الجربايه و حطت جنان الصينيه بحضنها انطتها الخاشوكه وبدت تتذوق الاكل شويه
قمر_ شريف مارجع ؟
جنان_ خلي على راحته هو بأمان ويمه عمي ابو جاسم هو مهتم بي
قمر_ اريد اشوفه
جنان_ خلي على راحته هو يستوعب الامور ويهدئ ويرجع وتحجون كملي اكلج وانه حكوم احضر الجنطه للشيخ لان بعد العصر ينزل لبغداد عنده شغل هناك
......
شكيب_ ما الله يهديج وتغيرين رايج وتجين ويايه نغير جو واشوفج بغداد وجمالها
امل_ ماريد اروحن خليني هنا تعبانه واحس نفسي مريضه والطريق طويل ما احمله روح انت بسلامه
شكيب_ شبيج قبل شويه جنتي مثل الغزال تتمشين
امل_ احس جسمي تعبان هسه ومحتاجه انام
شكيب_ اوديج للمستشفى ؟
امل_ مايحتاج انه محتاج راحه وبس
شكيب_ ماعندج الا العافيه محتاجه شي مناك اجيبلجاه ؟
امل_ لا رايده سلامتك
شكيب_ يلا رايح
امل_ الله وياك
شكيب_ ماناسيه شي
امل_ شنو ؟
شكيب تقرب الها وحضنها من خصرها _ هاا اتذكري
باسته من خذه بوسه بارده _ ترجع بالسلامه
ماحسو الا جنان واكفه بالباب تتنحنح _ شيخ السياره جاهزه وكلشي جاهز تتوكل ؟
شكيب_ احمم احمم يلا يلا
نزل من الدرج وراه نسوانه الاثنين اندار على جنان وهو يمشي
شكيب_ ديري بالج عالبيت و على الجهال كلشي يصير انطيني خبر هاا وشريف موجود بالبستان خاف كلشي يصير عندج علم وين هوه ماشي
أنت تقرأ
قمر خاتون
Chick-Litتدور احداث القصة في العراق بغداد سنة 1942 نرجع الى هذه الحقبة الزمنيه لنسلط الضوء على التعايش بين فئات المجتمع ان ذاك في احد مناطق بغداد القديمة التي يسكنها العوائل اليهودية و المسلمة والمسيحيه كيف كان التعامل بينهم و ما هي التحديات والصعوبات التي ت...
