طلعت شمس الصبح و الجو بدا يصح وكطع المطر
اشعة الشمس دخلت من الشباك تشاكس البنت النايمه بفراشها الغرفة كبيره الى حدا ما و عباره عن اثاث كله بالون الابيض والتصاميم الفخمه الي تنطي انطباع فخم ملكي صوت من وره الباب يصيح قمر خاتون .. قمر خاتون اسحاق باشا وباقي العائله مجتمعين اصحي
الصوت جاي من كارمن امرأءة بالخميسن من عمرها تشتغل عند بيت اسحاق باشا
..
صحت قمر بكسل و صاحت _ اجيت اجيت خمس دقايق وانزل
كارمن_ ديلا بنتي فدوه مالي خلك صياح ورزايل ابوج من الصبح
فتحت الباب قمر وهيه تضحك وجرت كارمن بحركه جنونيه
قمر_ هههههههه ماشي ماشي ست كارمن وهاي بوسه صباحيه مني الج
كارمن_ شبيج ولج تخبلتي
قمر_ اوف غير لو تدرين شصار البارحه
صوت اسحاق من جوه يصيح كارمن كارمن انخبصت و نزلت عالسريع
قمر رجعت لغرفتها بدلت ملابسها و وكفت عالمرايه تمشط شعرها وتباوع على ملامحها بدقه
( قمر البنت الصغرى لعائله اسحاق بنيامين من عائله يهودية ابوها صاحب سلسله لمحلات الذهب و عنده بيوت ومحلات مأجرهن مستوى المادي كلش ممتاز لقمر اختين واخ وهمه
سميره الاخت الكبرى مخطوبة لابن اشهر تجار بغداد خطيبها اسمه بنهاز يهودي عايش في بغداد من اصول بصراوية
دانيال الاخ الاوسط يشتغل مع ابوه متزوج من ماري و ماعدهم اطفال
سارة الاخت الثالة عدها محل للازياء النسائيه وهيه مصممه ازياء وتبيع من تصميماتها ومحلها مشهور انذاك في بغداد
وقمر الاخت الاصغر عمرها ٢٣ سنه تحب الكتابه و قراءة الروايات وعدها عدة محاولات للكتابه
اسحاق بنيامين رب الاسرة رجل بالخمسين من عمره ارمل من حوالي خمس سنوات توفت زوجته وتركت اله العائله والمسؤولية كامله بركبته هو اب حنون و يخاف على عائلته جدا وسيرته طيبه بين الناس ومايحب المشاكل و العداوات
كارمن المراءة الي تشتغل بيت اسحاق وهيه امرأة مسيحيه اصلها من الموصل هاجرت من موطنها الاصلي علمود ابنها ميخائيل يكمل دراسته في كلية الطب في بغداد
....
العائلة مجموعه على الطاولة يتريكون نزلت قمر مستعجلة صبحت على الكل وكعدت تقدمت كارمن وصبت الجاي الها وبدت تاكل
بدت العائله تفتح مواضيع بخصوص كل شغل واحد بيهم وخططه لليوم و القريب العاجل الكل اشترك بالحديث ما عدا قمر
التفت اسحاق عليها وكال_ بابا شلون جانت سهرة البارحه
قمر_ والله بابا كلش حلوه والندوه كلش مفيده وطرحنه بيها مواضيع و مشاريع خيريه تفيد ببناء اواصر وثيقه بين طبقات المجتمع
دانيال بنبرة استهزاء_خيريه ههههههه المن هاي شبيج قمر
قمر بعصبيه مكتومه_ شنو الي يضحك دانيال
دانيال_ خيرية ليش احنه نبني لخير لناس تكرهنه ماطايقه وجودنه بينها ولا متقبله عقيدتنه وطقوسنا المن نسوي الخير لو بينه خير نسوي لابناء طائفتنا اليهود
قمر_ تفكيرك غلط وعنصري بالعكس الناس كلش تحبنه ومتعايشه ويانا اتصور بابا البارحه وكفت السيارة عطلت بينه اني وعمو سلمان بنص المطر و الشارع مابي اي احد طلع ولد ما يعرفنه ولا نعرفه ما عافنه الا وصلح السياره ومشينه ولا سأل عنا احنه منين
دانيال_ هههه لو داري بيج يهوديه جان ماساعدج
اسحاق_ كاااافي كملو اكل وكل واحد لشغله يلا هذا الحجي كم مره مانعه ينفتح بالبيت اني
دانيال_ بابا اني اسف بس قمر صغيره وخايف عليها من ..
قاطعه اسحاق وكال_ كافي اذا خلصت ريوك كوم على شغلك
..........
طلعت قمر للحديقه تتمشى وهي تسترجع احداث الليله الي مضت و تتذكر ملامح الشاب الاسمر الوسيم الي نزل وساعدهم وتمنت لو تعرف شنو اسمه وتشوفه مره ثانيه
قطعت عليها الصفنه كارمن تباوع على قمر ومستغربه
باوعت قمر عليها بنظره غريبه وجرت حسره وكالت
قمر_ اووووف لو بس اعرف اسمك شنو
كارمن_ هو منو ؟
قمر صحت من صفنتها ورجعت للواقع باوعت على كارمن وضحكت جرتها وكعدو على المرجوحه وسولفا الها الي صار
كارمن_ اممممم زين وين وكفتو بالضبط كوليلي
يمكن اكدر اوصله
فزت قمر وابتسمت
قمر_ صدك صدك امممم مدا اذكر بس يمكن على بعد ٣ شوارع منا بيت جبير كلش وبابهم لونه ابيض
ضحكت كارمن ضحكه جبيره
كارمن_ هنه كل البيوت هنا كبار واغلبهم بيبانهم ابيض ههههههه
سكتت قمر وهي يائسه ودارت وجهه للورد وبدت تتأمل .
..........
يتبع ❤
أنت تقرأ
قمر خاتون
ChickLitتدور احداث القصة في العراق بغداد سنة 1942 نرجع الى هذه الحقبة الزمنيه لنسلط الضوء على التعايش بين فئات المجتمع ان ذاك في احد مناطق بغداد القديمة التي يسكنها العوائل اليهودية و المسلمة والمسيحيه كيف كان التعامل بينهم و ما هي التحديات والصعوبات التي ت...
