قمر خاتون

البارت العاشر

حبايبي القراء اشكركم على متابعة و الاعجاب
وان شاء الله تلكى استحسانكم القصة

نبلش يالله

.....

فزت قمر على صوت رنه التلفون وهيه غافيه من الانتظار الطويل رفعت السماعه بسرعه

قمر_ الو ؟!

شريف_ اسف خليتج تنتظرين بس ماكدرت اتصل بيج الا فرغ المكان وكل واحد فات لغرفته شلونج حبيبتي قموره ؟

قمر_ والله قموره غفت و قربت افوت بحلم وحضرتك يلا اتصلت

شريف_ اسف ياعمر اسف ياروحي اسف يا قمري

قمر_ خلص سامحتك هههههه

شريف_ احبج

قمر_ شريف بطل سوالف الجهال يوم الكاك كبال البيت يوم واكف ببابنه وتغني اثكل يول شويه

شريف_ ولج اني الثكيل وحبج خبلني ههههه هاهيه حبيبتي بس اعذري گلبي واشواقي والله ما اتحمل

صوت يجي من وره قمر

ساره_ هاي ويامن دا تحجين ؟

قمر_ ساره ؟

سدت التلفون بسرعه وكامت برتباك

ساره_ منو الي يبطل سوالفه ومنو جاييج يم البيت ؟

قمر_ ساره اكعدي خلي افهمج ولا تعلين صوتج وتفضحينا

ساره_ ومنو الي يفضح منو اني ؟ لو انتي الي حتفضحينا

قمر_ بس اكعدي واني احجيلج ارجوج ارجوج

ساره_ وهاي كعدت يلا احجيلي منو هذا ؟

قمر_ شريف !

ساره_ ياشريف ؟ً

قمر_ اخو كوثر !!

ساره _ هههههههه لا لا تخبلتي شريف اخو كوثر ؟ لا لا ممعقول تشافين شريف اخو كوثر ؟؟ وشجابه عليج ؟ وشلون حجى وياج ؟ وبعدين وبعدين شنو تردون من علاقتكم هاي ؟

قمر بنبرة تردد_ ن ن نتزوج !!

ساره_ هههههههههههههه اقوى نكته سمعتها بحياتي قمر خاتون بنت اسحاق باشا بنيامين من العائله اليهوديه العريقه تتزوج شريف المسلم مووو هههههه انتي تردين تموتين ابوج وتجيبيلنا العار تخبلتي قمر عقلج وين براسج لو وين ؟ شلون رهمتوها ؟ انتي تعرفين بدينح حرام لو متعرفين تاخذين من غير دين ؟ بعدين احنه شعب الله المختار من نسل اسرائيل هذا الدم المقدس الي يمشي بعروقنا تردين تخلطي ويه دم عربي عادي !!!! عربي مسلم ؟

قمر_ ليش حرام ؟ الحب مو حرام ولا اي دين حرمه بعدين احنه اثنينه نعبد اله واحد لا شريك له بقت باقي العبادات و الطقوس بس تختلف بيها هو احنه كدين واحد عدنه عدت مذاهب وهمه كذالك مابيها شي هو على دينه واني على ديني ونعيش سوه

ساره_ ومنو حيقبل تعيشون سوا ؟ هذا تخطيط بابا لا يحبج ولا شي هذا يريد ياخذج جوه ايده ويستغلج احذرج هاي اول مره واخر مره اسمع لو احس حاجيه ويا تره بعدين يصير الي غير حجي وياج افتهمتي قمر ؟!!!

قمر_ ليش هيج قاسيه وعنصريه انتي ؟

ساره_ هذا امر واقع احنه وين وهمه وين بعدين الرب هو الي ميزنه عن باقي البشر مو بكيفج ولا بكيفي

قمر_ساره احبه

ساره_ الحب الي يجيب العار ماينراد اكعدي وفكري بأبوج بأخوج بينا كلنا لاتصيرين انانيه و لهنا واكطعي علاقتج بي صار معلوم داده

كالت هالكلام الي نزل مثل النار على گلب قمر وعافتها ومشت وخلت قمر دموعها على خدها وماتكدر تتوقف ابد عن البحي

جانت كلمات ساره جارحه وقوية على قمر ماكدرت تنام من قهرها بذيج الليله وكذلك شريف من القلق ماعرف ينام ويريد يعرف شصار وياها

صبح الصبح ونزلو الكل عالويوك اتريكو الكل بس قمر مارادت تنزل بقت بغرفتها كارمن كالت خلي اصيح الها تجي تاكل

ساره ردت _ لا خليها قمر تعبانه خلوها لوحدها اليوم

فز اسحاق _ شبيها قمر ؟ ليش تعبانه

ساره_ البارحه ضلت باليل كاعده بالحديقه واخذت برد عوفوها ترتاح بغرفتها

قمر كاعده بغرفتها و الافكار تجيبها وتوديها هاي ساره اختها المقربه جان هيج ودت فعلها لعد دانيال سميره شنو ردات فعلهم و بابا شلون شلون رح تكون المواجهه خاف ما اكدر خاف اخسر كلشي زين وشريف اذا خسرته شلون لا لا لا ما اريد اخسره لا ما اتحمل فكره انو اخسره بس هاهيه نتواجه والي يريد يصير يصير بس ماريد اذي بابا ولا اخوتي ولا اريد اذي نفسي و لا اذي شريف شلون تنحل شلون اووووف حموت من كثرة التفكير والحيره والقلق

اندكت الباب وفاتت كارمن بيدها صينيه صغيره بيها استكان جان و ماعون صغير جبن عرب و صمونه

كارمن_ سلامتج قمر حبيبتي اني صعدتلج الريوك لازم تاكلين ويصير بيج حيل

اندارت قمر عليها وبصوت خافت _ ماريد ما اشتهي

فتحت عيونها كامن وخلت الصينيه عالكومدي واجت يم قمر
كارمن_ شبيج قمر ؟ شبيها عيونج مورمه ؟ باجيه مو ؟ منو وياج ؟ شريف مو ؟

قمر_ مابيه شي كارمن مابيه عوفيتي

كارمن_ شريف اكيد شريف الي مبجيج اني حسيت وكلت هالرجال ما وراه بس الاذيه

قمر_ ماله دخل مو هو السبب

كارمن _ لعد منو وياج غير تحجيلي دا ارتاح !!

قمر_ البارحه شدينا بالحجي اني و ساره وحجت كلام متوقعت رح تاخذ هيح موقف وهيج كلام توجهلي !

كارمن_ كلام شنو ؟ وليش شنو الصار ؟

قمر_ سمعتني احجي ويه شريف وعرفت بعلاقتي بيه !