ﻓﺎﻳﻘﺔ ﺍﺻﻼ ﻟﻴﻼ ﻛﺎﻣﻼ ﻣﺮﻗﺪﺗﺶ ﺑﺪﻧﻬﺎ ﺍﻟﻜﻞ ﻳﻮﺟﻊ ﻓﺎﻫﺎ ﺿﻬﺮﻫﺎ ﻣﺶ ﺣﺎﺳﺔ ﺑﻴﻪ ﺗﺨﺰﺭ ﻟﻠﺴﻘﻒ ﻋﻨﺎﻫﺎ ﻣﻌﺒﻴﺔ ﺑﺎﻟﺪﻣﻮﻉ ﺑﻌﺪﺕ ﺍﻟﻤﻠﺤﻔﺔ ﻭ ﻗﺎﻣﺖ ﺑﺴﻴﻒ ﺗﻤﺸﻲ ﻣﺘﺮﻛﺰﺍ ﻋﺎﻟﺤﻴﻂ ﺩﺧﻠﺖ ﻟﻠﺪﻭﺵ ﻋﺮﺿﺘﻬﺎ ﻟﻤﺮﺍﻳﺔ ﺗﺨﺰﺭ ﻟﻮﺟﻬﺎ ﺍﺻﻔﺮ ﻓﻲ ﺣﺎﻟﺔ ﺗﺘﻨﻔﺲ ﺑﺰﺭﺑﺔ ﺩﺍﺭﺕ ﺑﺎﺵ ﺗﺸﻮﻑ ﺿﻬﺮﻫﺎ ﺷﺒﻴﻪ ﻳﺸﻮﻱ ﻓﺎﻫﺎ ﺑﻘﺎﺕ ﺗﺨﺰﺭ ﻣﺼﺪﻭﻣﺔ ﻟﻜﻠﻮ ﺧﻴﻮﻁ ﺧﻴﻮﻁ ﺣﻤﺮ ﻓﻴﻪ ﺷﻮﻳﺔ ﺯﻟﻌﺎﺕ ﺑﻌﺪﺕ ﺷﻌﺮﻫﺎ ﻋﻠﻲ ﺟﻨﺐ ﻓﻤﺎ ﻛﺘﻴﺒﺔ ﺻﻐﻴﺮﺍ ﻓﻲ ﻛﺘﻔﻬﺎ ﻣﻨﺠﻤﺘﺶ ﺗﺒﻘﺎ ﻭﺍﻗﻔﺎ ﺍﻛﺜﺮ ﺭﺟﻌﺖ ﺷﻌﺮﻫﺎ ﻭ ﺩﺧﻠﺖ ﺗﺤﺖ ﺍﻟﺪﻭﺵ
ﻣﺎﺯﻥ : ﺗﻲ ﺷﺒﻴﻚ ﻫﺎﺭﻭﻥ ﻣﻠﻲ ﺧﺮﺟﻨﺎ ﻭ ﺍﻧﺖ ﺷﺎﺭﺩ ﻭ ﻛﻤﻠﺖ ﺑﺎﻛﻮ ﺩﺧﺎﻥ ﻓﻲ ﺩﺭﺟﻴﻦ
ﻫﺎﺭﻭﺯ : ﺷﻲ
ﻣﺎﺯﻥ : ﺑﺎﻫﻲ ﻭﻗﺘﺎﻩ ﺭﺍﺟﻌﻴﻦ
ﻫﺎﺭﻭﻥ : ﻣﻨﻌﺮﻓﺶ
ﻣﺎﺯﻥ : ﺍﻟﺴﻠﻌﺔ ﺗﻮﺻﻞ ﻟﻴﻮﻡ ﻓﻲ ﺍﻟﺒﺎﺗﻮ
ﻫﺎﺭﻭﻥ : ﻣﺎﺯﻥ ﻓﻚ ﻋﻠﻲ *** ﺗﻮﺍ ﻣﺶ ﻧﺎﻗﺼﻚ
ﻣﺎﺯﻥ : ﺗﻲ ﺷﺒﻴﻚ ﻭ ﺭﻭﺳﻠﻴﻦ ﻭﻳﻨﻲ
ﻫﺎﺭﻭﻥ ﺗﻨﻬﺪ ﻭ ﺧﺰﺭﻟﻮ : ﻣﺎﻛﺶ ﺳﺎﻛﺖ ﺗﻮﺍ
ﻣﺎﺯﻥ : ﻫﺎﻧﻲ ﺳﺎﻛﺖ ﺍﻣﺎ ﻫﻬﻪ ﻣﺘﻄﻠﻌﺶ ﻃﺤﺖ ﻋﻠﻲ ﺭﺍﺳﻚ ﺑﺮﻙ
ﻫﺎﺭﻭﻥ : ﻓﻒ ﺍﺑﻘﺎ ﻓﺎﻫﺎ
ﻣﺎﺯﻥ : ﺗﻲ ﺍﻳﺠﺎ ﻧﻔﺪﻟﻚ ﻭﻟﻠﻪ ﻧﻔﺪﻟﻚ
ﻫﺎﺭﻭﻥ ﻃﻔﺎﻩ ﻭ ﻃﻠﻊ ﻟﻠﺒﻴﺖ ﺣﻞ ﺍﻟﺒﺎﺏ ﻳﻠﻘﺎﻫﺎ ﺭﺍﻗﺪﺍ ﺑﺎﻟﻜﺎﺏ ﺩﻭ ﺑﺎﻥ ﻋﺎﻟﻠﻔﺮﺵ ﺑﺎﻳﻨﺎ ﺗﺘﻮﺟﻊ ﻗﺮﺑﻠﻬﺎ ﻃﺒﺲ ﺑﺤﺬﺍﻫﺎ
ﻫﺎﺭﻭﻥ : ﺭﻭﺳﻠﻴﻦ ﺷﺒﻴﻚ
ﺣﻠﺖ ﻋﻨﺎﻫﺎ ﺷﻔﺎﺗﻮ ﻗﺘﻠﻮ ﺷﻲ ﻭ ﺩﺍﺭﺕ ﻋﻠﻲ ﺟﻨﺒﻬﺎ ﺍﻵﺧﺮ
ﻫﺎﺭﻭﻥ : ﺍﻟﻠﻴﻼ ﺣﻀﺮ ﺭﻭﺣﻚ ﻋﻨﺎ ﻭﻳﻦ ﻣﺎﺷﻴﻦ
ﺭﻭﺳﻠﻴﻦ : ﻣﻤﻢ ﺑﺎﻫﻲ ﻭ ﻏﻤﻀﺖ ﻋﻨﺎﻫﺎ ﺭﻗﺪﺕ
ﻓﺎﻗﺖ ﺗﻠﻘﺎ ﺍﻟﺪﻧﻴﺎ ﺿﻼﻡ ﻓﻤﺎ ﺿﻮﺀ ﺿﻌﻴﻒ ﻓﻲ ﺍﻟﺒﻴﺖ ﻭ ﻫﻮ ﻗﺎﻋﺪ ﻋﻠﻲ ﻛﺮﺳﻲ ﻗﺪﺍﻣﻬﺎ ﻳﺸﺮﺏ
ﻫﺎﺭﻭﻥ : ﺍﻟﺤﻤﺪﻟﻠﻪ ﻛﻲ ﻗﻤﺖ
ﺭﻭﺳﻠﻴﻦ : ﺷﺒﻴﻚ ﻣﻘﻮﻣﺘﻨﻴﺶ
ﻫﺎﺭﻭﻥ : ﻛﻨﺖ ﺑﺎﺵ ﻧﻔﻴﻘﻚ ﺍﺯﺭﺏ ﺭﻭﺣﻚ ﻣﻌﺎﺩﺵ ﺑﻜﺮﻱ ﻭ ﻗﺎﻡ ﺧﺮﺝ ﻭﺧﻼﻫﺎ .. ﻗﺎﻣﺖ ﺗﻤﺸﻲ ﺣﺎﺳﺔ ﺭﻭﺣﻬﺎ ﺍﺣﺴﻦ ﺷﻮﻳﺔ ﻟﺒﺴﻴﺖ ﺳﺮﻭﺍﻝ ﻭ ﻣﺮﻳﻮﻝ ﻧﻮﺍﺭ ﺷﺪﺕ ﺷﻌﺮﻫﺎ ﺍﻟﻔﻮﻕ ﻭ ﺧﻠﻄﺖ ﻋﻠﻴﻪ ﺭﻛﺒﻮ ﻓﻲ ﺍﻟﻜﺮﻫﺒﺎ ﻭ ﻣﺸﺎﻭ ﻃﺮﻳﻖ ﻛﺎﻣﻼ ﺳﺎﻛﺘﺎ ﻣﺤﻜﺎﺗﺶ ﻣﻌﺎﻩ ﻭ ﻫﻮ ﺑﺎﻫﺖ ﻣﺶ ﻣﺴﺘﺎﻧﺴﺎ ﺗﺒﻘﺎ ﺳﺎﻛﺘﺎ
ﻭﺻﻠﻮ ﻟﻠﺒﺮﺕ ﺗﻤﺸﻲ ﻭﺭﺍﻩ ﺗﺘﺒﺴﻢ ﺑﺎﻟﺴﺮﻗﺔ ﺍﻛﺜﺮ ﺣﺎﺟﺔ ﺗﺤﺒﻬﺎ ﺍﻟﺒﺤﺮ ﻭﺻﻠﻮ ﺑﺤﺬﺍ ﺭﺟﺎﻝ ﻣﻠﻤﻮﻣﻴﻦ
ﺳﻠﻤﻮ ﻋﻠﻴﻪ ﺍﻟﻜﻞ ..
_ ﺳﻲ ﻫﺎﺭﻭﻥ ﻗﻠﻨﺎ ﻋﻠﻲ ﺳﺮ ﻣﻬﻨﺘﻚ ﺧﻠﻴﻨﺎ ﻧﻌﻮﺩﻭ ﻧﻜﻮﺭﻭ ﻣﻌﺎﻙ ﺷﻮﻳﺔ
_ ﺍﻱ ﻭﻟﻠﻪ ﻓﻲ ﻛﻞ ﻣﺮﺓ ﻳﺮﺑﺢ ﻫﻮ ﺍﻟﺴﻠﻌﺔ ﺍﻟﻜﻞ
ﻫﺎﺭﻭﻥ : ﻫﺎﻙ ﻗﻠﺖ ﺳﺮ ﺧﺪﻣﺔ ﻣﻨﺠﻤﺶ ﻧﻘﻮﻝ ﻋﻠﻴﻪ
_ ﻻ ﺿﻬﺮﻟﻲ ﻋﺮﻓﺖ ﺍﻧﺎ ﻫﻬﻪ .. ﻳﺤﻜﻲ ﻭ ﻳﺨﺰﺭ ﻟﺮﻭﺳﻠﻴﻦ
ﻫﺎﺭﻭﻥ : ﻳﻤﻜﻦ ... ﺟﺎﻭ ﺭﺟﺎﻝ ﻫﺎﺯﻳﻦ ﺳﻴﻜﺎﻥ ﻭﻗﻔﻮ ﻗﺪﺍﻣﻬﻢ
_ ﺍﻟﻔﻠﻮﻭﺱ
ﻫﺎﺭﻭﻥ : ﻫﺎﺕ ﺍﻟﺴﻴﻜﺎﻥ ﻗﺒﻞ ... ﻋﻤﻞ ﺑﺮﺍﺳﻮ ﻟﺮﺟﺎﻟﻮ ﻣﺸﺎﻭ ﻫﺰﻭ ﺍﻟﺴﻴﻜﺎﻥ ﻭ ﻋﻄﺎﻭﻫﻢ ﺍﻟﻔﻠﻮﺱ ﻫﻮﻣﺎ ﻻﻫﻴﻦ ﻳﺤﻜﻴﻮ ﻭ ﻫﺎﺭﻭﻥ ﻃﺒﺲ ﻋﻠﻲ ﺭﻭﺳﻠﻴﻦ ﺑﺎﻟﺴﺮﻗﺔ ﻭ ﻗﻠﻬﺎ
ﻫﺎﺭﻭﻥ : ﺍﻣﺸﻲ ﻓﻴﺴﻊ ﺍﺭﻛﺐ ﻓﻲ ﺍﻟﻜﺮﻫﺒﺔ ﺍﻟﻲ ﻓﺎﻫﺎ ﺍﻟﺴﻴﻜﺎﻥ ﻭ ﺍﻣﺸﻲ ﻣﻨﺎ
ﺭﻭﺳﻠﻴﻦ : ﺷﻨﻮﺓ؟؟ ﻋﻼﻩ ﻧﻤﺸﻲ ﻭﺣﺪﻱ؟؟
ﻫﺎﺭﻭﻥ ﻧﺰﻝ ﻋﻠﻲ ﺳﻨﻴﻪ : ﺗﺤﺮﻙ ﺍﻣﺸﻲ ﺗﻮﺍ ﻧﺨﻠﻂ ﻋﻠﻴﻚ ﻓﻴﺴﻊ ﺍﻣﺸﻲ .. ﺳﻤﻌﺖ ﻛﻼﻣﻮ ﻣﺸﺎﺕ ﺑﺎﻟﺴﺮﻗﺔ ﺭﻛﺒﺖ ﺍﻟﺸﻮﻓﻮﺭ ﺧﺪﻡ
أنت تقرأ
احببت شيطان 💥🔥♥️
Paranormalبنات جبتلكم كرونيك كيما تحبوهاجريئة و مافيا 🔪💣💵 بالطبيعة كرونيك نار يا لبنات تونسي محرحر هيا يا لبنات لحلقات على بضو وربي يقوي السعود من توا : +جام على كل حلقة تقروها باش نعرف شكون قاعد يتبع فيها بربي ركزو عالتعلقات موش كي نقعد ساعة منهبطتش تخرج...
