نور: هزار يا هزاار ايجا كول عاد
هزار: نور خلي توا ناكل بعد.معينيش توا
نور: تي شبيك انت هالنهارات معاد تحب تعمل شي
هزار: لا عادي بطبيعتي اش عندي نعمل
نور: باهي اش قولك غدوة نمشيو نعملو قهوة مع صحابنا ممم مش فكرة
هزار: لا اخطاني وليت نتحرك بسيف اش باش يهزني
نور: افف يا هزار تي ماو لازمك تتحرك
هزار: باهي باهي توا نمشيو
نور: باهي هيا قوم كول خليني نلم الدنيا .....
روسلين: اا تيمور شبيك رجعت
تيمور: حاجتي بهارون في بيتو هو
روسلين: اي
تيمور: باهي ...طلعلو دق الباب مجاوبو حد ولا حل الباب دخل مشا بعد الريدوات و ضوا البيت
هارون: تي علااه ضلم الدنيااا
تيمور : هارون قوم يزيك مالنوم
هارون: اخطاني تيمور اش تحب
تيمور: تي قوم علاه عامل في روحك هكا
هارون: اخرج
تيمور: لازمك تقوم و تاقف علي خدمتك مازن نهار كامل لاهي بشيماء مينجمش يخلاها وحدها و انا الخدمة منجمتهاش وحدي
هارون: شعندك فاها الخدمة تحب تبطل بطل
تيمور: اكهو و الي تخدم عليه سنين يضيع الكل هياا قوم
هارون: اخرج
تيمور: ياهارون روس.. ااا نقصد هزار لازمك تلوج علاها و ترجعها
هارون: علاه باش نعاود نعيشها الي فات
تيمور: شوف انت الي عملتو وقتها مش فايق و زيد هي صدمتك طول هيا قوم راك عندك اشهرا مخرجتش مالدار
هارون: باهي اخرج توا نخلط عليك
تيمور: لا قوم توا بدل دبشك
هارون: تيمور اخرج ماو قتلك توا نجي عاد
تيمور: هاو نستنا فيك لوطا ...خرج وخلاه قام دخل للدوش يخزر في المرايا لحالتو كفاه ولات ..دخل دوش و نقص في لحيتو لبس دبشو و خرج وقف قدام بيتها تكا عالباب و غمض عينو يتخيل فاها الداخل حل الباب بقا يخزر للبيت حتي هي ضلمة مش قبل سكر الباب و هبط
روسلين: هارون هاو عمتلك قهوة
بقا يخزرلها و قلها و خرج: لا منحبش
خرج لقا تيمور يستنا فيه
تيمور: الحمدلله عليك كي خرجت و شفت الضوء ...طفاه تعدي ركب في كرهبتو ركب معاه تيمور و مشاو للخدمة
وصلو هبطو دخلو للبيرو هارون جبد يشوف في أوراق و تيمور يخزرلو
تيمور: اش باش تعمل توا مع روسلين
هارون: اش عندي نعمل
تيمور: بوها يلوج علاها
هارون: اي اش نعملو
تيمور: اي باش تخليه يلقاها ولله ميقتلها
هارون: اي ماللخر اش تحبني نعمللها قلتلها اهرب
تيمور: تي هربت علي خاطرك زح عبرها حتي شوية
هارون: بالنسبة ليا ماتت معادش ترجع
تيمور: اي هاو قتلك عاد بوها اش عمل معاها
هارون: ممم باهي
تيمور: شوف انا خممت لازمها تخرج مالبلاد احسن
هارون: لوين
تيمور: شوف هو المشروع الي مع الألمانييين يبدي غدوة لازمنا نمشيو عاللقل نبقاو شهر غادي يعني توا نهزوها معانا
هارون: تي فكني اش باش يهزني غادي
تيمور: يا هارون راي صفقة كبيرا ملازمكش تضيعها
هارون: ممم باهي
تيمور: غدوة راو ماشين متمشيش تنسا نعرفك راو
هارون: قتلك باهي راو ....
نور: حقا خالتي قتلك ايجا بات بحذايا
هزار: لا منحبش
نور: ولله هي قتلي اصلا خلينا نمشيو بحذاها انا نهار كامل نخدم و منتهناش عليك وحدك
هزار': معندو ميصير برا انت اخدم علي روحك
نور: فف منك مصح راسك انا هاو طالعا نرقد متنساش خرجت غدوة
هزار: مم باهي ..اختها طلعت و هي جبدت تلفونها تتفرج في تصاورهم في شهر العسل قد محبت تفسخهم اما منجمتش سكرت التلفون و قامت شدت فرشها
أنت تقرأ
احببت شيطان 💥🔥♥️
Paranormalبنات جبتلكم كرونيك كيما تحبوهاجريئة و مافيا 🔪💣💵 بالطبيعة كرونيك نار يا لبنات تونسي محرحر هيا يا لبنات لحلقات على بضو وربي يقوي السعود من توا : +جام على كل حلقة تقروها باش نعرف شكون قاعد يتبع فيها بربي ركزو عالتعلقات موش كي نقعد ساعة منهبطتش تخرج...
