هزار: لا اما انت شوف اش عملت
هارون: معناها ولدي
هزار: فف البهيم هاذا مالا ولد شكون بربي
هارون: شكون البهيم
هزار: انا ..خاطر جايا نحكي مع واحد كيفك ..قامت ماشيا شدها من يدها و رجعها
هارون: هزار علاه تعقد في الأمور أكثر خلينا نرجعو و نربيو ولدنا مع بعضنا
هزار: اي و تعاود الي عملتو من قبل
هارون: نوعدك انو حياتنا تتبدل طول اصلا انا تبدلت
هزار: تعرف كلامك يخوف فيا اكثر خلينا كل واحد وحدو خير
هارون: لا انساها هاذي نخليك
هزار: منجمش ننسا الي عملتو
هارون: انا توا نسيك في كل شي ارجع معايا نوعدك حياتنا تتبدل
هزار: ابعد هارون منحبش نرجعلك
هارون: هزار و ولدنا باش تربيه وحدك باش تنجم
هزار: عادي نجم
هارون: علاه تعمل هكا قلبك معبي لها الدرجة
هزار: اي و زيد شوف اش عملت في پا
هارون: بوك الي تحكي عليه قتل امي و بابا و زيد ضربني انا باش يقتلني هاذا بخلاف الناس الي معملو شي و قتلهم
هزار: علاه و انت اش عملت قتلت بابا و ما زادا من حرتك ماتت و شوية لا قتلتني انا و ولدك و زيد متنساش الي انت تقتل زادا
هارون: انا مش نقتل فيهم كي بوك الناس و زيد بوك كان مقتلتوش كانو باش يقتلوه منا ولا منا و كانك عليك انت وقتها مش عارف اش نعمل
هزار: هارون اخرج من حياتي في السبعة شهور الي فاتو عشتهم مرتاحا عاللخر جيت انت توا و فسدتلي كل شي
هارون: هزار يا روحي منجمتش نعيش حتي نهار من غيرك تقول ميت معاد عيني في شي حياتي من غيرك متسواش صدقني
بقات ساكتا تخمم في كلامو هي عارفا الي الصغير مش باش تنجم تربيه وحدها ياخي قررت تعطيه فرصة باش يصلح كل شي
هزار: باهي تنجم
روسلين قصت عليهم: هارون عزيزي وينك مالصباح نلوج عليك
بقات تخزرلها شكوني هاذي تعرف اسمو و حاطا يدها علي كتفو ..هارون حل عنيه اش مجيبها توا
هارون: روسلين اش تعمل لنا ؟؟
هزار سمعت اسمها دخلت بعضها : ش..شكون هاذي
روسلين: اهلا منعرش انت شكون اما انا مرت هارون
هارون: روسلين فاش تحكي ؟؟
هزار عناها تعباو بالدموع تخزرلو هاذا كانت ناوية تعطيه فرصة باش يصلح
هارون : هزار ايجا نحكيو في بلاصة اخري
روسلين: هارون عزيزي اسمعني عاد مالصباح نلوج كان تشوف اش عرفت اليوم
هزار جات ماشيا و مخليتهم شدها هارون
هزار: سيبني
روسلين: هارون الطبيبة قتلي الي انا حبلا ههه ولله باش نموت بالفرحة باش يجينا صغير
كلامها صدمهم الزوز هزار دموعها هبطو بدات تضرب فيه باش يسيبها هو من صدمتو سيبها مشات روحت و بقا مع روسلين
هارون: فاش تحكي انت
روسلين: شبيك تحكي معايا هكا و شكون الي كانت معاك
هارون: انت شكونك جايا و تقلي هكا
روسلين: هارون عزيزي شبيك تبدلت ..شدها من يدها يكركر فاها وراه ركبها في الكرهبة و مشاو لأقرب طبيب نسا
الطبيبة: مسيو اي بالحق حبلا
حط يدو علي وجهو يمشي و يجي اذاكا الي ناقصو دارلها
هارون: ياش تنحيه
روسلين: لا منحبش
هارون: قتلك باش تنحيه مش نشاور فيك
روسلين: هارون لا اماان
الطبيبة: مسيو منجنو نحيوه كان متبدا هي موافقا
هارون: اسمع ناقصني كان انتي توا
روسلين: هارون انا باش نجيبو ..طفاها خرج و خلاها مشا طول لهزار دق الباب خرجتلو خالتها
منال: تفضل شكونك
هارون: اا فما جارتك حاجتها بيك
منال: ااا هاذي متطلع كان زهور ايا توا نمشيلها ..خرجت و خلات الباب مردود دخل و سكرو طلع يلوج علي بيتها لين سمع صوت بكاها دخل يلقاها طايحا في القاعة تبكي مشا هبط بحذاها
أنت تقرأ
احببت شيطان 💥🔥♥️
Paranormalبنات جبتلكم كرونيك كيما تحبوهاجريئة و مافيا 🔪💣💵 بالطبيعة كرونيك نار يا لبنات تونسي محرحر هيا يا لبنات لحلقات على بضو وربي يقوي السعود من توا : +جام على كل حلقة تقروها باش نعرف شكون قاعد يتبع فيها بربي ركزو عالتعلقات موش كي نقعد ساعة منهبطتش تخرج...
