ﺣﻠﺖ ﻋﻨﺎﻫﺎ ﺗﻠﻘﺎ ﺭﻭﺣﻬﺎ ﺭﺍﻗﺪﺍ ﻓﻮﻗﻮ ﻣﺶ ﻻﺑﺴﺎ ﺷﻲ ﺟﺎﺕ ﺑﺎﺵ ﺗﺘﺤﺮﻙ ﺗﻮﺟﻌﺖ ﻳﺎﺧﻲ ﺧﺮﺟﺖ ﺻﻮﺕ .. ﺣﻞ ﻋﻨﻴﻪ ﻗﻠﺒﻬﺎ ﺗﺤﺘﻮ ﺑﺎﻟﺸﻮﻳﺔ
ﻣﺎﺯﻥ : ﺭﺗﺢ ﺭﻭﺣﻚ ﻋﺰﻳﺰﺗﻲ
ﺷﻴﻤﺎﺀ : ﺍﻓﻒ ﻣﺎﺯﻥ ﻋﻼﻩ ﻫﻜﺎ ﻣﺶ ﻣﻨﺠﻤﺎ ﻧﺘﺤﺮﻙ
ﻣﺎﺯﻥ : ﻣﻢ ﺑﺎﻫﻲ ﺳﻤﺤﻨﻲ ﻭﺟﻌﺘﻚ
ﺷﻴﻤﺎﺀ : ﺍﻱ ﺷﻮﻳﺘﻨﻲ ﺷﻮﻓﻠﻲ ﺩﻭﺍﺀ ﺍﻣﺎﻥ ﺍﻟﻮﺟﻴﻌﺔ ﻗﻮﻳﺔ ﻓﻲ ﻛﺮﺷﻲ .. ﺗﻔﺠﻊ ﻋﻼﻫﺎ ﻗﺎﻡ ﻣﺮﻋﻮﺏ
ﻣﺎﺯﻥ : ﺷﺒﻴﻚ ﻗﻮﻡ ﺗﺤﺐ ﻧﻬﺰﻙ ﻟﻠﻄﺒﻴﺐ
ﺷﻴﻤﺎﺀ : ﺗﻌﻤﻞ ﻋﻤﻠﺘﻚ ﻭ ﺑﻌﺪ ﺗﻘﻠﻲ ﻃﺒﻴﺐ ﺗﻮﺍ ﻧﺮﺗﺎﺡ
ﻣﺎﺯﻥ : ﺑﺎﻫﻲ ﺍﻳﺠﺎ ﺗﻮﺍ ﺗﺮﺗﺎﺡ .. ﺟﺒﺪﻫﺎ ﻋﻨﺪﻭ ﻋﻨﻘﻬﺎ ﻳﻤﺴﺢ ﻋﻠﻲ ﺷﻌﺮﻫﺎ
ﻣﺎﺯﻥ : ﺷﻔﻤﺎ ؟
ﺷﻴﻤﺎﺀ : ﺷﻨﻮﺓ ؟؟
ﻣﺎﺯﻥ : ﻳﻌﻨﻲ ﺷﻬﺮﻳﻦ ﻛﺎﻣﻠﻴﻦ ﻣﺘﺤﺒﺶ ﺗﺸﻮﻕ ﻭﺟﻬﻲ ﻭ ﺍﻟﺒﺎﺭﺡ؟؟
ﺷﻴﻤﺎﺀ : ﻳﻌﻨﻲ ﻣﺎﻟﻨﺎ ﺍﻻ ﻣﻌﺮﺳﻴﻦ ﻻﺯﻡ ﻧﻌﻤﻞ ﻫﻜﺎ
ﻣﺎﺯﻥ : ﺍﺍ ﺍﻧﺖ ﻋﻤﻠﺘﻬﺎ ﺧﺎﻃﺮ ﻣﻌﺮﺳﻴﻦ
ﺷﻴﻤﺎﺀ : ﺍﻱ ﺑﻄﺒﻴﻌﺔ
ﻣﺎﺯﻥ : ﻣﻤﻢ ﺑﺎﻫﻲ .. ﺣﻄﻬﺎ ﺑﺎﻟﺸﻮﻳﺔ ﻗﺎﻡ ﻣﺎﻟﻔﺮﺵ ﻭ ﺧﺮﺝ ﻣﺎﻟﺒﻴﺖ ﻭ ﻫﻲ ﺑﻘﺎﺕ ﻣﺘﻜﻴﺔ ﺗﺨﺰﺭ ﻟﻠﺼﻘﻒ ﻧﺎﺩﻣﺎ ﻋﻠﻲ ﻗﻠﺘﻮ
ﻫﺎﺭﻭﻥ : ﺭﻭﺳﻠﻴﻦ ﺗﻮﺍ ﺗﻘﻠﻲ ﻣﻨﻴﻦ ﺗﻌﺮﻓﻬﺎ
ﺭﻭﺳﻠﻴﻦ : ﻫﺎﺭﻭﻥ ﺗﺎﻋﺒﺎ ﺍﻣﺎﻥ ﻣﺎﻭ ﻗﺘﻠﻚ ﺗﻘﺎﺑﻠﻨﺎ ﺍﻟﺒﺮﺍ
ﺩﺧﻞ ﺑﺤﺬﺍﻫﺎ ﻟﻠﻔﺮﺵ ﻋﻨﻘﻬﺎ ﻳﻤﺴﺢ ﻋﻠﻲ ﻛﺮﺷﻬﺎ : ﻓﻒ ﻓﺠﻌﺘﻨﻲ ﻋﻠﻴﻜﻢ
ﺣﻄﺖ ﻳﺪﻫﺎ ﻋﻠﻲ ﺧﺪﻭ ﺗﻌﺪﻱ ﻓﺎﻫﺎ ﺑﺎﺷﻮﻳﺔ ﻭ ﺗﺤﻜﻲ : ﺍﻧﺎ ﺯﺍﺩﺍ ﺗﻔﺠﻌﺖ ﻻ ﺗﺼﻴﺮﻟﻮ ﺣﺎﺟﺔ ﺷﻮﻳﺔ ﻻ ﻣﺖ
ﻫﺎﺭﻭﻥ : ﻟﻄﻒ ﻋﻠﻴﻚ ﻣﻘﺘﻠﻴﺶ ﻫﺎﻙ ﺍﻟﺼﺒﺎﺡ ﻟﺒﺎﺱ
ﺭﻭﺳﻠﻴﻦ : ﻣﻨﻌﺮﺵ ﻧﺪﻭﺭﻭ ﻭ ﺣﺴﻴﺖ ﺑﺪﻭﺧﺎ ﻣﻔﻘﺖ ﺑﺸﻲ ﺑﻌﺪﻫﺎ
ﻫﺎﺭﻭﻥ : ﻣﻤﻢ ﻣﺎﻟﻴﻮﻡ ﻣﻌﺎﺩﺵ ﻓﻤﺎ ﺧﺮﻭﺝ
ﺭﻭﺳﻠﻴﻦ : ﻫﺎﺭﻭﻥ ﺷﻨﻮﺓ ﻣﺸﻜﻠﺘﻚ ﻣﻊ ﺳﺎﻣﻲ ﺑﻦ ﺧﻠﻔﺔ
ﻫﺎﺭﻭﻥ : ﺗﻌﺮﻑ ﻛﺎﻥ ﺟﻴﺖ ﻣﺎﻛﺶ ﺣﺒﻼ ﺭﺍﻭ ﻭﺭﻳﺘﻚ ﻣﻨﻴﻦ ﺗﻌﺮﻓﻮ ﺍﻧﺖ
ﺭﻭﺳﻠﻴﻦ : ﻻ ﺷﻲ ﻧﻌﺮﻓﻮ ﻭ ﺑﺮﺍ ﻗﻠﻲ ﺍﻧﺖ
ﻫﺎﺭﻭﻥ : ﺣﺎﺟﺔ ﻣﺘﻬﻤﻜﺶ ﺍﻟﻲ ﺑﻴﻨﻮ ﻭ ﺑﻴﻨﻲ
ﺭﻭﺳﻠﻴﻦ : ﺑﺎﻫﻲ ﻭﻳﻨﻮ ﺗﻮﺍ .. ﻛﺒﺴﻠﻬﺎ ﻋﻠﻲ ﻛﺮﺷﻬﺎ ﻟﻴﻦ ﺗﻮﺟﻌﺖ .
ﺭﻭﺳﻠﻴﻦ : ﺍﻩ ﻫﺎﺭﻭﻥ ﻳﺰﻱ
ﻫﺎﺭﻭﻥ : ﻓﻮﺗﻮ ﺍﻟﻤﻮﺿﻮﻉ ﻫﺎﺫﺍ ﻣﻌﺎﺩﺵ ﺗﺠﺒﺪﻭ ﻭﻻ ﺗﻌﺮﻑ ﺍﺵ ﻧﻌﻤﻞ ﻓﻴﻚ
ﺭﻭﺳﻠﻴﻦ : ﺑﺎﺵ ﺗﻀﺮﺑﻨﻲ ﻭ ﺍﻧﺎ ﺣﺒﻼ؟؟
ﻫﺎﺭﻭﻥ : ﻛﻲ ﺗﺒﺪﻱ ﺣﻜﺎﻳﺔ ﺗﺎﺑﻊ ﺳﺎﻣﻲ ﺑﻦ ﺧﻠﻴﻔﺔ ﻭﻗﺘﻬﺎ ﻻ ﻧﻌﺮﻓﻚ ﻻ ﺗﻌﺮﻓﻨﻲ
ﻫﻮ ﻛﻤﻞ ﻛﻼﻣﻮ ﻭ ﻫﻲ ﻃﺮﺷﻘﺖ ﺗﺒﻜﻲ ﺩﻭﺭﺕ ﻭﺟﻬﺎ ﺩﺧﻼﺗﻮ ﻓﻲ ﺍﻟﻤﺨﺪﺓ ﻭ ﺑﻘﺎﺕ ﺗﺒﻜﻲ
ﺣﻤﻠﻬﺎ ﺩﻭﺭﻫﺎ ﻟﻴﻪ ﻭﺟﻬﺎ ﺍﺣﻤﺮ ﺩﻣﻮﻋﻬﺎ ﺷﻼﻝ ﺑﺪﺍ ﻳﻤﺴﺤﻠﻬﺎ ﻓﻴﻬﻢ ﻭ ﻳﺤﻜﻲ ﺑﺎﻟﺸﻮﻳﺔ
ﻫﺎﺭﻭﻥ : ﺭﻭﺳﻠﻴﻦ ﺷﺒﻴﻚ ﻳﺎ ﺭﻭﺣﻲ
ﺭﻭﺳﻠﻴﻦ : ﻫﺎﺭﻭﻥ ﻭﻟﻠﻪ ﻧﺤﺒﻚ
ﻫﺎﺭﻭﻥ : ﺍﻱ ﺣﺘﻲ ﻧﻤﻮﺕ ﻋﻠﻴﻚ ﺷﺒﻴﻚ
ﺭﻭﺳﻠﻴﻦ : ﻻ ﺷﻲ ﻧﺤﺐ ﻧﺮﻗﺪ
ﻫﺎﺭﻭﻥ : ﺑﺎﻫﻲ ﺍﺭﺗﺎﺡ ﺍﻧﺎ ﺑﺎﺵ ﻧﺮﺟﻊ ﻧﺨﺪﻡ
ﺑﺎﺳﻬﺎ ﻣﻦ ﺧﺪﻫﺎ ﻭ ﺧﺮﺝ ﺑﻌﺪ ﻣﺮﻗﺪﺕ ﻣﺸﺎ ﻟﺨﺪﻣﺘﻮ
ﺗﻘﻠﺒﺖ ﻓﻲ ﺍﻟﻔﺮﺵ ﻫﻲ ﺩﻭﺏ ﻋﻨﺎﻫﺎ ﺧﺬﺍﺗﻬﺎ ﻭ ﺗﻠﻔﻮﻧﻬﺎ ﺻﻮﻧﺎ ﻫﺰﺕ ﻋﻠﻴﻪ
ﺭﻭﺳﻠﻴﻦ : ﺍﻟﻮ
ﻧﻮﺭ : ﻫﺰﺍﺭ ﻟﺒﺎﺱ ﺍﻧﺖ ﺭﺗﺤﺖ ﺗﻮﺍ
ﺭﻭﺳﻠﻴﻦ : ﺍﻱ ﺧﻴﺮ ﺗﻮﺍ ﺑﻜﺮﻱ ﻣﻨﺠﻤﻨﺎ ﻧﺤﻜﻴﻮ ﺷﻲ ﻭ ﻣﻨﺘﺼﻮﺭﺵ ﻛﺎﻥ ﻧﻌﺎﻭﺩﻭ ﻧﺘﻘﺎﺑﻠﻮ
ﻧﻮﺭ : ﺭﻭﺳﻠﻴﻦ ﻋﻴﺶ ﺍﺧﺘﻲ ﺭﺍﻙ ﻣﺰﻟﺖ ﺻﻐﻴﺮﺍ ﻭ ﻣﺘﻌﺮﺵ ﻣﺼﻠﺤﺘﻚ ﻻﺯﻡ ﺗﻨﺤﻴﻪ ﺍﻟﺼﻐﻴﺮ ﻣﺘﺠﻴﺒﻮﺵ ﻣﺘﺨﻠﻴﺶ ﺣﺎﺟﺔ ﺗﺮﺑﻄﻚ ﺑﻴﻪ
ﻭ ﺗﻮﺍ ﻧﺒﻌﺪ ﺍﻧﺎ ﻭﻳﺎﻙ ﻣﻨﺎ ﻣﻌﺎﺩ ﻳﻠﻘﺎﻧﺎ ﺣﺪ
ﺭﻭﺳﻠﻴﻦ : ﻧﻮﺭ ﻓﺎﺵ ﺗﺤﻜﻲ ﺍﻟﺼﻐﻴﺮ ﻣﺴﺘﺤﻴﻞ ﻧﺤﻴﻪ ﻭ ﻫﺎﺭﻭﻥ ﺯﺍﺩﺍ ﻣﻨﺒﻌﺪﺵ ﻋﻠﻴﻪ
ﻧﻮﺭ : ﺑﻜﺮﻱ ﻣﻦ ﻛﻼﻣﻮ ﻣﻴﻌﺮﻓﻨﻴﺶ ﺍﻟﻲ ﺍﻧﺎ ﺍﺧﺘﻚ ﻭ ﺍﻧﺖ ﻇﺎﻫﺮ ﻣﺘﺤﺒﻮﺵ ﻳﻌﺮﻑ ﺑﺎﺵ ﻣﻴﻜﺮﻫﻜﺶ ﻣﺶ ﻫﻜﺎ
ﺭﻭﺳﻠﻴﻦ : ﻧﻮﺭ ﺭﺍﻧﻲ ﺗﺎﻋﺒﺎ ﻣﺘﻜﻤﻠﺶ ﻋﻠﻴﺎ
ﻧﻮﺭ : ﻣﺘﻌﺒﻚ ﻛﺎﻥ ﻫﻮ ﺍﺳﻤﻊ ﻛﻼﻣﻲ ﻋﻴﺶ ﺍﺧﺘﻲ ﻣﺘﺮﺑﻄﺶ ﺭﻭﺣﻚ ﺑﻴﻪ
ﺭﻭﺳﻠﻴﻦ : ﺍﻧﺴﻲ ﻭﻟﺪﻱ ﻣﻨﻄﻴﺤﻮﺵ
ﻧﻮﺭ : ﻭﻟﻠﻪ ﺭﺍﻙ ﻣﺰﻟﺖ ﺻﻐﻴﺮﺍ ﻭ ﻣﺶ ﻋﺎﺭﻓﺎ ﺍﺵ ﺗﻌﻤﻞ ﻻﺯﻣﻚ ﺗﻨﺤﻴﻪ ﻧﺒﻘﺎ ﺍﺧﺘﻚ ﺍﻟﻜﺒﻴﺮﺍ ﻭ ﺍﻧﺎ ﺍﻟﻮﺣﻴﺪﺍ ﺍﻟﻲ ﺑﻘﻴﺖ ﻣﻦ ﻋﻴﻠﺘﻚ ﻳﺎ ﻟﻼ ﻭ ﺗﻮﺍ ﺗﺨﺘﺎﺭ ﻳﺎ ﺍﻧﺎ ﻳﺎ ﻫﻮ
ﺭﻭﺳﻠﻴﻦ : ﻧﻮﺭ ﻓﺎﺵ ﺗﺤﻜﻲ ﺍﻣﺎﻥ ﻣﺘﻌﻤﻠﺶ ﻫﻜﺎ
ﻧﻮﺭ : ﺑﺎﻫﻲ ﺑﺎﺵ ﻧﻌﻠﻖ ﺗﻮﺍ ﻭ ﻛﻲ ﺗﻘﺮﺭ ﻛﻠﻤﻨﻲ ﺧﻮﺫ ﻭﻗﺘﻚ .. ﻋﻠﻘﺖ ﻋﻼﻫﺎ ﺭﺟﻌﺖ ﺗﺮﻣﺎﺕ ﻋﺎﻟﻔﺮﺵ ﺗﺒﻜﻲ ﻋﻠﻲ ﺍﻟﺰﻫﺮ ﺍﻟﻲ ﻋﻨﺪﻫﺎ .. ﻣﺸﺎﻓﺘﺶ ﻗﻤﺮ ﺍﻟﻲ ﻭﺍﻗﻔﺎ ﻋﺎﻟﺒﺎﺏ ﻭ ﺳﻤﻌﺖ ﻛﻼﻣﻬﺎ
ﻋﻠﻘﺖ ﻋﻠﻲ ﺍﺧﺘﻬﺎ ﺭﻣﺎﺕ ﺍﻟﺘﻠﻔﻮﻥ ﻣﻐﺰﻻ
ﺗﻴﻤﻮﺭ : ﺍﺵ ﻓﻤﺎ
ﻧﻮﺭ : ﻻ ﺷﻲ .. ﺗﻴﻤﻮﺭ ﺑﺎﺵ ﻧﺴﺄﻟﻚ
ﺗﻴﻤﻮﺭ : ﻣﻤﻢ
ﻧﻮﺭ : ﺑﺎﺑﺎ ﺗﻮﺍ ﻋﻨﺪ ﻫﺎﺭﻭﻥ ﻣﺶ ﻫﻜﺎ
ﺗﻴﻤﻮﺭ : ﺳﺎﻣﻲ ﺑﻦ ﺧﻠﻴﻔﺔ ؟؟ ﺍﻱ ﻋﻨﺪﻭ
ﻧﻮﺭ : ﻭ ﺷﻨﻮﺓ ﻧﺎﻭﻱ ﻳﻌﻤﻠﻮ
ﺗﻴﻤﻮﺭ : ﺑﺎﺵ ﻳﻘﺘﻠﻮ
ﻧﻮﺭ : ﺍﻩ ﻭﻟﻠﻪ ﻻﻭ ﻋﺎﺩﻱ ﻫﺎﻟﺮﺍﺟﻞ ﺣﺘﻲ ﻋﺮﺱ ﻭ ﻣﺘﻬﺪﺵ
ﺗﻴﻤﻮﺭ : ﻫﺎﺭﻭﻥ ﻣﻴﺘﻬﺪ ﻛﺎﻥ ﻣﻴﻘﺘﻞ ﺯﻭﺯ ﻋﺒﺎﺩ ﻭﺍﺣﺪ ﺑﻮﻙ ﻭ ﺍﻷﺧﺮ ﻣﺘﻌﺮﻓﻮﺵ
ﻧﻮﺭ : ﻭ ﻋﻼﻩ ﻫﺎﺫﺍ ﺍﻟﻜﻞ
ﺗﻴﻤﻮﺭ : ﻫﻮﻣﺎ ﺍﻟﻲ ﻟﻌﺒﻮ ﻣﻌﺎﻩ ﻣﺎﻟﻠﻮﻝ
ﻧﻮﺭ : ﺍﻱ ﻳﻘﺘﻠﻬﻢ ﻋﺎﺩ
ﺗﻴﻤﻮﺭ : ﺍﺵ ﻣﻘﻠﻘﻚ ﺗﻮﺍ ﺍﻧﺖ
ﻧﻮﺭ : ﺑﺎﺵ ﻳﻘﺘﻠﻲ ﺑﺎﺑﺎ ﻭ ﺗﻘﻠﻲ ﺍﺵ ﻣﻘﻠﻘﻨﻲ
ﺗﻴﻤﻮﺭ : ﻇﺎﻫﺮﻟﻲ ﺗﻌﺮﻑ ﻫﺎﺫﺍ ﻣﻦ ﻗﺒﻞ ﻣﺶ ﺣﺎﺟﺔ ﺟﺪﻳﺪﺍ ... ﺧﻼﺗﻮ ﻳﺤﻜﻲ ﻭﺣﺪﻭ ﻭ ﺩﺧﻠﺖ ﻣﻐﺰﻻ ﻟﺒﺘﻮ ﺿﺮﺑﺖ ﺍﻟﺒﺎﺏ ﺑﺎﻟﻘﻮﻱ ﺳﻜﺮﻟﺘﻮ
أنت تقرأ
احببت شيطان 💥🔥♥️
Paranormalبنات جبتلكم كرونيك كيما تحبوهاجريئة و مافيا 🔪💣💵 بالطبيعة كرونيك نار يا لبنات تونسي محرحر هيا يا لبنات لحلقات على بضو وربي يقوي السعود من توا : +جام على كل حلقة تقروها باش نعرف شكون قاعد يتبع فيها بربي ركزو عالتعلقات موش كي نقعد ساعة منهبطتش تخرج...
