(الحلقة الأخيرا) في الجزء الاول
تبعت الصوت لين وصلت عطيها بظهرو و يحكي مع واحد مربوط قدامو في كرسي و مضروب بكلو بدات تقرب لين عرفاتو شكون ..بوها حطت يدها علي فمها هارون سمع حس دار يلقاها وراه
هارون: روسلين اش تعمل لنا
روسلين: هارون اش باش تعمل
هارون: اخرج شكون جابها لنا خرجوها
روسلين: سيبنيي هارون امان متعمل شي
هارون: شنوة؟؟ علاه اش دخلك انت
روسلين تبكي: هيا نخرجو منا امان هيا
نطرلها يدها يعيط علاها: اخرج منا تحر ..ولا تعرفش كفاه تتذكرو الخطار مش قتلك تقتل واحد. هاو قدامك
روسلين: اه لا لا منجمش
هارون: تحرك توا يا تخرج يا تقتلو حتي كان مقتلتوش انت باش نقتلو انا يعني اخرج
روسلين: هارون لاا
هارون: فففف اخرج متفددنيش اكثر
بقات تعملو براسها لا شدها من كتفها و هزها قدام بوها حطلها السلاح في يدها
هارون: امشي تحرك
روسلين: لا منجمش
هارون: علاه
روسلين معادش فاها يزي مخبت طيحت السلاح من يدها دارتلو خزرتلو متعرش اذا باش تبقا معاه بعد كلامها حاسة عاصفة كبيرا باش تكسر كل شي نطقت كلامها و هبطو دموعها: خاطرو بابا
هارون يخزرلها تذكر كفاه ديما تجبدلو عليه ..تذكر الشبه الي شافو في نور لاها و كذب كمل يسمع فاها مصدوم
روسلين: منجمش نقتلو خاطر انا بنتو ..بنتو هزار بن خليفة ...بلعت ريقها خايفا من ردت فعلو بدات توخر و هو حابس في بلاصتو مش عامل شي ترعش بكلها في بلاصتها تستنا فيه اش باش يعمل ..حرك راسو دار بكل هدوء لواحد من رجالو خذا سلاحو بقا يخزرلو بقا يلعب بيه في يدو و يخزرلها في خزرا زادت خوفتها قربلها هزو و حطو علي راسها ..هبطت راسها و غمضت عناها لين سمعت حس كرطوشة تهزت بكلها حلت عناها تلقاه مزال قدامها و يخزرلها هزت راسها دموعها هبطو تبكي بالساكتا بوها طايح دمو الكل عالحيط الي وراه
هزلها يدو حطها قدامها باش تشدها ..تخزرلو في عينو خزرتو مفهمتها هزت يدها ترعش شدت يدو و تخزر لبوها ..تبسملها و مشا بالشوية و هي وراه
اكيد ناوي علي حاجة بقات تبع فيه حاسة روحها حازا روحها للموت متنجم تعمل وصلو لبيت حل الباب و دخل دخلها و سكر الباب جبد سكينة صغيرا يلعب باها في يدو
هارون: اش قتلك الطبيبة؟؟
روسلين تمتم منجمتش تتكلم
هارون: عزيزتي روسلين اا هزار شبيك تكلم ولدنا لباس
روسلين: مم..مات قتلي طاح
هارون تبسملها: مم باهي احسن حاجة صارت معايا اليوم
بهتت من كلامو ..جات باش تتكلم اما هو سبقها دزها لصقها لاحيط و غرس السكينة في كرشها
تخزرلو في عينو في عينو الوجيعة الي في قلبها اكبر من وجيعة السكينة عناها مدمعين تحب تتكلم اما متنجمش كينها تودع فيه من خزرتها هبط علاها و قلها
هارون: باش تعرف مع شكون تلعب المرة الجاية ..بعد علاها شادا كرشها الدم يقطر وجها اصفر و دموعها هابطين بدات طيح باشوية لين طاحت بكلها تخزر للضوء الي داخل مالشباك الدموع هابطا تتذكر في كلام اختها كي قلتلها ابعد عليه و راو مش باهي بدات تغمض في عينها بالشوية لين ترخفت بكلها هارون بقا يخزرلها جبد نفس غمض عنيه و خرج و سكر علاها الباب ..غمضت عناها و هي تتبسم تشوف في امها مادتلها يدها مشاتلها تجري شدتها و مشات هي وياها
___ النهاية____
أنت تقرأ
احببت شيطان 💥🔥♥️
Paranormalبنات جبتلكم كرونيك كيما تحبوهاجريئة و مافيا 🔪💣💵 بالطبيعة كرونيك نار يا لبنات تونسي محرحر هيا يا لبنات لحلقات على بضو وربي يقوي السعود من توا : +جام على كل حلقة تقروها باش نعرف شكون قاعد يتبع فيها بربي ركزو عالتعلقات موش كي نقعد ساعة منهبطتش تخرج...
