ﺍﻟﺤﻠﻘﺔ :22
ﻟﺒﺴﺖ ﺩﺑﺶ ﺳﺒﻮﺭ ﻭ ﻣﺸﺎﺗﻠﻮ ﻣﺘﺤﺒﺶ ﺗﻮﺧﺮ ﻋﻠﻴﻪ ﺩﺍﺧﻼ ﺗﺠﺮﻱ ﻭ ﻣﺘﻠﻘﺎ ﺭﻭﺣﻬﺎ ﻛﺎﻥ ﻭﺟﻬﺎ ﻻﺳﻖ ﻓﻲ ﺍﻟﻘﺎﻋﺔ ﺷﺪﺕ ﺭﻛﺒﺘﻬﺎ ﻭﺟﻌﺘﻬﺎ ﺩﺍﺭﺕ ﺗﻠﻘﺎﻩ ﻭﺍﻗﻒ ﻭ ﻣﻌﺮﺽ ﺳﺎﻗﻴﻪ ﻋﺜﺮﻫﺎ
ﻫﺎﺭﻭﻥ : ﺍﻭﻝ ﺣﺎﺟﺔ ﻋﻴﻨﻚ ﻻﺯﻡ ﺩﻳﻤﺎ ﻣﺤﻠﻮﻻ
ﻗﺎﻣﺖ ﻧﻔﻀﺖ ﺩﺑﺸﻬﺎ ﻭ ﺑﻘﺎﺕ ﺗﺒﻊ ﻓﻴﻪ ﻭﺻﻞ ﺑﺤﺬﺍ ﺍﻟﺤﻴﻂ ﻭ ﻫﻲ ﻭﺭﺍﻩ ﻭ ﻳﺪﻭﺭ ﻭ ﻳﻌﻄﺎﻫﺎ ﺑﻮﻧﻴﺎ ﻋﻠﻲ ﻓﻤﻬﺎ : ﺛﺎﻧﻲ ﺣﺎﺟﺔ ﻻﺯﻣﻚ ﺩﻳﻤﺎ ﻓﺎﻳﻘﺎ ... ﺷﺪﺕ ﻓﻤﻬﺎ ﺣﺴﺎﺗﻮ ﺧﺮﺝ ﻣﻦ ﺑﻼﺻﺘﻮ ﻋﻮﺩﺕ ﻗﺎﻣﺖ ﺗﻤﺸﻲ ﻭﺭﺍﻩ ﻫﻮ ﻭﺻﻞ ﻗﺪﺍﻡ ﺩﺭﻭﺝ ﻭ ﻫﻲ ﺗﻬﺰ ﺳﺎﻗﻬﺎ ﻭ ﺩﺯﻭ .. ﺷﺪ ﺭﻭﺣﻮ ﻓﻲ ﺁﺧﺮ ﻟﺤﻈﺔ ﺯﻋﻤﺎ ﻻ ﻃﺎﺡ ﺩﺍﺭ ﻳﺨﺰﺭﻟﻬﺎ ﻗﺘﻠﻮ : ﺛﺎﻟﺚ ﺣﺎﺟﺔ ﻣﻌﺎﺩﺵ ﺗﻌﻄﻲ ﺛﻴﻘﺘﻚ ﻓﻲ ﺣﺪ
ﺗﺒﺴﻤﻠﻬﺎ ﺳﺮﺣﺖ ﻓﻲ ﻋﺎﻟﻤﻬﺎ ﺑﺘﺒﺴﻴﻤﺘﻮ ﻭ ﻫﻮ ﻏﻔﻠﻬﺎ ﻭ ﻋﻄﺎﻫﺎ ﺿﺮﺑﺔ ﻓﻲ ﻛﺮﺷﻬﺎ
ﻫﺎﺭﻭﻥ : ﻻ ﻏﺎﻟﻂ ﺛﺎﻟﺚ ﺣﺎﺟﺔ ﻻﺯﻡ ﺗﻨﻘﺺ ﻣﺎﻟﺒﻬﺘﺎ ﻣﺘﺎﻋﻚ ﻭ ﻣﻌﺎﺩﺵ ﺗﺴﺮﺡ ﻟﺒﻌﻴﺪ ﻭﻗﺖ ﺍﻟﺨﺪﻣﺔ
ﺷﺪﺕ ﻛﺮﺷﻬﺎ ﻭﺟﻌﺘﻬﺎ ﻋﺎﻟﻠﺨﺮ ﻭ ﺯﻳﺪ . ﻣﺎﻟﺼﺒﺎﺡ ﻣﺶ ﻣﺎﻛﻼ ﺷﻲ ﻫﺰﺕ ﺭﺍﺳﻬﺎ ﺗﺘﻨﻔﺲ ﺑﺴﻴﻒ ﺗﻠﻘﺎﻩ ﻣﺰﺍﻝ ﻳﺨﺰﺭﻟﻬﺎ ﻭ ﻓﻲ ﻳﺪﻭ ﺳﻼﺡ
ﻫﺎﺭﻭﻥ : ﺷﺪ
ﻣﺪﺕ ﻳﺪﻫﺎ ﺷﺪﺍﺗﻮ ﺑﻘﺎﺕ ﺗﺨﺰﺭﻟﻮ ﻓﺮﺻﺘﻬﺎ ﻫﺎﺫﻱ ﻋﻼﻩ ﻣﺘﻘﺘﻠﻮﺵ ﻭ ﺗﻬﺮﺏ ﻫﻮ ﻋﻄﺎﻫﺎ ﺑﻈﻬﺮﻫﺎ ﻭ ﻫﻲ ﻫﺰﺍﺗﻮ ﺑﺎﺵ ﺗﻀﺮﺑﻮ ﻭ ﻗﺘﻠﻮ ﻭ ﻫﻲ ﺗﻀﺤﻚ : ﻫﻬﻪ ﻗﺘﻠﻚ ﻣﺘﻌﻄﻲ ﺛﻴﻘﺘﻚ ﻟﺤﺪ
ﺩﺍﺭﻟﻬﺎ ﺑﻜﻞ ﻫﺪﻭﺀ ﻛﺘﻒ ﻳﺪﻭ ﻭ ﺑﻘﺎ ﻳﺨﺰﺭﻟﻬﺎ : ﻫﻬﻪ ﻋﻨﺪﻙ ﺣﻠﻴﻦ ﺗﻮﺍ ﻛﺎﻥ ﺗﻀﺮﺏ ﻣﻌﻨﺎﻫﺎ ﻧﻄﻤﻦ ﻋﻠﻴﻚ ﻭ ﻏﺪﻭﺓ ﺗﺒﺪﻱ ﺧﺪﻣﺘﻚ .. ﻛﺎﻥ ﻣﺎﻛﺶ ﺑﺎﺵ ﺗﻀﺮﺏ ﺑﺎﺵ ﻧﻀﺮﺏ ﺍﻧﺎ ﻧﻘﺘﻠﻚ
ﺳﺘﻐﺮﺑﺖ ﻣﻦ ﻛﻼﻣﻮ ﻫﺎﺫﺍ ﺷﺒﻴﻪ ﻳﺤﺒﻬﺎ ﺗﻀﺮﺑﻮ : ﻫﻬﻪ ﺍﻛﻴﺪ ﻣﻬﺒﻮﻝ ﺍﻧﺖ ﺑﺎﺵ ﻧﻀﺮﺑﻚ ﻧﻘﺘﻠﻚ ﻭ ﻧﻤﺸﻲ ﻧﺮﺟﻊ ﻟﺤﻴﺎﺗﻲ ﺍﻟﻲ ﺳﺮﻗﺘﻬﺎ ﻣﻨﻲ ﻧﺮﺟﻊ ﻟﺤﻴﺎﺗﻲ ﻟﻌﺎﺩﻳﺔ
ﻫﺎﺭﻭﻥ : ﻣﻢ ﺑﺎﻫﻲ ﺍﺿﺮﺏ
ﻛﺒﺴﺖ ﻳﺪﻫﺎ ﻋﺎﻟﺴﻼﺡ ﺣﻄﺖ ﺻﺒﻌﻬﺎ ﻏﻤﻀﺖ ﻋﻴﻨﻬﺎ ﻭ ﺿﺮﺑﺖ .. ﺣﻠﺖ ﻋﻨﺎﻫﺎ ﻛﻲ ﻣﺴﻤﻌﺖ ﺣﺘﻲ ﺣﺲ ﻋﺎﻭﺩﺕ ﻧﺰﻟﺖ ﻟﻴﻦ ﻋﺮﻓﺖ ﺍﻟﻲ ﻫﻮ ﻓﺎﺭﻍ ﻫﺰﺕ ﺭﺍﺳﻬﺎ ﺗﺨﺰﺭﻟﻮ ﻛﻔﺎﻩ ﻣﺎﺷﻲ ﻭ ﻳﻘﺪﻣﻠﻬﺎ ﻭ ﻫﻲ ﺗﻮﺧﺮ ﻟﻴﻦ ﻟﺴﻘﺖ ﻓﻲ ﺍﻟﺤﻴﻂ ﺣﺼﺮﻫﺎ ﺑﻴﺪﻭ ﻃﺒﺲ ﻋﻼﻫﺎ ﻭ ﻗﻠﻬﺎ : ﻣﺮﺣﺒﺎ ﺑﻴﻚ ﻣﻌﺎﻧﺎ .. ﺑﺪﺍ ﻳﻬﺒﻂ ﻓﻲ ﺭﺍﺳﻮ ﻳﻘﺮﺏ ﻣﻦ ﺷﻔﺎﻳﻔﻬﺎ ﺗﺮﺧﻔﺖ ﺑﻜﻠﻬﺎ ﻭ ﻏﻤﻀﺖ ﻋﻨﺎﻫﺎ ﺑﻘﺎ ﻳﺨﺰﺭﻟﻬﺎ ﺿﺤﻚ ﻭ ﺑﻌﺪ ﻋﻼﻫﺎ .. ﺣﻠﺖ ﻋﻨﺎﻫﺎ ﺗﺨﺰﺭﻟﻮ ﺣﺸﻤﺖ ﻋﺎﻻﺧﺮ ﺑﻴﻨﺖ ﺭﻭﺣﻬﺎ ﺗﺤﺐ ﻋﻠﻴﻪ ﻣﺸﺎﺕ ﺗﺒﻊ ﻓﻴﻪ ﺍﻣﺎ ﻣﻦ ﺑﻌﻴﺪ ﺑﺎﺵ ﻣﻴﻀﺮﺑﻬﺎﺵ
ﻫﺎﺭﻭﻥ : ﺷﺪ ﻫﺎﺫﺍ ﺍﻣﺎ ﻣﻌﺒﻲ ﺭﺍﻭ ﻣﺶ ﻛﻲ ﻻﺧﺮ
ﺭﻭﺳﻠﻴﻦ : ﺭﺯﻳﻦ ﺑﺮﺷﺎ
ﻫﺎﺭﻭﻥ : ﺗﻮﺍ ﺗﺴﺘﺎﻧﺲ .. ﺍﻳﺠﺎ ﻟﻨﺎ
ﻣﺸﺎﺕ ﻭﻗﻔﺖ ﻗﺪﺍﻣﻮ ﻓﻤﺎ ﻣﺮﺍﻳﺔ ﻗﺪﺍﻣﻬﺎ ﺷﺪﻫﺎ ﻣﻦ ﺍﻛﺘﺎﻓﻬﺎ ﺩﻭﺭﻫﺎ ﻭﻗﻔﻬﺎ ﻗﺪﺍﻣﻬﺎ
ﻫﺎﺭﻭﻥ : ﺟﻴﺒﻬﺎ ﻓﻲ ﺭﺍﺳﻚ ﺑﺎﻟﻀﺒﻂ
ﻣﻦ ﻏﻴﺮ ﻣﺘﻨﺎﻗﺸﻮ ﻫﺰﺕ ﻳﺪﻫﺎ ﺗﺮﻋﺶ ﻭﺟﻬﺘﻬﺎ ﻟﻠﻤﺮﺍﻳﺎ ﻏﻤﻀﺖ ﻋﻴﻨﻬﺎ ﻭ ﺿﺮﺑﺖ ﺣﻠﺖ ﻋﻨﺎﻫﺎ ﻟﻘﺎﺕ ﻭﺍﺣﺪ ﻣﻦ ﺭﺟﺎﻟﻮ ﻃﺎﻳﺢ ﻗﺪﺍﻣﻬﺎ ﻣﻀﺮﻭﺏ ﻃﻴﺸﺖ ﺍﻟﺴﻼﺡ ﻣﻦ ﻳﺪﻫﺎ ﻭ ﺟﺎﺕ ﺑﺎﺵ ﺗﻤﺸﻴﻠﻮ ﺍﻣﺎ ﻫﺎﺭﻭﻥ ﺷﺪﻫﺎ
ﻫﺎﺭﻭﻥ : ﺷﻨﻮﺓ ﺗﻘﺘﻞ ﻭ ﺑﻌﺪ ﺗﻤﺸﻴﻠﻮ ﺗﺠﺮﻱ ؟
ﺭﻭﺳﻠﻴﻦ : ﺗﻲ ﻣﻨﻴﻦ ﺟﺎ ﻫﺎﺫﺍ ﻭ ﻻ ﻻ ﻣﻘﺘﻠﺘﻮﺵ
ﻫﺎﺭﻭﻥ : ﺷﻮﻑ ﺗﻮﺍ ﻻﺯﻣﻚ ﺗﻌﺮﻑ ﺣﺎﺟﺘﻴﻦ ﻳﻌﻨﻲ ﻟﻮﻻ ﻣﻌﺎﺍﺩﺵ ﺗﻐﻤﺾ ﻋﻴﻨﻚ ﻛﻲ ﺗﺠﻲ ﺗﻀﺮﺏ ﻫﺎﻙ ﺷﻔﺖ ﺍﺵ ﺻﺎﺭ ﺛﺎﻧﻲ ﺣﺎﺟﺔ ﺍﻟﺨﻮﻑ ﻫﺎﺫﺍ ﺗﻨﺤﻴﻪ ﻣﺎﻛﺶ ﺑﺎﺵ ﺗﻨﺠﻢ ﺗﻌﻴﺶ ﻣﻌﺎﻩ
ﺭﻭﺳﻠﻴﻦ ﻏﺰﻟﺖ ﻛﺒﺴﺖ ﻋﻠﻲ ﻳﺪﻫﺎ ﻫﺒﻄﺖ ﻓﻴﺴﻊ ﻫﺰﺕ ﺍﻟﺴﻼﺡ ﻭ ﻭﺟﻬﺎﺗﻮ ﻟﻴﻪ : ﺍﻧﺖ ﻻﺯﻣﻚ ﺗﻤﻮﺕ
ﻫﺎﺭﻭﻥ : ﺑﻔﻒ ﺍﻟﺒﻬﻴﻤﺔ ﻫﺎﺫﻱ ﺍﺵ ﺑﺎﺵ ﻳﺴﻠﻜﻬﺖ ﺑﺮﺍ ﺗﻀﺮﺏ ... ﻫﻮ ﻛﻤﻞ ﻛﻼﻣﻮ ﻭ ﻫﻲ ﻧﺰﻟﺖ ﺍﻣﺎ ﻣﺴﻤﻌﺘﺶ ﺣﺲ ﻃﻠﻊ ﺣﺎﻃﻂ ﻏﻴﻪ ﻛﺮﻃﻮﺷﺔ ﻭﺣﺪﺍ ﺍﻟﻬﻢ ﺩﻳﻤﺎ ﺣﺎﺳﺐ ﻛﻞ ﺷﻲ
ﻫﺎﺭﻭﻥ : ﻣﺶ ﻣﻌﺎﻳﺎ ﺍﻟﻲ ﺗﺤﺐ ﺗﻌﻤﻠﻮ
ﺣﺎﺳﺔ ﺭﻭﺣﻬﺎ ﻓﺎﺷﻼ ﻃﻴﺤﺖ ﺍﻟﺴﻼﺡ ﺍﻟﻌﺮﻕ ﻳﻘﻄﺮ ﻣﻦ ﺟﺒﻴﻨﻬﺎ ﺍﻟﻨﻔﺲ ﺗﺠﺒﺪ ﻓﻴﻪ ﺑﺴﻴﻒ
ﺭﻭﺳﻠﻴﻦ : ﻧﺠﻢ ﻧﻤﺸﻲ ﻧﺮﺗﺎﺡ
ﻫﺎﺭﻭﻥ : ﺑﺎﻫﻲ ﻓﻲ ﺍﻟﻠﻴﻞ ﻋﻨﺪﻙ ﺍﻭﻝ ﺧﺪﻣﺎ ﻛﻮﻥ ﺣﺎﺿﺮﺍ .. ﻛﻤﻞ ﻛﻼﻣﻮ ﻃﻠﻌﺖ ﻟﺒﻴﺘﻬﺎ ﺭﻗﺪﺕ ﻣﺎﻟﺘﻌﺐ
ﺷﻴﻤﺎﺀ : ﺍﻧﺖ ﺩﺧﻞ ﻭﺣﺪﺍ ﺟﺪﻳﺪﺍ ﺗﺨﺪﻡ ﻣﻌﺎﻧﺎ ﻫﻪ ﺍﺵ ﻓﻤﺎ ؟؟
ﻫﺎﺭﻭﻥ : ﻋﻼﻩ ﻧﺴﻴﺖ ﺍﺵ ﺻﺎﺭ ﺁﺧﺮ ﻣﺮﺓ ﻭ ﺍﻧﺖ ﻭﺣﺪﻙ
ﺷﻴﻤﺎﺀ : ﺑﺎﻫﻲ ﻭ ﻭﺍﺛﻖ ﻓﺎﻫﺎ ﻫﺎﺫﻱ
ﻫﺎﺭﻭﻥ : ﺗﻨﺠﻢ ﺗﻘﻮﻝ
ﺷﻴﻤﺎﺀ : ﺍﻱ ﻭ ﺗﻌﺮﻑ ﺗﺨﺪﻡ
ﻣﺎﺯﻥ : ﺗﻲ ﺷﺒﻴﻚ ﻛﺒﺸﺖ ﻣﺤﺴﻮﺏ ﺍﻧﺖ ﺩﺧﻠﺖ ﺗﻌﺮﻑ
ﻫﺎﺭﻭﻥ : ﻭﻳﻨﻚ ﺍﻧﺖ ﺣﻘﺎ ﺍﻟﺒﺎﺭﺡ ﻃﻠﺒﺘﻚ ﻗﺪﺍﻩ ﻣﻦ ﻣﺮﺓ
ﻣﺎﺯﻥ : ﻣﻤﻤﻬﻬﻪ ﻃﺤﺖ ﺑﺴﻴﻔﺖ ﻛﻌﺒﺎ ﺟﺎﺕ ﺟﺪﻳﺪﺍ ﻋﺎﺩ ﺭﻭﺡت ﺑﺎﻫﺎ
أنت تقرأ
احببت شيطان 💥🔥♥️
Paranormalبنات جبتلكم كرونيك كيما تحبوهاجريئة و مافيا 🔪💣💵 بالطبيعة كرونيك نار يا لبنات تونسي محرحر هيا يا لبنات لحلقات على بضو وربي يقوي السعود من توا : +جام على كل حلقة تقروها باش نعرف شكون قاعد يتبع فيها بربي ركزو عالتعلقات موش كي نقعد ساعة منهبطتش تخرج...
