فادي عمللو براسو باش يبعد الغطا ..بعد الطبيب هارون غمض عينو جبد النفس و تبسم دار عنق هزار يضحك
هارون: مش هو
فادي : ففف ايا باهي
الطبيب: مم باهي تفضلو معايا رجع غطاه هوما جاو باش يمشيو و هزار تكلمت : لا لحظة ..بقاو لكلهم يخزرولها
هارون: هزار عزيزتي مش هو مش آزر
الطبيب: متأكدين مسيو
فادي: ياخي باش يغلط في ولدو
هزار: هارون نفس الدبش الي كان لابسهم آزر
الطبيب: يمكن تشابه و اكهو
هزار: لا انا خترتهملو منغلطش فيهم و زيد شوف البراسلي الي في يدو لبسوهالو في السبيطار شوف مكتوب فاها اسمو آزر العياشي و زيد مكتوب الي مولود في الشهر الثامن
فادي: باينا لعبة ملعوبة
الطبيب: مدام متأكدا كش هو
هزار: اي مش هو آزر شعرو اشقر و هاذا اكحل و زيد نعرفو مش باش نغلط فيه
طلعو لفوق و خرجو
هارون: هزار اركب في الكرهبة انت
مشات ركبت و بقات تستنا تخزرلو يحكي مع فادي حطي يدها عالبلار باين تاعب غمضت عناها و
يحكي مع فادي و يسمع كان حاجة قوية طرشقت وراه دار يلقا كرهبتو شاعلا الكلها بالنار ..وقف في بلاصتو حالل فمو الناس مشات تجري طفي فاها حتي فادي مشا يجري كان هارون بقا في بلاصتو يخزر.لين جا الحرس و الحماية و هوما اصلا قدام الصبيطار طفو الكرهبة بدا يمشي و يقرب بالشوية يخزرلهم مخرجين بدن محروق بكلو مش باين شي حطوها عالقاعة و غطوها قربلها يدها خارجا من تحت الغطاء يخزر للخاتم الي في يدها خاتمها هي متاع عرسهم
فادي: هاارون!!!!
هارون: ك..كفاه ..شنوة صار
فادي: هارون قوم ابعد منا فيسع
هارون: سيبني هزار هزار ويني
فادي: هارون ابعد يزي متعملش هكا
هارون: لا لا
..رجع هبط بحذاها شدلها يدها لكلها محروقة دموعو هبطو يزي متقوا يزي مبقا واقف في كل المواقف اما هاذي لا يبكي تقول طفل صغير ضاع علي امو
هارون: هزااار لاا هزار قوم توا نلقاو ولدنا قوم
فادي: يبعد فيه و هو يرجع يقعد بحذاها
لين جاو الحرس يبعدو فيه زادا قربلها فيسع خذا الخاتم من يدها و بعدوه ...وصلو للدار خرج فادي مشا لتيمور و هو بقا في الكرهبة يخزر ساكت عينيه حمر في يدو طربوشة ولدو و خاتم مرتو هو الي وصل روحو كان ينجم يعيش حياة عاديا اما هو جابها لروحو خزرلهم يعني هاذا اش بقالو من اكثر ناس يحبهم هز راسو وقتلي سمع صياح نور حتي هي مبقالها حد كيفو قضا علاها و علي روحو هبط مالكرهبة يمشي بسيف تقول شارب حاجة قربلها يستني فاها باش تجي تضربو و تصيح عليه اما خزرتلو قتلو كلام زاد كمل عليه
نور: قتلي هي قتلي الي النهار الي لازم تفرح فيه باش تموت فيه علاه يا هارون علاه اش عملتلك ..تيمور هبط قومها و دخلها للدار و هارون باقي ساكت
فادي: هارون يزي مزاللك ولدك لازمك تلقاه
هارون: و كي نلقاه و يموت حتي هو
فادي : يزي متحكيش هكا
هارون: سيبني ..مشا يمشي في الشرع وحدو لين وصل للبحر البلاصة الي عطاها فاها الخاتم و نفسها البلاصة الي ختارو فاها اسم ولدهم نحا جاكاتو و بدا يدخل للبحر بالشوية
أنت تقرأ
احببت شيطان 💥🔥♥️
Paranormalبنات جبتلكم كرونيك كيما تحبوهاجريئة و مافيا 🔪💣💵 بالطبيعة كرونيك نار يا لبنات تونسي محرحر هيا يا لبنات لحلقات على بضو وربي يقوي السعود من توا : +جام على كل حلقة تقروها باش نعرف شكون قاعد يتبع فيها بربي ركزو عالتعلقات موش كي نقعد ساعة منهبطتش تخرج...
