تيمور : ااا هاو هارون وصل ..وقف الكرهبة هبط شدها من يدها يكركر فاها و رماها قدامهم
نور: خالتي شبيكك لباس ياخي هارون
هارون: اسئلها اذا هي لباس ولا لا
نور: ولله متشوف علي عملتو
فادي: شكون هاذي
هارون: هي الي هزاتو مالصبيطار و خباتو عند بنتها
نور: خالتي شفما شنوة الي يحكي فيه
منال تخزر تقول مش فاهما شي
فادي: اي لقيتو معناها
هارون: لا بنتها لقيناها مقتولة و هو مفماش
تيمور: فما طفل لقاو مم..مم
هارون: شنوة اش لقيتو ؟؟
فادي: فما طفل عمرو يعمل نهار لقاوه ميت
هارون: اي شكون قلكم هو
فادي: اي اذاكا علاه جيتك باش تمشي تشوفو
منال: ههههه ولدك مات ههههه مات قتلتلي بنتي و قتلولك ولدك ههههه
نور دزتها بعدتها علاها منال قامت تجري و دخلت للدار خلط وراها هارون و نور
منال: ياا هزاار وينك ولدك مات هههه ولدك لقاه ميييت وينك
نور: خالتي اسكت يزي اخرج توا مالدار
هزار خرجت ترعش بكلها: اش فما هارون لقيتو؟!
منال: ههه اي لقاه
هزار: هههه بالحق ؟!!
منال: ههه اي لقاوه ميت ايا حضر روحك باش نمشيو ندفنوه ايا فيسع
نور: خالتي اسسكت و اخخرج ..بدات دز فاها و منال تعيط : مااات مااااات ربي خذالي حقي ولدك مات يا هزار نشالله متشوفش نهار يفرح في حياتك كيف متشويت نشالله تتشوا علي ولدك ..هزار حطت يدها سكرت وذناها و طاحت تبكي
هزار: ماات
مشالها هارون يجري قومها : هزار لا مماتش هي تكذب عليك
هزار: لاا ماات
هارون: باهي استنا توا نمشيو نشوفو و يطلع مش هو توا تشوف
حملها يسكت فاها شافت الطربوشة الي في جيبو مدت يدها جبدتها : متاع آزر هاذي منين جبتها كان لابسها وينوو؟
هارون: اا اي توا نلقاوه
هزار: منين جبتها هاذي
هارون: هزار هو كان ...سكت منجمش يقلها ااا اذيكا شريتها انا تلقاها تشبه للي لابسها
هزار : لا فاها ريحتو هي منغلطش فاها
نور: هزار عزيزتي اكيد مش باش يطلع هو
هزار: شكون ياخي عرفتو حاجة؟؟
نور سكتت و خزرت لهارون
هارون: عزيزتي لقاو طفل لازمنا نشوفوه هو ولا لا
هزار: ويين لقاوه؟؟
هارون: هيا نمشيو ساعة ..قوموها و خرجو ركبت هزار و هارون في كرهبة و مشاو
فادي: انا لازم نمشي معاهم ..ركب في كرهبتو و مشا
نور: زعما يطلع
تيمور: اما خالتك يطلع منها
نور: وين مشات
تيمور: نعرش مشات تعيط منا
نور: فف كان تحب ادخل استنا لداخل لنا باردا عليك
تيمور: لا هاني لنا
نور : باهي ...
هزار: ياخي شبينا جينا لنا ملقاوهوش لباس عليه علاه الصبيطار
هارون: ايجا نهبطو توا نفهمك
هبط هو وياها خلط فادي و دخلو مع بعضهم هبطو لطاق تحت الصبيطار
الطبيب: تفضلو معايا ..بقاو يتبعو فيه لين دخل لبيت باردا عاللخر لكلها ناس مغطية ...تمشي شادتلو يدو كابسا علاها ترعش بكلها لين وقفو قدام بدن صغير مغطي بالأبيض
أنت تقرأ
احببت شيطان 💥🔥♥️
Paranormalبنات جبتلكم كرونيك كيما تحبوهاجريئة و مافيا 🔪💣💵 بالطبيعة كرونيك نار يا لبنات تونسي محرحر هيا يا لبنات لحلقات على بضو وربي يقوي السعود من توا : +جام على كل حلقة تقروها باش نعرف شكون قاعد يتبع فيها بربي ركزو عالتعلقات موش كي نقعد ساعة منهبطتش تخرج...
