تيمور: نور ارخف عليه شوية الكرهبة سخونة ...نور نور تسمع فيا
شاردا تخزر في عالم آخر كان ممسها من كتفها باش فاقت
تيمور: قتلك نحيلو الغطاء شوية الكرهبة سخونة
نور: لا منحبوش يمرض هزار اكثر حاجة تكرها المرض
تيمور: متخافش كي نخرجو مالكرهبة غطيه بالباهي
نور: منجمش نخزر لوجهو يشبهلهم عاللخر
تيمور بقا ساكت مزالت تاعبا هي زادا كمل يسوق لين وصلو هبطت حللها الباب و دخلت للدار
نور: باش تروح توا
تيمور: ااا اي كان ستحقيت حاجة اطلبني
نور : باهي ..
خرج تعدات الليلا و بعدها ليالي لين تعدا شهر مالكارثة
قام الصباح تعدا طمان علي نور و هارون و مشا للشركة لقاها خايضة
تيمور: اش فما
فادي: منعرش قلك هارون كان كاتب املاكو الكل لهزار و توا كي ماتو قالو باش تاخذهم الدولة كان مبعناهمش
تيمور: شنوة؟؟ اي و ولدو
فادي: منعرش
تيمور: ولله كي يموتو لا تاخذهم الدولة .خل للبيرو لقا المديرين الكل غادي
تيمور : اش فما لنا
_سي تيمور املاك سي هارون توا بعد وفاتو تمشي للدولة ولا تتباع
تيمور: اي عندو ولدو توا لازم ياخذهم هو
_سي تيمور في العقد الي كاتبو هو الكل لمرتو
فادي: العقد عملو قبل متعرف هزار الي هي حبلا
تيمور: فففف زح هالنهار اش باش نعملو
فادي: انا و انت و مازن منجموش نشريوها ممنوع عليا اش باش نعملو غير نبيعوها لواحد آخر
تيمور: زح تعب عليهم و بعد يجي واحد يشريهم تعرش كفاه بيعهم اصلا المشاكل الكل مالفلوس
فادي : هاو واحد تونسي اسمو غسان قال الي هو يحب يشريهم الكل
تيمور: الكل ؟؟؟ تي كي بيع بلاد كاملا ميجيبش حق شركة وحدا
فادي: منعرش ايا انا ماشي توا
تيمور: كي العادة؟؟
فادي: لآخر نهار في حياتي باش نبقا كل يوم نمشي لقبرهم
تيمور: مم باهي
فادي مشا و تيمور قعد يتفاهم معاهم عالخدمة : لازم نقابلو الي باش يشري
_سي تيمور قال اول متبيعولو يجي و يبدا يخدم فيهم اصلا قال الي هو باش يخدم في اكبر شركة فيهم الي في استراليا
تيمور: اسمع راسي تكسر تفاهم معاه انت انا مروح
قام روح و مشا لنور حل الباب اصلا عطاتو المفتاح و دخل يسمع في هارون يبكي مشا لقاه في الصالة حملو يسكت فيه
تيمور: ننووور يا نور وينك
نور: تيمور سكت امان هارون هاو نحضرلو في حليبو
تيمور : باهي ..بقا يمشي و يجي بيه محبش يسكت لين تلفونو نوقز جبد لقاه ميساج مالخدمة رجع عليهم جا باش يحط تلفون شاف هارون كفاه سكت يخزر لتلفونو فيبالو كي الصغار الكل يحب يلعب بيه قربهولو شافو كفاه حط صبعو الصغير المبلول كان حاطو في فمو يعدي فيه عالإكرون و يتبسم جا باش يحطلو غناية دور التلفون ليه هارون رجع يبكي تيمور بقا يخزر للتلفون تذكر الي هو حاطط تصويرت هارون فالإكرون عاود دورها لهارون سكت معادش يبكي و رجع يعدي في صبعو عالتصويرا
نور: ههه كي جاتك نجمت تسكتو مرة ..تيمور ياخي تبكي شبيك ؟؟
مسح دمعتو الي هبطت فيسع و مدلها هارون
تيمور: لا لا شي
نور حملت هارون و بدات تشرب فيه في الحليب : لا قلي شبيك
تيمور: وريتو مرة تصويرة هزار ولا هارون
نور هبطت راسها ذكرها في وجيعتها : ممم تصيرا لا اما كي ميحبش يسكت نحط بحذاه مريول هزار يسكت
تيمور: مم باهي
أنت تقرأ
احببت شيطان 💥🔥♥️
Paranormalبنات جبتلكم كرونيك كيما تحبوهاجريئة و مافيا 🔪💣💵 بالطبيعة كرونيك نار يا لبنات تونسي محرحر هيا يا لبنات لحلقات على بضو وربي يقوي السعود من توا : +جام على كل حلقة تقروها باش نعرف شكون قاعد يتبع فيها بربي ركزو عالتعلقات موش كي نقعد ساعة منهبطتش تخرج...
