طفاتو و دخلت للكوجينة بدات طيب ..هارون بقا ممدود منجم يعمل شي بقا يخزر للسقف لين حس مريولو مبلول هز راسو شوية يخزر يلقا آزر مزال راقد ولا رجع تكا و نسا الحكاية
هارون: هزاااار
هزار : شنوة هارون
هارون: ايجا هز آزر ضهري وجعني نحب نقوم
هزار: اي حملو و حطو في فرشو
هارون نفخ هز يدو بالشوية يحب يحملو يقرب يدو و يبعدها خايف لا يعملو حاجة حط يدو علي ضهرو شد ضحكتو يدو الكل جات قد ضهرو هز يدو الأخرا حملو بالشوية و قام
هزار: هههاااا هارون هكا محملو
هارون: اي شبيه
هزار : هارون محمل ولدك راو مش هازز دبوزة في يدك هزو بيديك الزوز
هارون: اي هو بالحق قد الدبوزة
هزار: هاتو يي فيقتو ..خذات حملاتو شبعت فيه بالبوس
هزار: مم شنوة الريحا هاذي
هارون: اي من بكري نشم فاها
هزار: ااا ههههه مم لازم نبدل لآزر
هارون: علاه شبيه
هزار: باش نبدللو الكوش متاعو شنوة شبيه ..مشات شوية و رجعت : ااا عزيزي حتي انت بدل مريولك
خزر لروحو يلقا مريولو الكل مبلول الريحة الكل جايا منو ...مشا طلع للبيت دوش و بدل دبشو
طلعت هي بدلت لولدها و هبطاتو معاه سيبت العشا و بقات تلعب معاه آزر تقول فهم الي هي امو ملي فاق و خو يضحك شايخ
هارون: كملت طيبت
هزار: ممم لا كمل انت هارون امان
هارون: اناا؟؟ علاه شبيك انت
هزار: هه لاهيا بآزر إيجا معانا
هارون مشا رما روحو بحذاها ..آزر كان يلعب مع هزار شاف هارون ولا يبكي يحب يمشيلو
هارون: هه باعك
هزار: هاك حملو محسوب توا نجيب بنتي و نلعب انا وياها
هارون: ههه تجيب شكون ؟؟
هزار: ابقاو فاها ..قامت رجعت للكوجينة عاملا فاها متغششة هارون بقا محمل آزر و يدغدغ فيه بلحيتو و هو عاد ضحكتو معبية الدار الكل
هارون: ممم ماما تغششت هاو عندي فكرة قام حملو و مشا للباب
هارون: هزار احنا خارجين
هزار: وين ماشين
هارون: هه بو و ولدو انت ابقا استنا بنتك بااي
هزت الدبوزة و ضرباتو في ضهرو : براو ولله متشوف يا هارون ...سكر الباب و راه و ركب في الكرهبة يسوق و آزر في حجرو
هارون: اركح راك باش دخلنا في حيط مم هاو وصلنا ..لف عليه و هبط دخل للمڨازان حطو في الشاريو و مشا
أنت تقرأ
احببت شيطان 💥🔥♥️
Paranormalبنات جبتلكم كرونيك كيما تحبوهاجريئة و مافيا 🔪💣💵 بالطبيعة كرونيك نار يا لبنات تونسي محرحر هيا يا لبنات لحلقات على بضو وربي يقوي السعود من توا : +جام على كل حلقة تقروها باش نعرف شكون قاعد يتبع فيها بربي ركزو عالتعلقات موش كي نقعد ساعة منهبطتش تخرج...
