(الجزء الثاني )
واقفا علي قبرها ..تنهدت غمضت عناها تمنت لو كان جات معاها مشات و خلاتها
منال: هيا عيش بنتي ادعيلها بالرحمة
نور: ولله يا خالتي لتوا مشوية علاها علاه مشات و خلاتنا
منال: اذاكا ربي اش حب
نور: اما هي مزالت صغيرا علاه متحملتش حتي شوية لين نوصل
منال: ربي يرحمها هيا نمشيو الدنيا برد ..حطت الورد علي قبرها مسحت عليه و دموعها هابطين
منال: يا نور علاه تعمل في روحك هكا
نور: توحشتها ولله توحشتها يا خالتي نحب نشوفها راهي ماتت وحدها ممعاها حد
منال: هيا عيش بنتي .....شدتها من يدها و خرجو مالجبانة روحو نور بعد الي صار و فقدت اعز معندها جات بحذا خالتها في ألمانيا و خلات كل شي وراها وصلت خالتها للدار و كملت طريقها تعدات شرات شوية قضيات و مشات للدار
حلت الباب حطت القضيات في الكوجينة و مشات تلوج علاها
نور: هزاار روروو وينك ايجا
قاعدا بحذا شباك بيتها تقرا في كتاب و تمسح علي كرشها الي كبرت لين سمعت اختها تعيط حطت الكتاب و قامت تمشي بسيف خرجتلها
روسلين: نور جيت شبيك بطيت
نور: ماو قتلك باش نتعدا نرحن علي امي
روسلين: شريتلي الي قتلك عليه
نور: اي يا للا شريتلك انا عمري مشفت وحدا تتشها في الشهر السابع ههه اش تاكل
روسلين: خمس و خميس علي ولدي جاي لخالتو كان الماكلا
نور: فيبالك مزللك شهر و تولد و احنا مخترناش الإسم
روسلين: منعرش مزال بكري
نور: معندكش اسم في مخك
روسلين: لا ديما نشوف اسامي و ميعجبونيش
نور: توا هو ماو وليد سميه نور هعهه نوليو زوز
روسلين: ههه سمي ولدك نور انا ولدي باش نختارلو اسم وحدي
نور: متقليش هارون بركل ...نور قلتها بتفدليكا اما شافت وجه اختها كفاه تبدل
نور: هزار عزيزتي نفدلك معاك
روسلين: باش نمشي لبيتي نرتاح سكر الباب كي تخرج
نور فدت كفاه جبتلها عليه اصلا هي سبعة شهر كل متسمع اسمو تبدي تعيط و تكسر لمة القضيات و خرجت باش ترجع بحذا خالتها ..سمعت تلفونها هزت طول
نور: اهلا مؤمن اش فما
مؤمن: اهلا نور لباس
نور: لباس عيشك انت لباس
مؤمن: لباس كلمتك باش نقلك مممم في الحقيقة حاجتي بطرف فلوس
نور: اي اكيد قداه تحب توا نبعثلك
مؤمن: ولله تغصرت اذاكا علاه
نور: مؤمن مش قتلك معادش تحكي هكا راك انت الي منعتلي اختي مالموت كان مخرجتهاش من غادي وقتها الله اعلم اش كان باش يصير فاها
مؤمن: اصلا انا كي شفتو خرج وخلاها طول مشيت هزيتها من غادي من غير منخمم
نور: باهي توا نبعثلك كي العادة حقا اش عامل هو
مؤمن: كي العادة متبدل شي
نور: نشالله يموت يستاهل
مؤمن: ولله ولا يسخف ساعة
نور: ميهمنيش ايا توا وصلت للدار توا العشية نبعثلك
مؤمن: باهي عيش اختي باي
علقت عليه مؤمن واحد من رجال هارون هو الي خرج روسلين مالڨراج و هزها للكلينيك خلط في آخر دقيقة تلهاو باها الطبا هي و الصغير الي قعد عايش بعد متحسنت شوية هزتها اختها و هربت هي وياها لألمانيا بحذا خالتهم
نور: خالتي يا خالتي وينك
منال: نور جيت فما شكون في الصالة يحب يقابلك
نور: يقابلني انا ؟؟ شكون ..دخلت للصالة طلعلها الدم لراسها ملي تشوف فيه
نور: بجاه ربي اش تعمل لنا انت
خليل : هكا تحكي معايا لازمك تقدرني راجل اختك راني
منال: بنيتي مش سمعت بيه دخل لصبيطار المهبلا هاذا
نور: حتي انا فيبالي هكا مفهمتش كفاه خرج
خليل: خرجت باش نهز مرتي و ولدي
نور: فاش تخرف انت
خليل: هزار مرتي و الي في كرشها ولدي
منال: لا هاذا صايي ولا يخرف
خليل: و انت للا نور باش تعاونا نحضرو لعرسنا
نور: ههه تحلم و ابعد علي اختي مش ناقصتك
خليل: كان متقنعهاش تعرس بيا شفتها خالاك الي واقفا بجنبك نبعثها بحذا امك تعرفني نعملها و نبعث معاهم هزار و الأهم سي تيمور الي بيتك معبيا بتصاورو و وقتها ابقي انت وحد لنا
أنت تقرأ
احببت شيطان 💥🔥♥️
Paranormalبنات جبتلكم كرونيك كيما تحبوهاجريئة و مافيا 🔪💣💵 بالطبيعة كرونيك نار يا لبنات تونسي محرحر هيا يا لبنات لحلقات على بضو وربي يقوي السعود من توا : +جام على كل حلقة تقروها باش نعرف شكون قاعد يتبع فيها بربي ركزو عالتعلقات موش كي نقعد ساعة منهبطتش تخرج...
