نور: برا زيد احكي معاها ..قام طلع للبيت لقاها تلعب مع آزر مشا قعد قدامها
هزار: اسمع حكاية بكري معادش تعاودهالي اذا كان متحبهمش توا نمشي منا
هارون: هزار مش حكاية منحبهمش يا روحي خايف عليك
هزار: لبااس عليا انتوما تكبرو فاها
هارون: هزار الطبيب قال مش احنا
هزار: لا توا نتلها بروحي و ميصير شي
هارون: الطبيب باش يقول حاجة مش متأكد منها
هزار بدات تبكي : منحبش نحيهم
هارون قربلها عنقها : فيبالك انا نحب اما منجمش نخسرك انت
هزار: لا منحبش
هارون: هزاار ؟!
هزار: قتلك لا
هارون: و انا قتلك اي تعرفني كي نقول حاجة نعملها
هزار: لا و متنجم تعملي شي اخرج عليا
هارون: خمم في آزر قبل كل شي ..و خرج و خلاها ..حملت ولدها عنقاتو و بدات تبكي : شبيهم الكل قالو صايي باش نموت مينجموش يقولو حتي كلمة باهيا
منحبش نخليك و هوما زادا منحبش نخليهم الكلكم صغاري ..حطاتو بحذاها بقات شوية و دخلت خالتها في يدها طبق
هزار: خالتي اش فما
منال: لا شي جبتلك دواك
هزار: دواء شنوة
دخل هارون وراها : دواء عطاهولك الطبيب ..ااا باش معادش دوخ
منال: هيا هاك اشرب ..خذات من عندها الكاس و الحربوش ..منال وجها اصفر و هارون يخزرلخا يحب يقلها نحي متشربش اما مينجمش ..حطتها في فمها و شربتها
منال: ايا ارقد ارتاح توا
تكات علي جنبها غطاتها خالتها و رقدت هارون بقا يخزرلها و بعد خرج خبطو للصالة
منال: ساعة و يوفا كل شي نشالله تسامحنا
نور: ولله لا تنساها العملا هاذي افف
هارون بقا بعيد عليهم يخزر مش مصدق الي عملو زعما باش تنسا ...تعدات نص ساعة قاعدين في الصال لين سمعو صياح هزار
نور قامت مفجوعة : شبااها ؟
منال: يمكن مالدواء ..هارون طلع يجري لقاها في الفرش شادا كرشها آزر بحذاها يبكي مشالها يجري هزها شوية
هزار تبكي : ااااااي هارون اش عملتو
هارون: هزار شنوة تحس في روحك
هزار: سيبنيييي
حملها فيسع و هبط باها يجري
هارون: نور آزر الفوق يبكي وحدو امشيلو
خرج حطها في الكرهبة من تالي ركبت معاها خالتها و مشاو
هارون: علاه الوجيعة هاذي الكل
منال: ولله منعرف الطبيب قلي من غير وجيعة
هزار دز في خالتها تبعد فاها علاها : ابعد ولله تصيرلهم حاجة لا نسامح واحد فيكم خاصة انت هارون
هارون وجعو كلامها كمل يسوق يزرب و هي قريب تموت من تالي وصلو للكلينيك هبطها فيسع و دخلوها الطبا
هارون يمشي و يجي : افف كفاه عملنا هكا
منال: توا الي صار صار نشالله تخرج لباس
هارون: الكلو مني كان تصيرلها حاجة
منال: يزي متقولش هكا توا تقوم لباس ..بقاو يستناو لين خرج الطبيب
هارون: مرتي لباس
الطبيب: سي هارون مرتك شاربا الدواء باش طيح الصغير و الدواء اخطر ببرشا مالعملية
هارون: اي هي توا لبااس؟؟
الطبيب: اي جبتوها في الوقت اما الصغير مش راكح لازمها ترتاح بعد الي صار مفهمتش طفاه خليتوها تشربو
هارون: ففف الطبيب متاع المرة الي فاتت هو قال لازم تنحيهم
الطبيب: علاه تنحي فيهم كل شي كان لباس قبل متشرب الدواء
هارون: اي هي مزالت صغيرا اما هو قال الي باش يقتلوها
الطبيب: صحيح هي مزالت صغيرا اما باش يتعبوها و اكهو اش موصلنا للموت
منال: هاو الطبيب متاع المرة الي فاتت قال هكا
الطبيب: عرفتو الطبيب الي تحكيو عليه اذاكا جاو شدوه بكري برك خاطر يكذب عالمرضي و يعطي في الدواء بالغالط قتل برشا ناس في جرتو
هارون: فف نجم نشوفها
الطبيب: سمحني قتلي ميدخل حد و راحتها اهم خاطرها تاعبا
مشا و خلاهم
هارون: اش كنا باش نعملو ؟
منال: ربي ستر الحمدلله خليني نطمن نور
أنت تقرأ
احببت شيطان 💥🔥♥️
Paranormalبنات جبتلكم كرونيك كيما تحبوهاجريئة و مافيا 🔪💣💵 بالطبيعة كرونيك نار يا لبنات تونسي محرحر هيا يا لبنات لحلقات على بضو وربي يقوي السعود من توا : +جام على كل حلقة تقروها باش نعرف شكون قاعد يتبع فيها بربي ركزو عالتعلقات موش كي نقعد ساعة منهبطتش تخرج...
