جا الليل حضرو الزوز شيماء وصلت زادا ملي جات و هوما يحكيو جابت معاها بنتها
هزار: يي احكيلي عندي برشا مشفتكش
شيماء: هه ولله مازن قلي منجي كان منولد
هزار: ههه شنوة سميتها
شيماء : ياسمين
نور: اتلهاو بيا شوية باهيا هكا
شيماء: اي طلعت تهبل
نور: ياخي وينهم رجالكم
شيماء: مازن وصلني و قال عندو قضية
هزار: هارون هاو في الطريق
شيماء: هزار آزر ياخي العريس و مفيباليش
هزار: هه اش قولك في كوستيم ولدي
نور: راني باش ناكلو الليلا بعدو خير
هزار: هه ياكل راسك ااا هاذا اكيد هارون
هبطت تمشي بالسيف كي العادة بالطالون و آزر في حملتها حلت الباب بقا يخزر كل يوم تزيد تزيان لابسا روب في الروز فصيرا و طالعا تهبل علي بدنها الأبيض و مكياج كي العادة محلاها اكثر هبط عينو يخزر لولدو اش لابس طرشق يضحك
هارون: ههه هو باش يخطب و مفيباليش؟؟
هزار: هه توا جاي من بكري يبكي عليك
خذا حملو باسو من خدو و دخل للصالة
جات باش تسكر الباب عرضها تيمور
هزار: انت ؟؟ اؤدي شكون جبت معاك
تيمور: الي دخل توا و مازن يزي ولا نزيد
مازن: اهلا هزار
سلمت عليه : هه مازن ادخل انت
تيمور: اي و انا
هزار: جبت الشكلاطة
تيمور: اي
هزار: جبت الورد
تيمور: اي
هزار: شنوة لونو
تيمور: احمر
هزار: مش قتلك ابيض
تيمور: هزاار
هزار: هه باهي ادخل نفدلك عليك
مازن: هاذا ولدك
هارون: حسب رايك
مازن: هه اي يشبه لهزار عاللخر
هارون: لا ساعة طالع كيفي
تيمور: ممم شوف اكا ...اا اي هه كي بوه محلاهم الزوز
هارون: ولله كان كملت جملتك راك شفت
هزار: اش فما
هارون: لا شي ويني نور
هزار: هاي باش تجي باهي هاتلي ولدي توا خاطر انت جاي مع تيمور يعني لا نعرفك لا تعرفني اول مرة باش نشوفك
هارون: علاه هاذا الكل
هزار: ااا هام جاو هبطت شيماء محملا بنتها وقفت بحذا مازن و بعد هبطت نور تيمور حل فمو و خو يشوف فاها هابطا حس روحو باش يطرشق سخن بكلو ولا هبط راسو
عندها نص ساعة ملي هبطت قاعدين شيماء و هزار و نور في بنك كل وحدا ولدها في حجرها و الرجال مقابلينهم قاعدين ساكتين كان آزر و ياسمين يحكيو وحدهم
آزر: غغغغ
ياسمين: غغغغغننننننن غغن
آزر بدا يحكي متغشش : غغغغغن غغغغن
تيمور: تي سكتوهم
هزار: ااحم حل فمك سي تيمور علاه جاي
تيمور: مش نرمالمون بابا يجي معايا و انت في بلاصة امها يعني بابا يحكي مع امها
هزار: اي
تيمور: اي انا جبت هارون و مازن واحد فيه يتكلم معاك و اوكا تفاهمو في بعضكم
هارون و مازن يخزرولو و هو قلهم : اي تكلمو علاه جيتو
هارون: تكلم اا مازن
مازن: اه انا نعرف عليهم اش يقولو احكي انت
تيمور: اي قولو الي يجي امشيي
هارون: اي مازن في مقام بوه توا يحكي هو انطق انت
هزار: ممم اهلا بيك سي مازن
مازن: مرحبا بيك شرفتنا مدام هزار
هزار: في داري راو ...هارون و تيمور هبطو راسهم شايخين يضحكو
مازن: اي باهي اسكت نعرفوها دارك باهي احنا جينا باش ولدنا تيمور ياخذ بنتكم نور
هزار: مم هوا ميقولوش هكا اما ميسالش
تيمور: مبروك عليا
هارون: قوم لبسها الخاتم
تيمور: انا خاتم؟؟
هارون: مجبتش خاتم ؟؟
تيمور: وو نسيتو جملا من بالي ..يحكيو بالشوية مسمعهم حد مازن دور وجهو يضحك عليهم
هزار: اي تنجم تلبسها الخاتم
تيمور: اااا اي اي نلبسها اما قدامكم
هزار: اي
تيمور: مم باهي هارون هات الخاتم الي خليتو عندك
هارون: اه ؟! اا عطيتو لمازن كي جينا جايين
مازن: اش عطيتني ماو رجعتهولك في الكرهبة
هزار: عند شكون الخاتم
تيمور: عندهم هوما
هارون: ماو رجعناهولك
أنت تقرأ
احببت شيطان 💥🔥♥️
Paranormalبنات جبتلكم كرونيك كيما تحبوهاجريئة و مافيا 🔪💣💵 بالطبيعة كرونيك نار يا لبنات تونسي محرحر هيا يا لبنات لحلقات على بضو وربي يقوي السعود من توا : +جام على كل حلقة تقروها باش نعرف شكون قاعد يتبع فيها بربي ركزو عالتعلقات موش كي نقعد ساعة منهبطتش تخرج...
