تلبس في مريولها
هزار: هارون روحي قوم امان البس دبشك لازم نرجع
هارون: فف بات لنا و غدوة الصباح توا نوصلك
هزار: لا آزر ولله ميفيق رقد من غير منرضعو توا يفيق جيعان
هارون: انت ترضع فيه
هزار: مالا شكون قوم اماان
قام لبس دبشو و خرج هو وياها لقاو تيمور في وجهم
تيمور: مم فقت بيكم فاش كنتو تعملو
هارون: اش يهمك انت مش خليتك راقد
تيمور: ولله مسكين مازن رقد معنق مخدتو و انت لنا شايخ
هزار: اووه تيمور ليوم اكهو اصلا معادش باش نشوفو كان في العرس
تيمور: تنقص شهر منقولش
هزار: فف لا توا نقص جمعة
تيمور: هه باهي ايا تصبحو علي خير
هو مشا و هي ركبت هي و هارون في الكرهبة وصلها شبعو في بعضهم بوس في الكرهبة
هزار: يزي هارون سيبني
هارون: مم باهي آخر مرة
هزار: ههه لا ..حلت الباب و هبطت و مشات تجري لقات آزر مزال راقد ولات تمدت طول رقدت مالتعب
تعدات الجمعة لولا هارون كل ليلا يجي لهزار يمشيو يعملو الي يحبو و يروح باها مفاق حد هزار شافت كفاه شيماء من كثرت متوحشت مازن ولات تبكي و اختها زادا ولت طلبت هارون قتلو معادش يجاها
تعدات الجمعة الثانية و الثالثة و الرابعة لين تعدا شهر و جمعتين مزالو تلاثة ايام عالعرس
نور: البنات البناات البنات
شيماء: اش فما
نور: الأولاد اليوم عاملين حفلا في الدار متاع تيمور توديع عزوبية و لا شنوة قتلي الخديمة متاعو اكيد باش يجيبو بناات
شيماء: شنوةة بربيي ولله نقتلو
نور: هزار ياخي مسمعتنيش
هزار: سيبني نور
نور: شباها
شيماء: عندها نهارين تقوم ترد و ترقد
نور: هزار عزيزتي شبيك
هزار: لا شي توا نرتاح شنوة سمعت حفلة و بنات
نور: اي الأولاد اليوم عاملين حفلا و اكيد فاها بنات ..هزار قامت قريب لا طاحت داخت شدت روحها : شنوة اذاكا الي مزال
نور: شوف انا اش خممت هي في الليل علاه مندحموش نشدوهم غادي
شيماء: اي ولله اصلا الثمنية توا هيا نمشيو
هزار: و الصغار
شيماء: هيا توا نخليوهم بحذا البنات
لبسو دبشهم خلاو الصغار عند جهان و مشاو وصلو للدار
هزار: كفاه باش ندخلو
شيماء: عندي المفتاح الدار هاذي متاع مازن ...حلو الباب و دخلو يمشيو بالشوية
هارون و مازن و تيمور قاعدين في الصالة شارين دجاج روتي و حاطين يشربو و يتفرجو في فيلم
وصلو بقاو متخبين ورا باب الصالة
هزار: اسمعو مش صوت مرا هاذي
نور: اعع اي ولله
هزار: اش قالت
شيماء: لبناات سمعت كلمة نحبك توا
هزار: ايجاو معايا ..رجعو دخلو للكوجينة
هزار: اسمعو لوجو علي اي حاجة تضربو فاها
مشاو يلوجو خذات كل وحدا مقلة و خرجو رجعو وقفو بحذا الباب يسمعو فيهم
مازن خذا فخض مالدجاج ياكل فيه
مازن: ممم تعرف احلا حاجة كي تعض الفخض و يبدا طري كي هاذا نموت عليه مش كيما الي عندي في الدار يابس
شيماء: اناا يابساا باهي يا مازن باهي
هارون: لا منحبوش انا نحب الصدر ذوق هاذا مش عادب ممم
هزار: اععع تسمعو اليوم يا انا يا هو مصقطهم
شيماء: اعع عيفوني في روحي هكا قدام بعضهم
هزار: اسمع متطلعش نفس المرا
نور: لا منتصورش سمعت زوز اصوات بكري ظاهرلي زوز
مازن: ااي تيمور بالشوية مش باش تهرب راي
تيمور: مم سيبني فاها بنة مش عادية
هارون: شبيك دخلت فاها طول تي بالشوية
نور: اه شنوة لا ولله لا يجوها رجال
هزار: مزلتو باش تبقاو تسمعو الخمج هاذا
شيماء: امشي فيسع نشدوهم و هوما هكا و ببناتنا المحكمة
دخلو يجريو للبيت و يعيطو هارون و مازن و تيمور قامو مفجوعين
شيماء: ويينهم ؟؟
مازن: شكوون
أنت تقرأ
احببت شيطان 💥🔥♥️
Paranormalبنات جبتلكم كرونيك كيما تحبوهاجريئة و مافيا 🔪💣💵 بالطبيعة كرونيك نار يا لبنات تونسي محرحر هيا يا لبنات لحلقات على بضو وربي يقوي السعود من توا : +جام على كل حلقة تقروها باش نعرف شكون قاعد يتبع فيها بربي ركزو عالتعلقات موش كي نقعد ساعة منهبطتش تخرج...
