روسلين: هارون ياخي وين ماشين
هارون: ألمانيا
روسلين: و علاه سمعت حاجة علي بابا
هارون: لا عندي خدمة هيا حضرت
روسلين: اي صايي
هارون: باهي هياا ...خرج هو وياها ماشين للمطار اول موصل دخل للطيارة و خلاها هي و تيمور وحدهم البرا
تيمور: هيا اطلع
روسلين: فف بربي قلي شبيه ولا هكا
تيمور: تي خدمة و اكهو هيا
ركبو ..طلعت بيهم الطيارا لألمانيا كل واحد فيهم يخمم اش باش يصير
......نور: يا هزار قوم
هزار: ممم خليني نزيد شوية
نور: باهي شوف انا هاو ماشيا نخدم نكمل العشية نلقاك حاضرا باهي؟؟
هزار: باهي باهي سكر الباب ...غطاتها و خرجت مادار ماشيا للخدمة
نور: اووه فجعتني زح
خليل: ااا اش قتلك
نور: مزالت تخمم ابعد من قدامي ..فاتاتو تمشي و هو يمشي وراها
هزار: ممم لازمها توافق بطبيعة مكانش باش تصير برشا مشاكل
نور: كي هي متحبش تعرس بيك بسيف
خليل: اااا اي بسيف علاها و عليك يعني رد بالك اه
نور: ابعدني توا
خليل: باهي هاو ماشي نستنا منك البشارا متنساش
نور: تمشي لجهنم نشالله
تسمع في الباب يدق و هي ناقصا نوم قامت بسيف حلت
هزار: اا خليل شفمها
خليل: حبيت نجي نطل عليك
هزار: مم يعيشك ايجا ادخل
خليل: لا جيت نطل و اكهو ماشي
هزار: ممم باهي ..هو مشا و هي سكرت الباب مشات حلت التلفزة بقات تتفرج لين جات العشية قامت لبست روب قصيرا واسعا شدت شعرها مرخوف اللوطا و بقات تستنا في اختها
نور: اا رورو الحمدلله كي منسيتش هاك حاضرا
هزار: مم اي
نور: مش كينو باردا عليك
هزار: لا الدنيا سخنت صايي
نور: باهي هيا نمشيو الجماعة يستناو
هزار: شكونهم
نور: تي شكون بربي ماو ملاك و احمد و ياسين هيا وصلو من بكري
هزار: باهي هيا ..قامو خرجو الإثنين مشاو للقهوة متاع العادة لقاوهم يستناو فيهم قعدو معاهم و طول دخلو في التفدليك و الجو متاعهم كي العادة
تيمور: محلاها البلاصة لنا
روسلين: اي تهبل عيا نخرجو شوية
تيمور: ولله كان حب سي هارون يا هارون هيا نخرجو
ملي وصلو و هو شارد يخزر مالشباك: اا لا معنيش اخرجو انتوما
تيمور: تي هيا هاو فما قهوة مقابلتنا نبقاو فاها شوية
هارون: مم باهي هيا ..خرجو مع بعضهم روسلين لاصقا في هارون محبتش تبعد عليه لين وصلو للقهوة و كل واحد شادظ بلاصتو ..تيمور و روسلين يحكيو و هو مش معاهم جملا لين سمع صوت ضحك صوت مستحيل ينساه بدا يلوج عليه منين جاي لليلي لقاه وراه
تيمور: هارون شبيك تخزر وراك
هارون: لا شي نتخيل و اكهو
تيمور: باهي اش تحب تاخذ
هارون: شوف انا معينيش بهالقعدة ابقاو انتوما انا راجع للأوتال ..قام خرج و خلاهم
روسلين: بربي يا تيمور قلي شبيه
تيمور: شبيه ؟؟
روسلين: باهي قلي امان عرف وحدا بعدي
تيمور: شوف روسلين مالو الا باش يجي وقت و تعرف هارون عرس بعدك
روسلين مصدومة: عرس؟؟؟ كفاه و وينو مرتو
تيمور: اي عرس اذاكا علاه هو اكاكا خاطر ميعرفش علاها ويني
روسلين: هربت يعني
تيمور: حكاية طويلة اش باش يحكاها
روسلين: كانو يحبو بعضهم
تيمور: منعرش اما الي نعرفو الي هي وقتلي معاه بدلت فيه برشا حاجات حتي انو كان باش يجيهم صغير
روسلين: زادا و من وقتاه بعدو علي بعضهم
تيمور: عندهم سبعة شهر محسوب
هزار: نور هيا نروحو تعبت
نور: باهي هيا ..سلمو عالجماعة و خرجو
نور: تي بربي هيااا
هزار: نور قتلك لا نحب نبات في الدار وحدي امشي انت بحذا خالتي
نور: تي علاه منجمش نخليك وحدك
هزار: شوف خالتي مريضة هي الأهم توا برا بات بحذاها انا معندو ميصيرلي و زيد الدار بحذاكم
نور: باهي خلي تلفونك بحذام
هزار: باهي ..باست اختها و مشا كل واحد في طريق تعدات للمرشي خذات حاجات نقصينها و روحت للدار حاسة روحها تفرهدت بعد الخرجة هاذي حلت الباب و دخلت تعدات كول للكوجينة حبست في الباب بقات شوية و بدات دور بالشوية لين عيطت و طيحت الصاش من يدها مالفجعة شدت كرشها تخزر مش مصدقا
هزار: اا..اش تعمل لنا
هارون يخور لكرشها : ظاهرلي فما برشا حاجات لازمك تفهمهملي يا هزار
هزار: اخرج معندي منفهمك
هارون: يزيك شو عندك قداه متخبيا
هزار: كفاه لقيتني
هارون: تنجم تقول صدفة ..قام يمشي و يقدملها و هي ترعش بكلها
هزار: ابعد وين جاي متقربليش
وقف قدامها هز يدو يعدي فاها علي كرشها
هزار: مهوش ولدك
هارون: ههه اي صدقتك
هزار: صدق ولا ابقي اخرج توا
هارون: مم لا باش نبات لنا
هزار: ابقي توا نخرج انا ..جات ماشيا شدها من يدها و رجعها
هارون: لازمنا نحكيو ...نطرت يدها و بعدت عليه: معنا منحكيو ابعد
هارون: هزار وين ماشيا ايجا لنا
هزار بدات تعيط: سييب متمسنيش
هارون: باهي ريض انت توا منمسكش
هزار: اش تحب
هارون: شكون الي كنت معاهم
هزار: اش يهمك انت
هارون: مرتيي
هزار: لا كان جيت مرتك متعملش فيا هكا
هارون: ولله مشكلتك جيتني في اخيب وقت و قتلي كل شي مع بعضو ..قربلها لصقها للحيط يحكي في وجها : علاه مقتليش قبل ولا بعد النهار اذاكا راو مصارش هاذا الكل
هزار: شنوة باش يفرق توا ابعد
هارون باش ترجع معايا
هزار: لا منرجعش تحلم ابعدني
هارون: اكيد نور نهار كامل تعبي فيك عليا و انت تسمع فاها عاد
هزار: نور اختي و بطبيعة باش نسمعها هي
هارون شدها من يدها: شوف توا باش تجي معايا
هزار: سيبني منمشيش معاك
أنت تقرأ
احببت شيطان 💥🔥♥️
Paranormalبنات جبتلكم كرونيك كيما تحبوهاجريئة و مافيا 🔪💣💵 بالطبيعة كرونيك نار يا لبنات تونسي محرحر هيا يا لبنات لحلقات على بضو وربي يقوي السعود من توا : +جام على كل حلقة تقروها باش نعرف شكون قاعد يتبع فيها بربي ركزو عالتعلقات موش كي نقعد ساعة منهبطتش تخرج...
