يسكر في الشوميز متاعو و هي مغطية روحها دبشها مطبش في كل بلاصة تبكي متعرش علاش ركحتلو و معيطتش لخالتها خلاتو عمل كل شي
هارون: علاه تبكي توا
هزار: ابعدني اخرج منا
جا تمد بحذاها يعدي في يدو علي كتفها بحنية
هارون: هزار يا روحي يزي مش باهيلك البكاء ..باهي ايجا ..دورها ليه و عنقها يمسح علي شعرها
هارون: هزار مزلنا معرسين يعني عادي الي صار متعملش هكا
هزار : باخيمش قتلك.ابعدني برا لروسلين و اخطاني
هارون: انا نحبك انت
هزار: توا تنساني برالها و اتلهاو بولدك
هارون: هزار ملي مشيت كل ليلا نشرب يعني كي رقدت معاها مش فايق صدقني و زيد انت زادا باش تجيبلي ولدي منجمش نخليك
هزار: ولدي تلهيت بيه سبعة شهور وحدي مش باش تكيدني توا ابعدني ولله باش تصيرلو حاجة من جرتك
هارون: باهي هاو ماشي اما ميسالش اعمل حفلة خطبة الي تحب اما الطلاق تحلم بيه ...خرج و خلاها رجعت غطت روحها بقات تبكي
روسلين: هارون وين كنت
هارون: اسمع روسلين متبقاش في الدخلة و الخرجة تسئل فيا
روسلين: خفت عليك اذاكا علاه
هارون: معندك علاه تخاف عليا ابعدني توا
خرج و خلاها مشا بحذا تيمور و مازن
هارون: اش فما
تيمور: بو روسلين سي محسن في ألمانيا
هارون: شنوة اش يعمل لنا؟
تيمور: فما شكون قلو الي احنا لنا خلط طول
مازن: لازمك تكمل الخدمة في اقرب وقت و ترجعو
هارون: مم باهي
نور: هزار كول تي شبيك ملي هبططت ساكتا
هزار: لا شي نحب نرجع نرقد
نور: باهي اتعشا و ارجع
منال: هزار مش كينك ترقد برشا اخرج حرك الدم شوية
هزار: نتعب فيسع منحبش
نور: خالتي باش يجيو بناتك غدوة
منال: ولله هدي قالت توا تجي اما روسلين ماك تعرف عند بوها متنجمش تجي
هزار: روسلين ؟؟ ياخي عندك بنتك اسمها روسلين
منال: اي انتوما متعرفوهاش طلقت انا و محسن وقتلي هي عمرها عامين عاد هزها و مشا الا منمشي نشوفها انا
نور: اوو شبيكم متحكيوش علاها جملا
هزار: انا طالعا للبيت
نور: ارقد غدوة باش نفززك بكري راو ..طلعت لبتها تخزر للتلفون تحب تكلم خليل و تقلو بطلت منحبش اما متنجمش توا الكل ياخذو علاها فكرة خايبة
حطت التلفون و تمدت تخزر للشباك تمنت لو كان يدخللها توا كي العادة
حلت عناها تلقا الشمس طلعت خزرت لروحها رقدت بدبشها متاع البارح هزت روحها و دهلت عملت دوش و خرجت
نور: كي جاتك فقت توا
هزار: طار عليا النوم
نور: باهي هيا البس دبشك باش يجي شكوت يمكيجلك
هزار: نور ولله تقول عاملا بالعاني اخطاني بربي
نور: هاذا الكل علي سي هارون متاعك البس فيسع دبشك و اهبط قريب لقتلك و مزالت تخمم فيه
كلام اختها زاد كمل علاها لبست الي يجي هبطت لقات برشا ناس يحضرو و يزينو في الجردا
هزار: علاه هاذا الكل
نور: خليل بعثهم توا تطلع تهبل كي تكمل
هزار: طالعا للبيت انا
نور: هزار مزالو ساعتين و الناس تبدي تجي هيا فيسع لازمك تحضر
هزار: فف ياخي من توا
نور: اي تحرك فيسع هيا ..طلعتها للبيت بدات تمشطلها و تڨدلها لين تعداو ساعتين لبست روبتها طلعت تهبل تخزر لروحها في المرايا متحبش تهبط حس الناس اللوطا طلت مالشباك لقاتها بدات تتعبا بالناس
نور: طلعت تهببل
هزار: مش كينو كان لبست حاجة مبينتش كرشي خير اش باش يقولو الناس
نور: تي ممحلياتك كان كرشك هيا عادك بيه خليل جا هبطك
هزار: علاه توا نهبط وحدي
نور: اسكت انت ايا ابقي لنا ...خرجت و هبطت تسلم عالعباد
نور: مم مرحبا سي هارون
هارون: ويني هزار
نور: علاه تسئل علاها هزار اتلها بلي بجنبك
مشات و خلاتهم
روسلين: هارون ياخي شبيك ملي جيت و انت علي اعصابك
هارون: لا شي
روسلين: باهي انا ماشيا شوية و توا نرجع
هارون: وين؟؟
روسلين: ولدك عامل فيا باش نغسل وجهي حاسة روحي دايخا
هارون: مم باهي ..مشات تلوج علي دوش لين شافت مرا عاطيتها بظهرها
روسلين: سلام بربي وين ..امييي
منال: روسلين بنتي وقتاااه جيت
روسلين: ههه امي توحشتك
منال: حتا انا يا روحي كفاه خلاك بوك تجي
روسلين: ممم امي هربت منو
منال: وه يا بنيتي تعرفو مهبول علاه تعمب هكا
روسلين: امي تعبت منو ياخي اش تعمل لنا
منال: ليوم خطبت هزار بنت خالتك سعاد
روسلين: اه هزار بنت خالتي
منال: اي مالا انت علاه جيت
روسلين: ااا امي انا جيت مع راجلي
منال: عرست؟؟؟
روسلين: اي و حبلا زادا ههه
منال: ههه بالحق يا ربي بنتي كبرت وينو راجلك
روسلين: ايجا معايا ..شدتها من يدها و هزتها وين هارون
روسلين: هارون هاذي امي امي هاذا هارون راجلي
منال: مرحبا شبيكم قاعدين البرا علاه متدخلوش
روسلين: لا امي لنا خير
أنت تقرأ
احببت شيطان 💥🔥♥️
Paranormalبنات جبتلكم كرونيك كيما تحبوهاجريئة و مافيا 🔪💣💵 بالطبيعة كرونيك نار يا لبنات تونسي محرحر هيا يا لبنات لحلقات على بضو وربي يقوي السعود من توا : +جام على كل حلقة تقروها باش نعرف شكون قاعد يتبع فيها بربي ركزو عالتعلقات موش كي نقعد ساعة منهبطتش تخرج...
