ﺭﻭﺳﻠﻴﻦ : ﻳﺎ ﻗﻤﺮ ﺑﺎﺵ ﺗﻮﻟﻲ ﺍﻧﺖ ﺗﺘﻠﻬﺎ ﺑﻴﺎ
ﻗﻤﺮ : ﻻ ﺍﻟﻤﺪﺓ ﻫﺎﺫﻱ ﺍﻛﻬﻮ ﺣﺘﻲ ﻟﻴﻦ ﻧﻠﻘﺎﻭﻟﻚ ﻃﻔﻠﺔ ﺍﺧﺮﻱ
ﺭﻭﺳﻠﻴﻦ : ﺗﻲ ﺷﺒﻴﻚ ﺩﻳﻤﺎ ﻣﺘﻐﺸﺸﺔ ﺍﻧﺖ
ﻗﻤﺮ : ﺗﻔﻀﻞ ﺍﻟﺒﺲ ﺍﻟﻄﺎﻟﻮﻥ ﻫﺎﺫﺍ
ﺭﻭﺳﻠﻴﻦ : ﺗﻲ ﺑﻼﻫﻲ ﻛﻔﺎﻩ ﺗﺤﺒﻨﻲ ﻧﺘﺤﺮﻙ ﻓﺎﻫﺎ ﺍﻟﺮﻭﺏ ﻫﺎﺫﻱ ﻣﺤﺰﻭﻗﺔ ﻳﺎﺳﺮ ﻭ ﺯﻳﺪ ﻣﻌﺎﻫﺎ ﻃﺎﻟﻮﻥ ﻛﻔﺎﻩ ﺑﺎﺵ ﻧﺘﺤﺮﻙ
ﻗﻤﺮ : ﺍﻟﻔﻄﻮﺭ ﺣﻀﺮ ﺍﻟﺒﺲ ﺩﺑﺸﻚ ﻭ ﺍﻫﺒﻂ .. ﻛﻤﻠﺖ ﻛﻼﻣﻬﺎ ﻭ ﺧﺮﺟﺖ
ﺭﻭﺳﻠﻴﻦ : ﻛﺎﻥ ﻣﻄﻠﻌﺖ ﺭﻭﺑﻮ ﻫﺎﻟﻤﺮﺍ ﻓﻲ ﺁﺧﺮ ﺣﻠﻘﺔ ﺑﻔﻒ ﻛﻔﺘﻪ ﺑﺎﺵ ﻧﻤﺸﻲ ﺑﻴﻪ ﻫﺎﻟﻌﺰﺍ ﺭﻣﺎﺗﻮ ﻋﻠﻲ ﺟﻨﺐ ﻭ ﻣﺸﺎﺕ ﺟﺎﺑﺖ ﺑﺴﻜﺎﺕ ﻟﺒﺴﺘﻬﺎ ﺷﺪﺕ ﺷﻌﺮﻫﺎ ﻟﻤﺎﺗﻮ ﻛﻌﻜﺔ ﻭ ﻣﺴﺤﺖ ﺍﻟﻤﻜﻴﺎﺝ ﺍﻟﻲ ﻓﻲ ﻭﺟﻬﺎ
ﺭﻭﺳﻠﻴﻦ : ﻳﺎﺍ ﺭﺑﻴﻲ ﺷﻮﻑ ﻣﺤﻼﻧﻲ ﻫﻜﺎ ﻋﻠﻲ ﻃﺒﻴﻌﺘﻲ ﻣﺤﺴﻮﺏ ﻣﺎﻭ ﺭﺍﻭ ﻫﺎﺯﺯﻧﻲ ﻟﺘﺮﻛﻴﻨﺔ ﺍﺧﺮﻱ ﻫﻮ ﻧﺰﻳﺪ ﻧﺰﻳﻦ ﺭﻭﺣﻲ .. ﻧﺤﺎﺕ ﺍﻟﺴﻠﺴﻠﺔ ﻭ ﺍﻟﺒﻼﻟﻂ ﻭ ﻫﺒﻄﺖ ﺑﺎﺵ ﺗﻔﻄﺮ
ﻟﻘﺎﺕ ﺍﻟﻄﺎﻭﻻ ﻣﻔﺎﻫﺎ ﺣﺪ ﻗﻌﺪﺕ ﺗﺎﻛﻞ
ﻗﻤﺮ : ﻣﺪﺍﻡ ﺷﺮﻳﻚ ﻫﻜﺎ
ﺭﻭﺳﻠﻴﻦ : ﺍﺧﻄﺎﻧﻲ ﺗﺤﺒﻨﻲ ﻧﺤﺰﻕ ﺭﻭﺣﻲ ﺑﺎﻟﻔﺎﺭﻍ ... ﻫﺎﺭﻭﻥ ﺗﻌﺪﺍ ﻣﻦ ﻏﻴﺮ ﻣﻴﺨﺰﺭﻟﻬﺎ : ﻫﻴﺎ ﻗﻮﻡ ﻣﻌﺎﺩﺵ ﺑﻜﺮﻱ
ﻗﺎﻣﺖ ﺗﻤﺸﻲ ﻭﺭﺍﻩ ﺧﺮﺟﻮ ﺭﻛﺒﻮ ﻓﻲ ﺍﻟﻜﺮﻫﺒﺎ ﻭ ﻣﺸﺎ ﻛﻲ ﺍﻟﻌﺎﺩﺓ ﺗﺨﺰﺭ ﻣﺎﻟﺸﺒﺎﻙ ﺗﺤﺐ ﺗﺘﻔﺮﺝ ﻭ ﺗﺴﻮﻑ ﺑﻼﻳﺺ ﺟﺪﺩ ﺍﻣﺎ ﻻﺣﻀﺖ ﺍﻧﻮ ﺍﻟﻲ ﻫﻮﻣﺎ ﻣﺎﺷﻴﻦ ﻟﻮﺳﻂ ﻟﺒﻼﺩ ﺩﺍﺭﺕ ﺑﺎﺵ ﺗﺴﺌﻠﻮ ﺗﻠﻘﺎﻩ ﻻﻫﻲ ﻓﻲ ﺗﻠﻔﻮﻧﻮ ﻗﺪﺍﻩ ﺣﺒﺖ ﺗﻌﺮﻑ ﺍﺵ ﻓﻴﻪ ﻧﻬﺎﺭ ﻛﺎﻣﻞ ﻏﺎﻃﺲ ﻓﻴﻪ ﺑﺪﺍﺕ ﺗﻘﺮﺏ ﻓﻲ ﺭﺍﺳﻬﺎ ﺑﺎﺷﻮﻳﺔ ﺗﺤﺐ ﺗﺸﻮﻓﻮ ﻓﺶ ﻳﻌﻤﻞ ﻗﺮﺑﺖ ﺍﻛﺜﺮ ﻭ ﺍﺑﺸﻮﻗﻮﺭ ﻳﺸﺪ ﻓﺮﺍﻥ ﺗﺠﻲ ﻣﻌﻨﻘﺎ ﺍﻟﻜﺮﺳﻲ ﺍﻟﻲ ﻗﺪﺍﻣﻬﺎ ﺭﺟﻌﺖ ﻟﺘﺎﻟﻲ ﺳﺘﻮﺍﺕ ﺭﻭﺣﻬﺎ ﻭ ﺭﺟﻌﺖ ﺗﺨﺰﺭ ﻣﺎﻟﺸﺒﺎﻙ ﻟﻴﻦ ﻭﻗﻔﺖ ﺍﺍﻛﺮﻫﺒﺎ ﺣﻠﻮﻟﻬﻢ ﺍﻟﺒﺎﺏ ﻫﺒﻄﺖ ﺗﺨﺰﺭ ﺣﺎﻻ ﻓﻤﻬﺎ ﺗﺒﻊ ﻓﻴﻪ ﺗﺤﻞ ﺍﻟﺒﺎﺏ ﻗﺪﺍﻣﻬﻢ ﺩﺧﻠﺖ ﺗﺘﻔﺮﺝ ﻧﺎﺱ ﻣﺎﺷﻴﺎ ﺟﺎﻳﺔ ﺗﻠﻴﻔﻮﻧﺎﺕ ﻭ ﺍﻭﺭﺍﻕ ﺷﺮﻛﺔ ﻟﻜﻠﻬﺎ ﺑﻼﺭ ﻗﺮﻳﺐ ﺗﻤﺲ ﺍﻟﺴﻤﺎﺀ ﻃﻠﻌﻮ ﻟﻸﺳﻮﻧﺴﻮﺭ ﺧﺰﺭﺕ ﻟﻸﺭﻗﺎﻡ : ﻭﻭﻭﻭ 63 ﻃﺎﻕ .. ﻭﻳﻦ ﻃﺎﻟﻌﻴﻦ ﺍﺣﻨﺎ
ﻃﻔﺎﻫﺎ ﻭ ﻧﺰﻝ ﻋﻠﻲ 60 ﻃﻠﻊ ﺑﻴﻬﻢ ﺍﻷﺳﻮﻧﺴﻮﺭ ﺑﻘﺎﻭ ﺩﺭﺝ ﺑﺎﺵ ﻭﺻﻠﻮ ﻟﻴﻦ ﻭﻗﻒ ﺗﺤﻞ ﺍﻟﺒﺎﺏ ﺧﺮﺟﺖ ﺗﻤﺸﻲ ﻭﺭﺍﻩ ﻋﺮﺿﻮﻩ 3 ﻧﺴﺎ ﻳﻬﺒﻠﻮ ﻟﺒﺴﺘﻬﻢ ﻣﻀﺨﻤﺔ ﻭ ﺣﺎﻃﻴﻦ ﻛﻴﺖ ﻓﻲ ﻭﺫﻧﻬﻢ ﻭ ﻛﻞ ﻭﺣﺪﺍ ﻃﺒﻼﺕ ﻓﻲ ﻳﺪﻫﺎ
_ ﺳﻲ ﻫﺎﺭﻭﻥ ﻣﺮﺣﺒﺎ ﻧﺠﻴﺒﻠﻚ ﺍﻭﺭﺍﻕ ﺍﻹﺟﺘﻤﺎﻋﺎﺕ ﻣﺘﺎﻉ ﺍﻟﻴﻮﻡ
ﻫﺎﺭﻭﻥ : ﺍﻱ ﺧﻠﻄﻬﻢ ﻋﻠﻴﺎ
ﺗﻜﻠﻤﺖ ﺍﻟﺜﺎﻧﻲ : ﺳﻲ ﻫﺎﺭﻭﻥ ﻋﻨﺎ ﺳﻔﻘﺔ ﺟﺪﻳﺪﺓ ﺧﺬﻳﻨﺎﻫﺎ ﻧﺠﻴﺒﻠﻚ ﺍﻭﺭﺍﻗﻬﺎ
ﻫﺎﺭﻭﻥ : ﺧﻠﻲ ﻣﺒﻌﺪ ﻭ ﺗﻌﺪﺍ ﻃﻮﻝ ﺩﺧﻞ ﻟﺒﻴﺮﻭﻩ ﺗﺒﻊ ﻓﻴﻪ ﻣﺶ ﻓﺎﻫﻤﺎ ﺷﻲ ﺩﺧﻠﻮ ﺑﻘﺎﺕ ﺗﺨﺰﺭ ﺑﻴﺮﻭﻩ ﻋﺎﻣﻠﻮ ﻓﻲ ﺍﻷﺑﻴﺾ ﻭ ﻓﻴﻪ ﺯﻭﺯ ﺣﻴﻮﻁ ﻟﻜﻠﻬﻢ ﺑﻼﺭ ﺿﺎﻭﻱ ﻭ ﻳﻬﺒﻞ ﺗﻌﺪﺍﺕ ﻃﻮﻝ ﺗﺘﻔﺮﺝ ﻣﺎﻟﺒﻼﺭ ﺍﻟﺒﻼﺩ ﺍﻟﻜﻞ ﺗﻨﺠﻢ ﺗﺸﻮﻓﻬﺎ .. ﺗﺨﺰﺭ ﻟﺘﺼﻮﻳﺮﺗﻬﺎ ﺍﻟﻤﻌﻜﻮﺳﺔ ﻧﺪﻣﺖ ﻛﻔﺎﻩ ﻣﺴﺤﺖ ﺍﺍﻣﻜﻴﺎﺝ ﻭ ﻟﻤﺔ ﺷﻌﺮﻫﺎ ﺩﺍﺭﺕ ﻣﺸﺎﺕ ﻗﻌﺪﺕ ﻋﺎﻟﻜﺮﺳﻲ ﺍﻟﻲ ﻗﺪﺍﻣﻮ
ﺭﻭﺳﻠﻴﻦ : ﻋﻼﻩ ﺟﻴﻨﺎ ﻟﻨﺎ
ﻫﺎﺭﻭﻥ : ﺍﺵ ﻛﻨﺖ ﺗﻘﺮﺍ ﺍﻧﺖ
ﺭﻭﺳﻠﻴﻦ : ﻧﺠﺤﺖ ﻓﻲ ﺍﻟﺒﺎﻙ
ﻫﺎﺭﻭﻥ : ﺍﻱ ﻭ ﺑﻌﺪ ﺍﺵ ﻗﺮﻳﺖ
ﺭﻭﺳﻠﻴﻦ : ﺍﺵ ﺑﺎﺵ ﻧﻘﺮﺍ ﺑﺮﺑﻲ ﻋﻤﺮﻱ
أنت تقرأ
احببت شيطان 💥🔥♥️
Paranormalبنات جبتلكم كرونيك كيما تحبوهاجريئة و مافيا 🔪💣💵 بالطبيعة كرونيك نار يا لبنات تونسي محرحر هيا يا لبنات لحلقات على بضو وربي يقوي السعود من توا : +جام على كل حلقة تقروها باش نعرف شكون قاعد يتبع فيها بربي ركزو عالتعلقات موش كي نقعد ساعة منهبطتش تخرج...
