منال مشات تحكي في التلفون و هو مشا حل الباب بالشوي و دخل لقها تخزر للشيرا الأخرا و تبكي دخل قعد بحذاها سمعت حس دارت
هزار: فاش تعمل لنا اخرج
هارون: هزار اسمعني
هزار: اخرج راو بدني الكل يوجع جرتكم اخرج خليني وحدي ..كي شافها بدات ترجع تتعب ولا قام خرج و خلاها
منال: اا لباس؟؟
هارون: مش باش تنسا
منال: مع الوقت تنسا كل شي ...عداوها ليلا كاملا قدام بيتها لين جا الصباح جات نور و شيماء
هارون: نور آزر وينو
نور: خليتو بحذا جهان ويني هزار
هارون: الداخل اما متحب تشوف حد
شيماء: ولله ملا عملا زح قريب لا قتلتوها
توا ندخل نشوفها انا
منال: بنيتي انت اليوم كتبان صداقك علاه خارجا مالدار
نور: انا صداق و انا عرس متصير حاجة الا متقوم هزار لباس
شيماء: هزار فقت ؟؟
هزار تتكلم بسيف : شيماء ايجا اي فايقا
شيماء: لباس شنوة تحس في روحك
هزار: اه راسي كرشي ضهري كل شي يوجع تقول شكون عاطيني طريحة
شيماء: اللطف عليك المهم انت لباس و البيبيات لباس زادا
هزار: يبعدو عليا الي لبرا نقوم لباس
شيماء: صحيح هوما غلطو اما علي مصلحتك
هزار: علي مصلحتي قريب لقتلوني و بعد الحكاية طلع مفماش منها
شيماء: باهي رتح روحك بعد كتبان الصداق ارتاح باش تقوم لباس
هزار: مش باش نمشي
شيماء: لا هزار الا هاذي اختك راي
هزار: اختي و شوف اش عملتلي
شيماء: ولله كانو خايفين عليك
هزار: اسمع متكملش عليا كان جايا باش دافع عليا اخرج ابقا معاهم البرا مالا
شيماء: ماكش باش تحضر يعني
هزار: لا
نور دخلت : امان هزار كل شي كان هاذي
هزار بدات تعيط : افففف اخرجو الزوز خلوني وحدي ..شيماء قامت خرجت معاها نور و سكرت الباب
نور: سمعتوها مش باش تحضر
منال: اي اش باش تعملو
نور: انا هزار متحضرش منعرسش
منال: يزي متقولش هكا توا منا للعشية تتحسن هزار و تقوم لباس و تجي روح انتي البنات الي باش يتلهاو بيك عادك بيهم جاو ..مشات نور و معاها شيماء بقات شوية و خلطت عليهم منال وصلها هارون جاب آزر معاه و رجع ...حل باب بيتها لقاها مغمضة عناها راقد دخل بالشوية اما آزر كي شاف امو قلبها بالحس حلت عنها شافت آزر ضحكت مدت يدها حطهولها علي صدرها حملاتو و بقات تبوس فيه
هزار: شكون قلك ادخل انت
هارون: آزر يحب يشوفك
هزار: باهي تنجم تخرج توا
هارون: ماكش باش تحضر لنور
هزار: لا
هارون: مم باهي نعرف يمكن هاذي اكبر و اخيب غلطة عملتها في حياتي اما الكلو ليك خفت لا نخسرك حط روحك في بلاصتو و يقولولك انا باش نموت اش نعمل
هزار: هارون خليني وحدي امان
هارون: هزار متعملش هكا منجمش نعيش من غيرك
هزار: هاك كنت باش تقتلني
هارون: ولله منعرف الدواء عطاهولما نفس الطبيب متاع المرة الي فاتت مفيباليش باش يصير هكا
هزار: مم باهي
هارون: سامحتني ؟؟
هزار: منعرش ..
هارون: باهي باش تحضر عاللقل
هزار: ممم باهي عاوني نقوم ..حمل آزر عاونها تقوم لبست حاجة خفيفا فوق دبش النوم الي جات بيه و خرجت تمشي بسيف وصلت للكرهبة تكات راسها التالي حاسة روحها تاعبا عاللخر ..هارون حاسس باها طريق كامل يسوق بالشوية لين وصلو هارون مد.آزر لمنال و رجع يعاون فاها تمشي
منال: هزار عيش بنتي سامحني قتلك منجيب كان المشالك
هزار جاوبتها بكل بدرود : عادي مصار شي
منال: باهي ايجا هام البنات في البيت يحضرو في نور
هزار: نحب نرتاح مزلت تاعبا ..سيبت يدها من هارون مشات خذات آزر حملاتو دخلت للبيت و سكرت الباب خلط وراها هارون
أنت تقرأ
احببت شيطان 💥🔥♥️
Paranormalبنات جبتلكم كرونيك كيما تحبوهاجريئة و مافيا 🔪💣💵 بالطبيعة كرونيك نار يا لبنات تونسي محرحر هيا يا لبنات لحلقات على بضو وربي يقوي السعود من توا : +جام على كل حلقة تقروها باش نعرف شكون قاعد يتبع فيها بربي ركزو عالتعلقات موش كي نقعد ساعة منهبطتش تخرج...
