عاونتها لبست دبشها تمشي فاها بسيف
نور: تيمور اش تعمل لنا؟؟
تيمور: هارون بعثني باش نوصلكم
هزار: لا توا ناخذو تاكسي
تيمور: وين باش تلقاو تاكسي توا هيا
نور : هزار بالحق منجموش نلقاو تاكسي توا هيا نمشيو مع سي تيمور
تيمور: سي تيمور؟؟
نور: تنجم تعاوني
تيمور: فاش؟
نور: هاك هز ساك الدبش ..عطاتو الساك و ركبت هي و اختها من تالي
هارون : مدام منال
منال: وه فجعتني فاش تعمل انت لنا
هارون: لا شفتك خارجا وحدك قلت نوصلك للدار
منال: اا لا لا عندي قضية نوصل و نروح وحدي ميسالش ..قربلها يمشي بالشوية وقف قدامها هز يدو طلع باها مريولو بان سلاحو
منال: اش تحب انت ابعد لا نلم عليك الناس
هارون: تحرك قدامي
منال: لا هبلت ولله مندمك
هارون: تمشي ساكتا و تطلع في الكرهبة
منال ترعش بلها بدات تمشي بالشوية قدامو و هو وراها لين وصلو للكرهبة ركبت و ركب هو و مشاو
منال: ياخي بسيف تحب توصلني انت
هارون: بنتك ويني
منال: بنتي بعد الي عملتو فاها سيادتك سافرت لبلاد اخري باش ترتاح
مد يدو جبد سلاحو : انت ظاهر فيك متفهمش مالمرة اللولة قتلك بنتك. وينيي
منال: علاش تلوج علاها بنتي
هارون: اطلبها توا
منال: مالصباح نطلب متهزش
هارون: وينييي
منال: ماو قتلك سافرت
هارون حطلها السلاح علي راسها : انطق
منال: باهي باهي في دار في الجبل
هارون: و ولدي ؟؟
منال: نعرف عليه ولدك
هارون: تكلم عندها ولا لا
منال: اي اي اما هي خطاها انا الي هزيتو و خليتو عندها
هارون: باهي توا نتفاهمو كي نوصلو منين بالضبط ؟؟
بدات تقلو عالطريق ترعش بكلها و هو يسوق و يزرب يحب يوصل في اقرب وقت
منال: هاذي هي الدار
هارون: اهبط تحرك ..هبطت تمشي قدامو لين وصلو للباب
هارون: حلو فيسع
منال: معنديش مفتاح توا نعيطلها ..روسليين روسلين حل الباب انا
هارون: شباها محلتش
منال: يا ربي متطلعش صارت حاجة لبنتي
هارون: ابعد
.بعدها ضرب الباب بساقو حلو و دخل يلوج و وراه منال
منال: للااااا بنتي ..لقاوها مطيشة في بيت النوم و مذبوحة من رقبتها منال هبطت بحذاها تبكي و هارون كمل يلوج اما ملقا شي رجعلها قومها بالقوي : وينو الدار فارغا تكلم
منال: سيبمي بنتي مشات اه يا ربي
هارون: من عمايلك تكلم توا. لا نخلطك علاها بنتك
منال: ااه خلطني و رتحني
هارون: تي حل رب فمك وينو ولدي
منال: منعرش منعرش خليتو معاها ..ضرب الباب بالقوي و خرج المطر تصب وقف تحتها هز راسو و تنهد حل عنيه يدور فاها عالبلاصة لين شاف في الطين أثار متاع كراهب ...رجع دخل للدار يلوج لقا في الصالة شبابك مكسرا جا باش يقدم لين لقا طربوشة متاع بيبيات صغيرا طايحا هزها شمها و حطها في جيبو مشا للبيت لقا منال تخزر و شعرها مشبشب قرب من روسلين وجها ازرق بكلو جاب ملحفة و غطاها شد منال من يدها كركرها حطها في الكرهبة و مشا ..
تيمور: تسكنو لنا ؟؟
نور: اي ..هبطت اختها تعاون فاها تمشي و وراهم تيمور حلتلها الباب هزار دخلت و نور دارت لتيمور: عيشك تنجم تروح
تيمور: ااا باش نبقا معاكم حتي لين يرجع هارون
نور: علاش باقي و زيد هارون اش مجيبو
كبس علي يدو و ضرب الباب
تيمور: اسمع انت اعرف اش تخرج من فمك علي اساس انا نحب نبقي
بقات باهتا كفاه عيط علاها : برا روح مشديتكش بسيف
تيمور: ادخل و سكر فمك توا
نور: الهم هاذا ..دخلت و سكرت في وجهو الباب مشات لهزار لقاتها في البيت الي كانت تحضر فاها لولدها تخزر للفرش
نور: هزار شبيك قاعدا لنا ايجا امشي لبيتك ارتاح
هزار: مزالو ملقاوهوش لتوا
نور: مزال هيا عيش اختي توا تشوف ولله توا يلقاوه هيا امشي لبيتك ارقد شوية
هزار: لا منحبش خليني لنا
نور: باهي باش تبقي واقفا؟؟
هزار: اي برا ارتاح انت ..خرجت و خلاتها هبطت شفاتو مالشباك متكي عالكرهبة و يرعش بالبرد لبست كبوطها و خرجتلو
نور: ماو ادخل للكرهبة عاللقل
تيمور: خايفا عليا
نور: فف ممصتك وينو سي هارون
تيمور: هاو جاي علاه
نور: ياخي نهار كامل قاعد يحوس ولا فاش يعمل
تيمور: اسكت انت ربي يعلم بحالو
نور: اي ظاهر ماو عندو الفلوس عاد شبيه ملقاهوش
تيمور: برا ادخل متفددنيش ..حبست كرهبة بحذاهم هبط منها فادي
فادي: اسمع توا لقاو صغير مطيش في پوبال معندوش نهار مولود لازم يشوفوه
نور: شنوةة ؟!!!!
فادي: لا ينجم يكون مش هو
تيمور: هارون مزال موصلش و هزار قلنا منقلولها شي
فادي: اي نستناو هارون ؟؟
نور: توا نمشي انا نعرفو
فادي: لا ميخليو كان امو و بوه يدخلو يشوفو
أنت تقرأ
احببت شيطان 💥🔥♥️
Paranormalبنات جبتلكم كرونيك كيما تحبوهاجريئة و مافيا 🔪💣💵 بالطبيعة كرونيك نار يا لبنات تونسي محرحر هيا يا لبنات لحلقات على بضو وربي يقوي السعود من توا : +جام على كل حلقة تقروها باش نعرف شكون قاعد يتبع فيها بربي ركزو عالتعلقات موش كي نقعد ساعة منهبطتش تخرج...
