عداها ليلا كاملا يشرب علي عملو لين هزو النوم في الصالة حل عينو الصباح لقاها قاعدا في الكرسي الي قدامو بدبش النوم شعرها مشبشب و ومخبش بكلو ..قام ستوا روحو مهبط راسو ملقا ميقول
روسلين: ب..باش نخرج بعد
هارون: وين ماشيا لا
روسلين : مش نشاور فيك باش يبدا فيبالك
هارون: لا اليوم باش تمشي معايا
روسلين: منحبش
هارون: اطلع بدل دبشك
روسلين تحكي بكل هدوء : دبشي لقيتو بالدم اليوم الصباح يمكن الصغير طاح باش نمشي للطبيبة
هارون: قام مفجوع قعد علي ركايبو قدامها : روسلين متأكدا؟؟
روسلين: ابعد مزلت منعرش باش نمشي نشوف
هارون: الكلو متي قوم نمشيو توا
روسلين : لا باش نمشي وحدي
هارون: روسلين ولدي راو زادا من حقي نمشي و نعرف
روسلين: ولدك تذكرتو توا؟؟ علاه البارح وينو مخك معندك وين ماشي
هارون: روسلين متعملش هكا
روسلين: انت الي بديت باش نمشي توا ..قامت و خلاتو قاعد علي ركابو تكا عالبنك حط راسو بين يديه كاره روحو ستناها لين بدلت و خرجت و مشا هو للي حاجتو بيه
تيمور: ياخي عاودت طلباتك روسلين البارح
نور: لا
تيمور: حتي اليوم مطلبتكش ؟؟
نور: لا علاه اش فما
تيمور: مم لا شي هاو خارج انا توا ..هو قام و هي عيطتلو دارلها مشات عنقاتو
تيمور: شبيك تقول معادش باش تشوفني
نور: ممم يمكن متعرش
تيمور: هه اليوم بالذات لازم نتقابلو فما حاجة لازم نقولهالك
نور: لا قولها توا
تيمور: لا متجيش في الباب ماو قتلك بعد ..باسها من خدها و خرج ..
نور: فف نور شبيك يزي متخمم ..مشات طلعت تلم في دبشها
كملت عند الطبيبة خرجت فرحانة الي ولدها لباس ركبت في الكرهبة و قالت للشوفور
روسلين: هزني لهارون
الشوفور: سمحني مدام منجمش
روسلين: علاه
الشوفور: سي هارون عندو خدمة البرا توا
روسلين: ااا هو قلي ايجاني ..جبدت تلفونها و سمعاتو صوت هارون مسجل و عملت روحها تحكي معاه
هارون: قلهم يجيبوك توا ..سكرت التلفون و قتلو : شفت ايا هزني ليه ...خدم الكرهبة و مشا باها طول ممشاوش برشا لين وصلو لڨراج جاي البرا شوية مالبلاد
خافت المرا اللولا و بعد هبطت تمشي بالشوية دخلت الكلو ضلام بقات تمشي لين سمعت صوت هارون
أنت تقرأ
احببت شيطان 💥🔥♥️
Paranormalبنات جبتلكم كرونيك كيما تحبوهاجريئة و مافيا 🔪💣💵 بالطبيعة كرونيك نار يا لبنات تونسي محرحر هيا يا لبنات لحلقات على بضو وربي يقوي السعود من توا : +جام على كل حلقة تقروها باش نعرف شكون قاعد يتبع فيها بربي ركزو عالتعلقات موش كي نقعد ساعة منهبطتش تخرج...
