وصلو للشط هبطو و روسلين تخرنن وراه: اه يا ربي اه اش عمتلك اي كرشي دارت ووه معادش نركب معاك اخطاني
هارون: هه مش قلت جعت عاد قلت نزرب علي خاطرك
روسلين: اي تسوق اكاكا اخطاني ابعدني توا
هارون: باش تدخل دوذ؟؟
روسلين: اي
هارون: اي و انا
روسلين: ههه شبيك اوكا الدوش الآخر
هارون: لا نحب معاك
روسلين: مم يا روحي ساعة انا حبيت نعمللك مفاجئة مش قلت باش نتعشاو البرا
هارون: اي
روسلين: مالا برا حضر روحك فيسع و ايجا ..دخلت و سكرت عليه الباب عملت دوش و بعد خرجت شيحت شعرها و خطارت روب بلو تبين كل شي عملت شوية مكياج و بقات تستنا فيه
هارون: شبيك لتوا لا لبست
روسلين: هاني حاضرا
هارون: ظاهر فيا الكلمة باش نقولها برشا مرات برا بدل دبشك
روسلين: علاه محلاها شو ألا مود
هارون: روسلين تحب تبات من غير عشا
روسلين: باهي ففف و انت ظاهر فيك باش تمرجني ..دخلت لبست روب في الروج مغطية شدت شعرها لوطا و خرجتلو
روسلين: باهي هكا
هارون: تهبل مرتي هيا نمشيو
روسلين: شنوة الي في صبعك
هارون: شنوة؟/
روسلين: خاتم ؟؟
هارون: ااا اي خاتم عرسنا
روسلين: فيبالك مخذيتليش خاتم
هارون: ماو خوذ وحدك كي ناخذلك و ميعجبكش
روسلين تنرفزت: مم اي بالحق ايا نخرجو
شداتو من يدو و خرجو
روسلين: مناش باش نتعشاو في الأوتال
هارون: مم لا بلاصة اخري قريب منا
وصلو للشط نحات الطالون متاعها يمشيو عالرمل
روسلين: هارون جعت
هارون: اي هاو ماشين شبيك مزروبا
بقاو يمشيو لين وصلو لطاولة في وسط الشط مزينة و شموع تهبل جبدلها الكرسي قعدت و مشات قعدت هيا
روسلين. : ههه انت عملتها
هارون: اي
روسلين: و منين باش ناكلو
هارون: كولني كان تحب
روسلين: مم توا بعد نشبع منك ..حل عينو مش مستانسا تحكي هكا
هارون: اا انت صاي تهنيت عليك
روسلين: تي لا بالحق منين باش ناكلو
هارون: اف روسلين الطاولة تابعا الرستو متاع الأوتال عادك بيهم جابو الماكلا
روسلين: عيشلي حبي ييي تحبنا نتعشاو وحدنا
هارون: ممم عيشلك شكون ؟
روسلين: حبيبي انت
جابولهم الماكلا روسلين بقات تخزرلها مش فاهما حتي شنوة اما نحات الفرشيطة و بدات تاكل بيدها
هارون: روسلين هه يا روحي كول بالشوية
روسلين: هارون راو من فطور الصباح مكليت شي شنوة حقا هاذا مبنو
هارون: قرنيط
روسلين: اه؟؟ ..خرجت الي في فمها و بقات تشرب في الماء : اعععع شبيك مقتليش
هارون: جيت باش نسئلك اما انت دخلت فيه طول
روسلين: ووه كفاه كليتو اعع تي هاو كينو حي
هارون: اي لنا ياكلوه حي
روسلين: لا تفدلك امان
هارون: ولله لا
روسلين: يا ماما و انت كفاه تاكلو علاه تطلب فيه
هارون: لا مطلبتوش ظاهرلي غلطو في الأصحنة
الراجل: سمحني مسيو الأصحنة دخلو بعضهم لحظا و نجيبولكم ماكلتكم
روسلين: اووه ولله باش نرد علاه هكا
هارون: هه ايا روحي مش مشكلة هاك مكىليتش برشا
جابولهم اصحنتهم بقات تخزر
هارون: كول هه حوت هاذا و طايب زادا
روسلين: لا معادش عيني في شي
هارون: بنين ساعة عاد شبيه كان كليت قرنيط حي هاك قلت بنين
روسلين: هارون بربي لا تذكرني اف كرشي
هارون: باهي تحب نتمشاو طرف توا ترتاح
روسلين: لا يا روحي كمل عشاك مرجتك من بكري
هارون: هيا قوم مش هارب العشا ..مدلها يدو شدتها قامو بقاو يتمشاو
هارون: احسن شوية؟؟
روسلين: ولله كل منتذكر منضرو تلعب عليا الدوخا
هارون: باش تعود تثبت هه
روسلين: ياا شنوة هاذي شوف ضاهرلي خرجها البحر و مزالت مسكرا
هارون: شنوة ؟؟
روسلين: شوف البوشة مكبرها و محلاها
هارون: حلها شوف اش في وسطها
روسلين: لا ايجا نرجعوها للبحر يمكن مزالت حيا
هارون: لا منتصورش ههه حلها يمكن تلقا فاها حاجة
قلبتها في يدها جات تحل فاها محبتش
روسلين: اف محبتش تقول لاصقا
هارون: هات نجرب ..خذاها من عندها و هبط علي ركبة و نص و حلها بسهولة حطها قدامها فاها خاتم يهبل
حلت فمها تخزر منها لهارون و الخاتم الي يلمع بكلو بالرغم الدنيا ليل
روسلين: ههه هههههههه ههههه
هارون: شبيك
هبطت عليه عنقاتو و طاحو الإثنين عالرمل
روسلين تبكي : محلاااه
هارون: تستاهل مخير من هاذا
روسلين: لا ولله يهبل ..مدتلو يدها لبسها الخاتم و باسلها يدها : نحبك متنحيشو مهما يصير ..عملتلو براسها اي و رجعت ترمات عليه
هارون: ايا توا باش تتعشا ولا لا
روسلين: هه لا معاد عيني في شي
أنت تقرأ
احببت شيطان 💥🔥♥️
Paranormalبنات جبتلكم كرونيك كيما تحبوهاجريئة و مافيا 🔪💣💵 بالطبيعة كرونيك نار يا لبنات تونسي محرحر هيا يا لبنات لحلقات على بضو وربي يقوي السعود من توا : +جام على كل حلقة تقروها باش نعرف شكون قاعد يتبع فيها بربي ركزو عالتعلقات موش كي نقعد ساعة منهبطتش تخرج...
