منال: باهي خوذو راحتكم انا نمشي نشوف قضيات الداخل و نجي
هي مشات و هارون دارلها
هارون: اسمع شنوة حكاية راجلي هاذي
روسلين: ياخي باش نقول لأمي الي انا حبلا و مش معرسا
هارون: معناها هزار بنت خالتك
روسلين: اي حتي انا توا وين عرفت ..سمعو تصفيق دارو هزار خارجا هي و خليل طلعت تهبل الكلها تخزر بقاو يتبعو فاها خرجو مشاو يسلمو علي الناس بالواحد بالواحد
روسلين: مم طالعين علي بعضهم ..شدت الطاولة شوية لا طاحت
هارون: شبيك ؟؟
روسلين: فف الدوخة عاملا فيا باش نمشي نغسل وجهي
مشات دخلت للدار طلعت الفوق تلوج لين لقات الدوش غسلت وجها و جات راجعا وصلت للدروج تشوف كان في الدنيا الدور جات باش تبعد عالدروج اما منجمتش طاحت مالفوق جات لوطا
فد و هو يستنا وحدو و زيد روسلين بطات و كمل عليه الغزول الي طلعتهولو هزار دخل للدار باش يشوفها هو خلط للدروج شافها طايحا مشالها يجري يفيق فاها محبتش جا باش يهزها يسمع كان في حس كرطوش البرا و صياح هز روسلين حطها عالبنك و خرج يجري لهزار
واقفا هي و خليل مع امو يشوفو كان في الناس هاربا تجري و صوت كرطوش خليل ملي سمع الصوت هرب وحدو هزار جات باش تبعد عثرت في روبتها طاحت هي قامت و الناس تجري مش تخزر قدامها الي يتعدا يدزها كرشها وجعتها شدتها و بدات تعيط اما مسمعها حد هارون يجري كي المهبول يلوج علاها لين شافها طايحا تتوجع مشا لها يجري وصللها هبط يشوف فاها
هارون: هزار شبيك ؟؟
هزار تبكي: اي هارون ولدي ..هبط حملها و دخل باها للدار يجري سكر الباب حطها عالبنك و هي مزالت تتوجع يشوف فاها
هارون: هزار تحمل شوية
هزار تعيط مش منجما تجاوبو
كبس علاها عندو يمسح علي كرشها يهدي فاها
نور: هزاار شباها اش عملتلها
هارون: اسكت انت منعرش ظاهرلي طاحت علي كرشها
نور: هزار شبيك فاش تحس يا روحي
هزار: اااااه هارون ولدي ولدي صارتلو حاجة
هارون: متخافش مش باش يصيرلو شي
نور: و شباها هاذي زادا
هارون: منعرش دخلت للدار لقيتها طايحا
منال: بنتي شباها بنتي شنوة الحكاية هارون منين تعرف هزار
مشات لبنها تجري تلقاها عايما في دمها
منال: هاو رحك الكرطوش هيا نهزوهم للصبيطار
هارون حمل هزار و خرج باها يجري ركبها في الكرهبة و مشا
منال: شو كفاه خلا روسلين و مشا ايجا عيش بنتي عاوني نهزوها
يسوق و يجري شادتلو يدو كابسا علاها و تعيط
هارون: هزار تنفس بالباهي هاو قريب نوصلو
هزار بدات تبكي: اااااااااااااااااه منجمش
هارون: باهي متبكيش توا تقوا الوجيعة متخافش
هزار: هارون متخلنيش وحدي
هارون: منخليكش متخافش تنفس انت بالباهي ..الوجيعة ماشيا و تقوا علاها خزرت لروبتها تلقاها بالدم ماللوطا
هزار: هارون
هارون: متخافش هاو قريب نوصلو ....وصلو للكلينيك هبط يجري حملها و دخل باها يزرب لين جاو الطبا هزوها
هارون: شباها؟؟
الطبيب: لحظة نشوفوها و نجي
دخل الطبيب بقا يمشي و يجي لين خلطت نور : ويني شباها
هارون: منعرش الطبيب مزال مخرجش
نور: شنوة الحكاية رجالك الي ضربو
هارون: لا و منعرش شكون و متكملش عليا توا الي فيني مكفيني
نور بقات تخزرلو باين مرعوب حست بالحق الي هو يحبها
نور: ياخي تحبها لها الدرجة
هارون: نعشقها مش نحبها و كان تصيرلها حاجة ولله نموت
نور: متخافش مش باش يصيرلها شي
هارون: نشالله هوما اكاكا و خرج الطبيب
هارون: شباها؟؟
الطبيب: لازمها تولد توا
نور: اه كفاه تي مزالت كي دخلت في الشهر الثامن
الطبيب: منجمو نعملو شي توا
هارون: باهي نحب ندخل معاها
الطبيب: اي لحظة حتي لين نحضرو بيت العمليات ..هو مشا و هوما دخلولها تجري يلقاوها لبسوها دبش الكلينيك و مزالت تتوجع
هارون: هزار يا روحي متخافش هاني معاك
نور: هزار ايا عاد قوي روحك شوف النهار هاذا قداه عندك تستنا فيه
أنت تقرأ
احببت شيطان 💥🔥♥️
Paranormalبنات جبتلكم كرونيك كيما تحبوهاجريئة و مافيا 🔪💣💵 بالطبيعة كرونيك نار يا لبنات تونسي محرحر هيا يا لبنات لحلقات على بضو وربي يقوي السعود من توا : +جام على كل حلقة تقروها باش نعرف شكون قاعد يتبع فيها بربي ركزو عالتعلقات موش كي نقعد ساعة منهبطتش تخرج...
