رجعت مالكلينيك ملي وصلت لقاتو خايض
نور: لا يا هارون ملزمناش نقولولها ولله متهبل
منال: شفما اش صاير هزار لباس
نور: يا خالتي كان تشوف اش صار آزر ملقيناشو فما شكون هزو
منال: شنوة ؟؟ اكيد غالطين زيدو ثبتو
نور: لا يا خالتي شافوها فما فرملية خرجاتو و ميعرفوش وين هزاتو
منال: وه اللطف يا ربي و هزار
نور: منعرش كان متسمعش خير
هزار: باش منسمعش ؟؟ هارون وينو آزر شبيك لتوا لا جبتو
بقاو الكل ساكتين لين جا الطبيب : سي هارون حطينا تصاورها في البلايص الكل معندها وين باش تهرب
هزار: شكون ؟ اش فما وينو ولدي
نور: عيش اختي اسمعني الفرملية الي جات و هزت آزر طلعت خرجت بيه مالكلينيك
هزار: اي و ويني و كفاه تخرج بيه هاروون
هارون: هزار عزيزتي خرجت بالسرقة مشافها حد
هزار بقات تخزر مقالت شي : ابقاو توا نمشي نجيبو وحدي ..هي جات ماشيا و هارون شدها من يدها رجعها : هزار عزيزتي آزر مش في الكلينيك
هزار بدات تعيط : مالا وينو قتلي باش يشوفو الطبيب مالا وينو
نور: هزار متعملش هكا توا يلقاوه اكيد
هزار بدات تبكي و تخضرط في الكلام : روسلين روسلين هزاتو اكيد هي
هارون: هزار ايجا ادخل للبيت
هزار: لا و انتوما قاعدين تتفرجو لنا
الطبيب: مدام البلاد الكل فيبالها و تلوج عليه
هزار: الكلو منك انت ..مشات تضرب و دز جاها هارون من تالي هو جبدها و هي طاحت دايخا بين يديه حملها مفجوع و دخل باها للبيت يفيق فاها و هي تقول ميت لين دخل الطبيب خرجو و بقا يشوف فاها
نور: ففف ياربي شكون هزو ولله لايجوها عباد مزال صغير
منال: يمكن هي عاملا الشر في حياتها عاد رجع علي ولدها توا
نور: خالتي لباس تحكي هكا
منال: وه يا بنيتي اش فما شبيك شعلت
نور: مش ناقصا توا و زيد ولله تقول كلمة اخري علاها معاد تشوف لا وجهي و لا وجها
خرج الطبيب: نفسيتها تاعبا برشا لازمكم تسايسوها
هارون: نجم نشوفها
الطبيب: اي اصلا تنجم تخرج اليوم خاطر يمكن في الدار ترتاح خير
نور: باهي باهي
هارون دخللها لقاها قاعدا لاما ركايبها لاها و تبكي مشالها قعد بحذاها يمسح علي شعرها
هارون: هزار يا روحي متعملش هكاا
هزار: اخرج عليا
هارون: هزاار
هزار: قتلك اخرج مكفاكش الي صار اكيد واحد من جماعتك قداه من مرة قتلك بطلها الخدمة شوف توا اش صار هزولي ولدي
هارون: هزار مش ولدك وحدك مش ناقص حتي انا
هزار: كان جا ولدك راك لقيتو
هارون: هزار صدقني البلاد الكل فيبالها و تلوج توا نلقاوه
هزار: القاه مالا ...دخل عليهم خليل
خليل: هزاار عزيزتي شبيك لباس
هزار: كان يخرج هارون توا نولي لباس
هارون: لها الدرجة مقلقك و انت اش تعمل لنا
خليل: انت اش تعمل لنا انا جيت لخطيبتي
هارون: اخرج مشفتنيش بحذاها
هزار: انت اخرج مش هو
هارون : مم باهي هاو خارج اشبع بيه ...قام خرج و ضرب الباب وراه
منال تمشي و تجي في التوالات تطلب في روسلين : افف يا ربي هالطفلة شباها متهزش
نور: خالتي خالتي وينك
نحات التلفون مفجوعة و خرجتلها: نعم نور فما حاجة
نور: انا هاو جبت دبش نظيف لهزار باش تلبس و نمشيو لدارها
منال: اا اي اي باهي مالا انا هاو مروحا توا
نور: ماكش باش تجي معايا باش تعاوني
منال: وراس بنتي عندي مانقضي توا نكمل و نجي
نور: ممم باهي
خليل قرب قعد في بلاصة
خليل: هزار يا عزيزتي كل شي تحل توا
هزار: شنوة شبيك ياخي
خليل: ولدك ماو ضاع توا يعني معاد شي يربطك بهارون يعني نعرسو مرتاحين
هزار: لباس انت اخرج عليا الكلكم كي بعضكم
خليل: هدي روحك عزيزتي حتي امي خليتها مشات تخطارلك في الروب متاع العرس
هزار هزت يدها و ضرباتو بكف : اخرج انا ولدي مش بحذايا و يعلم بيا ربي و انت تقلي نعرسو
خليل: متخافش يا روحي كانك تحب عالصغار توا نجيبو حتي احنا
هزار: ابعد عليا المهبول هاذا
خليل: ايجا توا نجيبو صغير ايجا ...شدلها يدها و هبط علاها سكرلها فمها بدات دز فيه منجمتش حتي تحركو و لا تخرج صوتها ..لين دخلت نور شفاتو بدات تعيط و مشات تضرب و تبعد فيه لمة الي في الكلينيك الكل هزوه الحرس و خرجوه
نور عنقت اختها تسكت فاها: يزي عيش اختي هيا يزي
هزار تبكي: تعبت صايي معادش نجم
نور: هيا البس دبشك توا في الدار ترتاح خير ...
أنت تقرأ
احببت شيطان 💥🔥♥️
Paranormalبنات جبتلكم كرونيك كيما تحبوهاجريئة و مافيا 🔪💣💵 بالطبيعة كرونيك نار يا لبنات تونسي محرحر هيا يا لبنات لحلقات على بضو وربي يقوي السعود من توا : +جام على كل حلقة تقروها باش نعرف شكون قاعد يتبع فيها بربي ركزو عالتعلقات موش كي نقعد ساعة منهبطتش تخرج...
