You Found Me ‖ KSJ [2]

Chapter 11

(3RD PERSON's POV)

යුමිට විතරක් නෙවේ යුමීට වගේ තවත් ළමයි කීපදෙනෙක්වම ඉස්කෝලෙ ඇතුලෙදිම bully කරපු වරදට දඩුවමක් විදිහට හේජින්ටයි එයාගේ යාළුවො දෙන්නනටයි ඊළඟ සති දෙකේම පංති තහනම් කරන්න principal සර් අන්තිමේදි තීරණය කලා. ඒවගේම එයාලා ඒ සති දෙකේම Gwancheon වල තියෙන වැඩිහිටි විවේක නිවසක අත් උදව්වට යන්න ඔිනි කියලත් දඩුවමේ තවත් එක කොටසක් විදිහට ඒ තුන් දෙනාට කරන්න සිද්ධ වේවි.

ඉතින් මේ සිද්ධියෙන් දවස් දෙකකට පස්සේ යුමී ආයෙමත් ඉස්කෝලෙ ආවා. ඒත් තාමත් ඒ ඉන්නේ පරණ යුමීම තමයි. කාත් එක්කවත් කතා කරන්නේ නැති, lunch break එකේදි හොයාගන්නවත් නැති කන්ග් යුමීමයි තාමත් ඉන්නේ. දැන් එයාට කරදර කරන්න කවුරුවත් නෑ කියලා දැන දැනත් තාමත් එයා හැමකෙනෙක්ගෙන්ම හැංගිලයි ඉන්න හදන්නේ.

▪▪▪▪▪▪▪

(SEOK-JIN POV)

මේ අප්‍රේල් මාසේ අග හරිය නිසා මේ දවස්වල Gwancheon වලට උදේ ඉදන් රෑ එළිවෙනකල්ම හරියට කුණාටුවක් ඇවිත් වගේ හයියෙන් වහිනවා. අදත් ඉතින් වෙනසක් නැතිව උදේ ඉදන් වහින්න ගත්තේ මුළු පළාතම අඳුරු කරගෙනයි.

හැමදාමත් වගේ අදත් මන් ඉස්කෝලෙන් පස්සේ වැඩිපුර පැය දෙකක් drama room එකේ නැවතින්න හිතුවේ අපිට ඉස්සරහට කරන්න තියෙන තරඟ ගැන හොයලා බලලා ඒ ගැන පොඩි සටහනක් හදාගෙන අපේ සෙසන්ග්නිම්ට පෙන්නලා ඒ වැඩ ටික ලෑස්ති කරගන්න ඔිනි නිසයි. ඒ වැඩ ටිකත් ඉවරවෙලා මාත් එක්ක හිටිය ළමයි ටිකත් එතනින් ගියාට පස්සේ මන් හෝල් එකේ දොරවලුත් ලොක් කරලා හිමින් හිමින් ඉස්කෝලේ ගේට් එක පැත්තට ඇවිදන් ආවා.

මන් ගේට් එක පැත්තට ළන්වෙනකොට තාමත් ගෙදර ගියේ නැති කෙනෙක් වැස්සේම සීතලට අත් ගුලි කරන් පාර දිහා එබී එබී බලන් හිටියා. ඒ වෙන කවුරුත් නෙවේ යුමීයි ඒ පුංචි හෙවණ යටට වෙලා කවුරුහරි බලාපොරොත්තුවෙන් පාර දිහා බලන් හිටියේ. දැන් ඉස්කෝලෙත් ඇරිලා පැය දෙකකටත් වැඩීනේ. ඇයි තාමත් එයා මෙතන?

"ඇයි යුමී.... ගෙදර යන්නේ නැද්ද?"