Discord (GL) [COMPLETED]

Chapter 13

"Oh...sino kaya yung nagsabing hindi siya magluluto ng sinigang?"

Parang gusto kong ihagis yung pinaglulutan ko sa kanya habang mainit na mainit pa. "Sabaw lang sa'yo."

"Ay, huwag naman." Lalo akong naasar nang tumawa itong Eris na 'to. "Maawa ka sa nagugutom kong mga alaga."

"Kapag ininis mo pa ako, sabaw lang sa'yo at siling haba."

"Grabe ka naman sa akin. Hindi ka naman iniinis, sadyang asar ka lang sa akin."

"Buti alam mo." Parang sasama pa yata lasa ng niluluto ko kahit patapos na dahil nababadtrip ako.

Tumahimik na siya pagkatapos. Tanging yung sound lang ng tv ang naririnig ko, feeling ko nagn-Netflix siya. I peeked a little on her and I gasped when I saw that she's staring at me. "Anong tinitingin-tingin mo?"

"Sungit." Umiling siya. "Eh, ikaw bakit lumingon ka rito?"

Since hinihintay ko na lang yung niluluto ko ay naupo ako sa lamesa at tinitigan siya. "Chine-check ko lang kung buo pa yung living room ko."

"Maria Clara, hindi ako batang malikot."

"Naninigurado lang."

"Pero gutom na ako."

"Hintayin mo sabaw mo."

"Huwag naman sabaw lang!" Ngumuso siya. "Ikaw kainin ko diyan, eh."

"Tigilan mo ako."

"Joke lang." Ngumiti siya at hinawi yung buhok niya pagilid sa kanang tainga. Para bang at home talaga siya sa ikinikilos, mas comfortable pa yata siyang gumalaw kaysa sa akin. "Serious mo masyado, tatanda ka niyan agad."

"Mas matanda naman ako sa'yo in the first place." Tumayo na lang ulit ako at tiningnan yung sinigang. Naiinis ako kapag nakikita ko mukha niya.

"Hmm, Ate Bianca?"

"Shut up."

"Ate Heriel?"

Napahinga na lang ako ng malalim. Pinatay ko yung kalan. Muntik pa ako mapaatras nang sa pagharap ko ay mukha mismo ni Eris ang bumungad sa akin, pero maagap niya akong nahawakan sa braso at sa baywang ko palapit sa kanila. Iginilid niya ako palayo sa stove. "Tangina naman—"

"Oh, oh, kalma." Tinapik-tapik niya ako sa likuran. Ewan ko kung anong meron at kumalma nga ako sa ginagawa niya. Inalis ko yung kamay niya sa akin. "Iniwas ka na nga para hindi ka mapaso."

"Kasalanan mo naman, gago 'to."

"Ganda mo, dirty lang mouth." Binelatan niya ako. Napairap ako dahil ang childish niya. "Kain na ba?"

"Maya-maya."

"Oh, tara."

"Saan?"

"Doon sa sofa."

"Ayoko, maliligo ako."

Kumunot ang noo niya. "Gusto mong mapasma? Kaluluto mo lang. Halika na."

"Eris Belo—"

"Kumontra ka, bubuhatin kita papunta ro'n."

Putangina.

Binangga ko siya nang dumaan ako pero tinawanan lang ako ng siraulo. Naupo ako sa sofa tulad nang sinabi niya. Napatingin ako sa tv pero hindi naman ako interesado sa palabas kaya sinundan ko lang ng tingin si Eris na naglalakad palapit sa akin.

Hindi ko siya pinansin nang umupo siya sa tabi ko since may space naman. Naglabas ako ng panyo at pinunasan ang sarili. Pero hindi talaga ako mapakali. Tumayo ako kaya napatingin si Eris sa akin.