𝐒𝐔𝐁𝐒𝐓𝐈𝐓𝐔𝐓𝐈𝐎𝐍

𝐒 𝐔 𝐁 𝐒 𝐓 𝐈 𝐓 𝐔 𝐓 𝐈 𝐎 𝐍 : 18

𝐔𝐍𝐈𝐂𝐎𝐃𝐄

လုံးဝလက်မခံနိုင်သည့်ကိစ္စကြီးကို ငြင်းမရသည်မို့
လက်မခံချင်ဘဲလက်ခံလိုက်ရတဲ့ ထယ်​ယောင်းသည်
မျက်နှာကြီးက သုန်မှုန်လျက်ရှိသည်။ သူတို့ကို
တည်းခိုင်းတဲ့ အခန်းထဲကို​ခြေသံပြင်းပြင်းနဲ့
ဝင်ပြီးနှုတ်ခမ်းကြီးကို ထူ​နေ​အောင်​ထော်​ထားတာ
​လေးကအစ အသည်းယားစရာ​လေးပင်။

လူကြီးရုပ်​လေး​ပေါက်​အောင် ဝတ်လာခဲ့တဲ့
အညို​ရောင်​ long coat လေးကို ​​ဒေါသတကြီး
ချွတ်လွှင့်ပစ်လိုက်တဲ့​ပေါက်စပုံစံက တကယ့်ကို
အသည်းယားဖို့​ကောင်းလွန်းလှသည်။
​အောက်မှာဝတ်ထားတဲ့အဖြူ​ရောင်ရှပ်အင်္ကျီ​လေးနဲ့
ရှင်းသန့်ပြီးချစ်ဖို့​ကောင်း​နေတဲ့ထယ်​ယောင်းက
​​ဒေါသဖြစ်​နေတာ​တောင် ဖျစ်ညှစ်ပစ်ချင်စရာ
​ကောင်းတုန်းပင်။ ​ဒေါသဖြစ်​နေတယ်လို့ကိုမထင်ရ။

​ဂျောင်ဂုအ​နေနဲ့က​​တော့ ထယ်​ယောင်းသူ့ကို
​ဒေါသဖြစ်စိတ်ဆိုးမှာကို စိတ်မ​ဖြောင့်​နေရာက
အရမ်းကိုချစ်ဖို့​ကောင်း​နေတဲ့​ဒေါသအိုး​လေး​ကြောင့်
ပြုံးလို့သွားမိသည်။ ဒီလိုဖြစ်​အောင်သူလုပ်ခဲ့တာ
မဟုတ်​ပေမယ့် ဒီလိုဖြစ်တာကို​ကျေနပ်မိတာ​တော့အမှန်။ သူ့ကိုစဖိတ်ကတည်းကသူတို့ဆီမှာ
တစ်ညတည်းသွားဖို့အတွက်ပါ သူငယ်ချင်းအတွဲက
တစ်ပါတည်းဖိတ်ထားတာပင်။ အဲ့ဒါကို​မေ့​လျော့ကာ
​မ​တွေ့တာကြာပြီဖြစ်တဲ့ သူငယ်ချင်းစုံတွဲကို
​ထယ်​ယောင်းနဲ့အတူ​ပြန်တွေ့ချင်တဲ့စိတ်​ကြောင့်
မရမက ​ခေါ်လာမိခဲ့တာပင်။

အခုလို အခွင့်အ​ရေးယူဖို့​တော့စိတ်ကူးမရှိခဲ့တာ
အမှန်ပါ။ ဒီ​ရောက်ကာမှ​ပေါ်​ပေါက်လာခဲ့တဲ့
အခွင့်အ​ရေးကို လက်လွှတ်လိုက်ရ​အောင်ကြပြန်​တော့လဲ သူကနာလပိန်းတုံးမှမဟုတ်တာ။
ဒီလိုအခွင့်အ​ရေးမျိုးက ကြုံဖို့ခဲယဥ်းသည်မို့
​ပျော်​နေတဲ့စိတ်ကိုမဖုံးကွယ်နိုင်စွာ ပြုံးပြုံးကြီးနဲ့
လက်ခံခဲ့မိသည်။

အခုလိုအတူတူ​နေရဖို့အ​ကြောင်းဖန်လာတာဟာ
သူ့ရဲ့ကြိုတင်ကြံစည်မှု​တွေဖြစ်​နေမယ်လို့
ထယ်​ယောင်းက​တွေးမိ​နေမှာကျိန်း​သေသည်။
အခုတ​လော သူနဲ့ပတ်သတ်တဲ့အရာမှန်သမျှကို
ဆတ်ဆတ်ထိမခံဖြစ်​နေတဲ့ ထယ်​ယောင်းဟာ
ဒီကိစ္စကိုအများကြီး ​ဒေါသဖြစ်​နေမှာ​မှန်းစရာမလို။