𝐒𝐔𝐁𝐒𝐓𝐈𝐓𝐔𝐓𝐈𝐎𝐍

𝐒 𝐔 𝐁 𝐒 𝐓 𝐈 𝐓 𝐔 𝐓 𝐈 𝐎 𝐍 : 11

Unicode

ရင်ထဲမှာတစ်ခုခု လစ်ဟာ​နေတဲ့ခံစားချက်ကြီးနဲ့
​ဂျောင်ဂုနိုးလာမိတယ်။ ​သူ့​ဘေးဘက်က
ထယ်​ယောင်းရဲ့​နေရာလွတ်ကိုကြည့်ရင်း
သူ့ရင်ထဲ ဟာတာတာဖြစ်​နေတဲ့အ​ကြောင်းကို
သိသွားတယ်။ ညတုန်းကအရက်​​သောက်ပြီးရင်
ထယ်​ယောင်းဆီကိုသွားကြည့်မယ်လို့
စဥ်းစားထားခဲ့​ပေမယ့် အခုနိုးလာ​တော့ကျ
ထယ်​ယောင်းဆီ သွားခဲ့လား၊မသွားခဲ့ဘူးလားဆိုတာ
သူမမှတ်မိ​တော့။

ဘယ်အချိန်ပဲ​သောက်​သောက်
အရက်ဆိုတဲ့အရာကို​သောက်ပြီးရင်
သူ့ကိုယ်သူဘာလုပ်လို့လုပ်မိမှန်း သူတကယ်မသိပါလား။
ကိုယ့်ကိုယ်ကို အရင်ဆုံးကိုယ်၊လက်သန့်စင်လိုက်ပြီးမှ
ထယ်​ယောင်းရှိ​နေမယ့်စာဖတ်ခန်းဆီဦးတည်လိုက်သည်။
ဒီ​နေ့က အလုပ်ဖွင့်တဲ့ရက်မို့လို့သူ​စောနိုး​နေသည်။
ခါတိုင်း​တော့ ဒီအချိန်ထယ်​ယောင်းကမနိုး​သေး။

စာဖတ်ခန်းမ​ရောက်​သေးခင်မှာဘဲ
မီးဖို​ချောင်ထဲက​နေ ကြား​နေရတဲ့
ထယ်​ယောင်းရဲ့အသံ​​လေး​တွေကြောင့်
မီးဖို​​​ချောင်ထဲသွားကြည့်မိ​တော့ ညတုန်းက
သူစား​သောက်ထားတဲ့အရာ​တွေကို
ရှင်းလင်း​နေတဲ့ ထယ်​ယောင်း။
လင်း​​နေတဲ့မျက်နှာနုနု​လေးက ဝမ်းနည်း​နေတယ်ဆိုတာ
သိသာ​နေတာမို့လို့ ​ဂျောင်ဂုရင်ထဲမ​ကောင်း။

ထယ်​ယောင်းကို သူ​ပျော်​စေချင်​ပေမယ့်
သူကိုယ်တိုင်မတားနိုင်တဲ့ ကံဇာတ်ဆရာက
ထယ်​ယောင်းကိုစိတ်ညစ်​အောင် တစ်နည်းမဟုတ်
တစ်နည်းဒုက္ခ​ပေး​နေသည်။
အမြည်းထည့်ထားတဲ့ပန်းကန်​တွေပို​ဆေး​နေတဲ့
ထယ်​ယောင်းရဲ့ကိုယ်လုံး​လေးကို
အ​နောက်က​နေဖက်ထားလိုက်ပြီး

"အလုပ်သမား​တွေကို ခိုင်းလို့ရ​နေတဲ့ဟာ​တွေကို
ဘာလို့ကိုယ်တိုင်လုပ်​နေတာလဲ ထယ်ရဲ့။
​နေလို့​ရော ​ကောင်းရဲ့လား။"

ထယ်​ယောင်းက ​ခေါင်းပဲငြိမ့်ပြ​​ပေမယ့်
ဒီ​လောက်က​လေးတုံ့ပြန်တာကိုပဲ​ဂျောင်ဂု​ကျေနပ်ပါသည်။ အခုအ​ချိန်မှာ သူသိလာရတာက
သူ့အ​နေနဲ့ ထယ်​ယောင်းရဲ့​သေးငယ်တဲ့
ဂရုစိုက်မှု​လေး​တွေကိုကအစ တပ်မက်တယ်ဆိုတာကိုပင်။ သူ့ကို​ဒေါသထွက်​နေတာ​တောင် မဟုတ်ဘဲ
ထယ်​ယောင်းမျက်နှာမကြည်ရင် သူ့မှာဗျာများရသည်။