𝐒𝐔𝐁𝐒𝐓𝐈𝐓𝐔𝐓𝐈𝐎𝐍

𝐒 𝐔 𝐁 𝐒 𝐓 𝐈 𝐓 𝐔 𝐓 𝐈 𝐎 𝐍 : 20

𝐔𝐍𝐈𝐂𝐎𝐃𝐄

ဖွဲဖွဲ​လေးကျ​နေတဲ့အ​နေအထားက​နေ
ကြမ်းတမ်းတဲ့အသွင်ကို​ပြောင်းကာ သည်းကြီးမည်းကြီး
ရွာချပါ​လေ​သောမိုးသည် အကြီးအကျယ်
စိတ်​သောက​ရောက်​နေ​သော​ဂျောင်ဂုကို
​လှောင်​ပြောင်​နေသလိုလိုပင်။

စိတ်ခံစားချက်ပြင်းထန်​နေတဲ့သူကို
သွား​လှောင်မိရင်အဲ့လူရဲ့လက်ရှိခံစားချက်​တွေဟာ
နှစ်ဆပြင်းထန်သွားရနိုင်သည်။
ထို့​ကြောင့်ထယ်​ယောင်းနှုတ်ကထွက်လာတဲ့
ရက်စက်လွန်းသည့်စကား​ကြောင့်
​ကြောက်ရွံ့မှု​တွေ၊ဝမ်းနည်းမှု​တွေခံစား​နေရတဲ့​ဂျောင်ဂု
အ​နေနဲ့ဖြင့် မိုး​ရေစက်​တွေရဲ့​လှောင်​ပြောင်မှုကြား
မရှူနိုင်၊မကယ်နိုင်​လောက်​အောင်ကို
ခံစားချက်​တွေပြင်းထန်​နေခဲ့သည်။

သူမှားခဲ့တယ်ဆိုတာ သိပါတယ်။
ဘယ်သူမှမကျူးလွန်လောက်တဲ့အမှားမျိုးကို
သူကျူးလွန်ခဲ့မိတယ်။ ကိုယ့်ကိုစွန့်ပစ်သွားတဲ့
လူအတွက်ခံစားကာ ကိုယ့်ကိုတကယ်ချစ်တဲ့
လူအ​ပေါ်လှည့်စားခဲ့မိတယ်။

အဲ့အတွက်သူအကြိမ်ကြိမ်အခါခါ​နောင်တရပြီးပြီ​လေ
​ထယ်​ယောင်းအရိပ်အ​ခြေကိုကြည့်​နေထိုင်ရင်း
စိတ်ထဲအ​နေခက်ရင်​တောင် သူ​လေးအဆင်​ပြေပါ​စေ
ဆိုတဲ့စိတ်နဲ့သူ့အချစ်​တွေကို အသိအမှတ်ပြုခံရ​အောင်
ကြိုစားခဲ့တယ်။ ကွာရှင်းဖို့ဆိုတဲ့အရာအတွက်
သူ့ဘက်ကဘယ်လိုမှအသင့်မဖြစ်တာ​ကြောင့်
အရာရာကိုထယ်​ယောင်းအလိုကျ လိုက်​လျောခဲ့တယ်။

ဒါ​တောင်မှ​လေ
ထယ်​ယောင်းငယ်ရဲ့နှုတ်က ကွာရှင်းဖို့စကား
ထွက်လာသည်တဲ့လား။ တကယ်လို့​ပြောခဲ့မယ်ဆိုရင်​တောင် ဒီ​လောက်မမြန်သင့်ဘူး​လေ။

"အစက​တော့ ဒီညတစ်ညလုံး
ခင်ဗျားကိုစိတ်​ပျော်​အောင် ထား​ပေးမလို့ဘဲ။
ဒါ​ပေမယ့် ခင်ဗျားစိတ်ခံစားချက်​တွေကို
ကစားမိသလိုဖြစ်သွားမှာစိုးလို့
အခုပဲ​ပြောလိုက်တာ။
ခင်ဗျားဆန္ဒကိုမ​​မေးဘူး။
ကွာရှင်းမယ်ဆိုတာကို သတိ​​ပေးပြီးသွားပြီမို့ဒီတစ်ပတ်အတွင်းကျွန်​တော်တို့အဆုံးသတ်ကြရ​အောင်"