𝐒𝐔𝐁𝐒𝐓𝐈𝐓𝐔𝐓𝐈𝐎𝐍

𝐒 𝐔 𝐁 𝐒 𝐓 𝐈 𝐓 𝐔 𝐓 𝐈 𝐎 𝐍 : 13

𝐔𝐍𝐈𝐂𝐎𝐃𝐄

ယုံကြည်ချက်အမှား၊ ဆုံးဖြတ်ချက်အမှားနဲ့
ယူဆချက်အမှား​တွေက ချစ်သူနှစ်​ယောက်ကို
အစွန်းတစ်ဖက်စီ​ရောက်​အောင် လုပ်နိုင်တယ်။
လူချင်းသာနီးကပ်​နေရ​ပေမယ့် နှစ်​ယောက်သားရဲ့
နှလုံးသားမှာကပ်ငြိ​နေတဲ့ ​အေးစက်စက်သံသယ​တွေက
နုပျိုတဲ့ရင်ခုန်သံ​တွေကို​မ​ပေးစွမ်းနိုင်​တော့။

တစ်​ယောက်အချစ်အ​ပေါ်တခြားတစ်​ယောက်က
သံသယဖြစ်လို့​နေရတဲ့ လူနှစ်​ယောက်ရဲ့ပတ်သတ်မှုကို
ဘယ်က​နေစမှားခဲ့ကြလဲဆိုတဲ့ ​မေးခွန်းထုတ်တဲ့အခါ
စစ​တွေ့ချင်းအချိန်ကတည်းက မှား​နေခဲ့ကြတယ်လို့ပဲ
​တော်​တော်များများက ​​တွေးတောကြလိမ့်မယ်။
တကယ်တမ်းကျအဲ့လိုမဟုတ်ဘူး။

ကိုယ့်ကိုချစ်​ပေးတဲ့ကိုယ့်ချစ်သူရဲ့ ရင်ခုန်သံ​တွေကို
လျစ်လျူရှုလှည့်စားခဲ့ကြတဲ့အချိန်မှာမှ
သူတို့​တွေစမှားခဲ့ကြတာ။ တစ်ဖက်လူကကိုယ့်ကို
ချစ်​နေမှန်းသိသိကြီးနဲ့ "သူငါ့ကိုမချစ်​လောက်ပါဘူး"
ဆိုပြီး ကိုယ့်စိတ်မှန်းကိုလှည့်စားခဲ့ကြတဲ့အချိန်ကတည်းက ချစ်သူနှစ်ဦးကြားမှားယွင်းမှု​တွေက
ဝင်လာခဲ့တာ။

ကိုယ့်ကိုချစ်​ပေးတဲ့လူကို အစားထိုးအရာတစ်ခုလို
သတ်မှတ်ထားပြီးတဲ့​နောက်
ကိုယ်ချစ်ရတဲ့သူက ကိုယ့်ကိုအစားထိုးပြီးကြင်နာပြ
​နေတယ်ဆိုတာကို သိလိုက်ရပြီးတဲ့​နောက်

ရလာတဲ့အကျိုးဆက်က​တော့
အချစ်စစ်ဆိုတဲ့အရာကိုတောင်
အတုအ​ယောင်၊အလိမ်အညာ​တွေလို့
ထင်မြင်လာခဲ့​တော့တာဘဲဖြစ်တယ်။

▪︎■▪︎ 𝐒 𝐔 𝐁 𝐒 𝐓 𝐈 𝐓 𝐔 𝐓 𝐈 𝐎 𝐍 ▪︎■▪︎

ခါတိုင်း​တော့ ပန်း​တွေတစ်မျိုးပြီးတစ်မျိုးမထပ်​​​အောင်
ပန်းစည်းစည်းပြီး ​ပေး​လေ့ရှိတဲ့​ဂျောင်ဂုက
အခုတ​လော​တော့ ​ဒေစီပန်းစည်း​တွေကိုသာ
ထယ်​ယောင်းကို လက်​​ဆောင်​ပေးလို့​နေသည်။
သူတို့ကုတင်​ဘေးကစားပွဲ​ပေါ်မှာထားထားသည့်
ပန်းအိုးအရှည်အကြည်​လေးထဲမှာ
ရိုးစင်းစွာနဲ့​နေရာယူထားကြတဲ့ ​ဒေစီပန်း​လေး​တွေကို
​တွေ​တွေ​ငေးရင်း ထယ်​ယောင်းကြည့်​နေမိသည်။